#IndiaFightsCorona இந்தியாவில் கொரோனா வைரஸ் பாதித்தவர்கள் எண்ணிக்கை 6,400-ஐ தாண்டியது, மாநிலம் வாரியாக பாதிக்கப்பட்டவர்கள் விபரம்:-

Read Time:3 Minute, 9 Second
Page Visited: 114
#IndiaFightsCorona இந்தியாவில் கொரோனா வைரஸ் பாதித்தவர்கள் எண்ணிக்கை 6,400-ஐ தாண்டியது, மாநிலம் வாரியாக பாதிக்கப்பட்டவர்கள் விபரம்:-

இந்தியாவில் கொரோனா வைரசை கட்டுப்படுத்த ஊரடங்கு உத்தரவு அமல்படுத்தப்பட்டு இருந்தாலும் வைரசின் தாக்கம் ஒவ்வொரு நாளும் அதிகரித்துக்கொண்டே செல்கிறது.

நாட்டில் கொரோனா வைரஸ் பரவி வருவது இன்னும் இரண்டாவது கட்டத்தில்தான் இருக்கிறது என்று சொல்லப்பட்டு வருகிறது. இருப்பினும் கொரோனா வைரஸ் வேகமாகவே பரவுகிறது என்பதை புள்ளி விபரங்கள் காட்டுகின்றன. மூன்றாவது கட்டமான சமூக பரவலுக்கு செல்லவில்லை என்று கூறப்படுகிற நிலையிலும், கடாந்த 24 மணி நேரத்தில், 678 பேருக்கு கொரோனா வைரஸ் பரவி இருப்பதாக மத்திய சுகாதாரத்துறை அமைச்சக தகவல்கள் தெரிவிக்கின்றன.

மாநில அரசுகள் அளித்த தகவல்களின்படி, இந்தியாவில் கொரோனா வைரஸ் பாதிப்புக்குள்ளானோர் எண்ணிக்கை 6,412 ஆக உயர்ந்து உள்ளது. பலியானவர்கள் மொத்த எண்ணிக்கை 199ஆக உயர்ந்து உள்ளது. மொத்தம் 503 நோயாளிகள் குணம் அடைந்து உள்ளனர் என மத்திய சுகாதாரத்துறை அமைச்சகம் தெரிவித்து உள்ளது.

மராட்டியத்தில் வைரசால் பாதிக்கப்பட்டவர்கள் எண்ணிக்கை 1,364 ஆக உள்ளது. தமிழகத்தில் பாதிப்பு 834 ஆகவும், டெல்லி 720 ஆகவும், ராஜஸ்தான் 463 ஆகவும், தெலுங்கானா 442 ஆகவும் உள்ளது. வைரஸ் பரவல் காரணமாக அமலில் இருக்கும் ஊரடங்கை ஒடிசா மாநிலம் ஏப்ரல் 30-ம் தேதிவரையில் நீட்டித்துள்ளது. மேலும், பள்ளிகளை ஜூன் 17-ம் தேதி வரையில் மூடுவதாகவும் அறிவித்து உள்ளது. ஊரடங்கை நீட்டிப்பது தொடர்பாக மத்திய அரசு சனிக்கிழமை முடிவு எடுக்கக்கூடும் என எதிர்பார்க்கப்படுகிறது.

இந்தியாவில் மாநிலங்கள் வாரியாக வைரசால் பாதிக்கப்பட்டவர்கள் எண்ணிக்கை விபரம்:-

ஆந்திர பிரதேசம் – 348, அந்தமான் – 11, அருணாச்சல பிரதேசம் – 1, அசாம் – 29, பீகார் – 39, சண்டிகார் – 18, சத்தீஷ்கார் – 10, டெல்லி – 720, கோவா – 7, குஜராத் – 241, அரியானா – 169, இமாச்சல பிரதேசம் – 18, காஷ்மீர் – 158, ஜார்கண்ட் – 13, கர்நாடகா -181, கேரளா – 357, லடாக் – 15, மத்திய பிரதேசம் – 259, மராட்டியம் – 1364, மணிப்பூர் – 2, மிசோரம் – 1, ஒடிசா – 44, புதுச்சேரி – 5, பஞ்சாப் – 101, ராஜஸ்தான் – 463, தமிழகம் – 834, தெலுங்கானா – 442, திரிபுரா – 1, உத்தரகாண்ட் – 35, உத்தரபிரதேசம் – 410, மேற்கு வங்காளம் – 116.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %