#Coronavirus அமெரிக்காவில் 4 லட்சத்து 70 ஆயிரம் பேர் பாதிப்பு, 17 ஆயிரம் பேர் சாவு; பிணவறையில் இடமில்லாததால் லாரிகளில் வைக்கப்படும் சடலங்கள்…

Read Time:3 Minute, 23 Second

உலகில் வேகமாக கொரோனா வைரஸ் அமெரிக்காவை உலுக்கி எடுக்கிறது. அங்கு ஒவ்வொரு மணி நேரமும் நூற்றுக்கணக்கானோருக்கு கொரோன வைரஸ் தொற்று உறுதி செய்யப்படுகிறது. விஞ்ஞானம், மருத்துவம், தொழில்நுட்பத்தில் சிறந்து விளங்குவதாக கூறும் அமெரிக்கா கொரோனாவை கட்டுப்படுத்த முடியாமல் திணறிக் கொண்டு இருக்கிறது

ஜனவரி 20-ந் தேதி முதன் முதலாக கொரோனா வைரஸ் அமெரிக்காவில் பரவியது உறுதி செய்யப்பட்டது. தற்போது, அமெரிக்காவின் 50 மாகாணங்களிலும் தனது ஆதிக்கத்தை கொரோனா வைரஸ் செலுத்தி வருகிறது. பொதுமக்கள் யாரும் முகக்கவசம் இன்றி வீட்டை விட்டு வெளியே வரவேண்டாம் என்று அறிவுறுத்தப்பட்டுள்ளது. ஆனாலும், வைரஸ் பாதித்தவர்களின் எண்ணிக்கையும் சரி, பலியாவோரின் எண்ணிக்கையும் சரி தொடர்ந்து ஏறுமுகத்தில் உள்ளது. நியூயார்க்கில்தான் இந்த வைரஸ் கோரத்தாண்டவமாடி வருகிறது.

அமெரிக்காவில் நாட்டில் 468,895 பேரின் உடல்களுக்குள் இந்த வைரஸ் ஊடுருவிவிட்டது. அதுமட்டுமின்றி தொடர்ந்து 2-வது நாளாக ஆயிரக்கணக்கானோர் உயிரிழந்து உள்ள்ளனர். அங்கு வைரசுக்கு பலியானோரின் எண்ணிக்கையை கிட்டத்தட்ட 17 ஆயிரத்துக்கு சென்றுள்ளது.

பலியானவர்களின் உடல்களை வைப்பதற்கு பிணவறையில் இடமின்றி மருத்துவமனைகளுக்கு வெளியே குளிரூட்டப்பட்ட லாரிகளில் போட்டு, பின்னர் இறுதிச்சடங்குக்கு கொண்டு செல்கிற நிலை உள்ளதாக தகவல்கள் வெளியாகியுள்ளது. இதற்கிடையே நியூயார்க் மாகாணத்தை பொறுத்தமட்டில் இந்தளவுக்கு கொரோனா வைரஸ் பாதிப்பு ஏற்பட்டதற்கு காரணம் ஐரோப்பிய நாடுகள்தான் என்று தெரிவிக்கப்பட்டுள்ளது. ஐரோப்பிய நாடுகளில் இருந்துதான் இந்த நோய், நியூயார்க்கில் இறக்குமதியாகி பரவி இருக்கிறது என ஆய்வுத்தகவல்கள் வெளியாகியுள்ளது.

இதற்கிடையே அமெரிக்காவில் கொரோனா வைரஸ் பாதிப்புக்குள்ளானோருக்கு சிகிச்சை அளிக்கிற மருத்துவர்கள், செவிலியர்கள், மருத்துவ சார்பு பணியாளர்கள், சுகாதார பணியாளர் கள் உள்ளிட்டோர் அணிகிற தனிப்பட்ட பாதுகாப்பு கவச உடைகள் இருப்பு 90 சதவீதம் காலியாகி விட்டதாக நாடாளுமன்ற பிரதிநிதிகள் சபையின் மேற்பார்வை குழு தெரிவித்து உள்ளது.
மருத்துவமனைகளில் அனுமதிக்கப்பட்டு சிகிச்சை பெறுவோரில் பலருக்கு செயற்கை சுவாச கருவிகள் கிடைப்பதில் பெரும் தட்டுப்பாடு நிலவுகிறது.

இதற்கிடையே கொரோனா நோயாளிகளை குணப்படுத்த 10 மருந்துகள் கண்டுபிடித்து, பரிசோதனை நடைபெற்று வருவதாக டிரம்ப் கூறிஉள்ளார்.