#IndiaFightsCorona இந்தியாவில் கொரோனா வைரஸ் நோயாளிகளுக்கு பிளாஸ்மா சிகிச்சை… முதல் மாநிலமாக கேரளா கையில் எடுக்கிறது…!

Read Time:3 Minute, 53 Second
Page Visited: 88
#IndiaFightsCorona இந்தியாவில் கொரோனா வைரஸ் நோயாளிகளுக்கு பிளாஸ்மா சிகிச்சை… முதல் மாநிலமாக கேரளா கையில் எடுக்கிறது…!

உலகையே மிரட்டும் கொரோனா வைரஸ் இந்தியாவையும் பதம் பார்க்கிறது.

கொரோனா வைரசுக்கு சிகிச்சைக்கு தற்போது மருந்து எதுவும் கண்டுபிடிக்கப்படவில்லை. தற்போது இருக்கும் மருந்துகளை கொண்டே சிகிச்சை அளிக்கப்படுகிறது.

இந்நிலையில் மற்றொரு சிகிச்சை முறையான பிளாஸ்மா சிகிச்சையை உலக நாடுகள் கையில் எடுத்து உள்ளன. மனித உடலில் பாக்டீரியா, வைரஸ், பூஞ்சை மற்றும் ஒட்டுண்ணிகள் ஆகியவற்றிற்கு எதிராக உடலை பாதுகாப்பதில் ரத்தத்தில் உள்ள பிளாஸ்மாவில் உருவாகும் இம்யூனோ குளோபின்கள் மற்றும் எதிர்ப்பு சக்திகள் முக்கிய பங்கு வகிக்கின்றன. இந்த பிளாஸ்மாவை சிகிச்சைக்கு பயன்படுத்தப்படுகிறது.

ஏற்கனவே கொரோனா வைரஸ் தொற்றுநோயினால் பாதிக்கப்பட்டு குணம் அடைந்தவர்களின் பிளாஸ்மாவை பெற்று, அதனை தற்போது பாதிக்கப்பட்டு சிகிச்சை பெறுபவர்களுக்கு வழங்கும் முறைதான் பிளாஸ்மா சிகிச்சை முறையாகும். கொரோனாவால் பாதிக்கப்பட்டு குணமடைந்தவர்களின் ரத்த பிளாஸ்மாவில் இருக்கும் இம்யூனோ குளோபின்கள், தொற்றுநோய் வைரசுக்கு எதிராக போராடி வெற்றி பெற்று பலமடைந்திருக்கும். அதனை, தற்போது சிகிச்சை பெறுபவர்களுக்கு வழங்கும்போது அவர்களுடைய நோய் எதிர்ப்பு சக்தியும் அதிகரித்து குணம் அடைய வாய்ப்பு உள்ளது என விஞ்ஞானிகள் தெரிவிக்கிறார்கள்.

ஏற்கனவே எபோலா, சார்ஸ், பன்றிக்காய்ச்சலால் பாதிக்கப்பட்டவர்களுக்கு இந்த சிகிச்சை முறை வெற்றிகரமாக உதவியதாக விஞ்ஞானிகள் தரப்பில் தெரிவிக்கப்பட்டு இருந்தது.

இந்தியாவின் உச்ச உயிரியல் ஆராய்ச்சி அமைப்பு, இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) பரிசோதனைகளை மேற்கொள்ளவது தொடர்பான வழிகாட்டுதல் வரைவை தயாரிக்க பணியாற்றி வருகிறது. வரைவு தயாரானதும் சோதனைகளை மேற்கொள்ள உச்ச மருந்துகள் கட்டுப்பாட்டு அமைப்பான இந்திய மருந்து கட்டுப்பாடு இயக்குநரகத்தின் (டிசிஜிஐ) ஒப்புதல் பெறப்படும். இதற்கிடையே பிளாஸ்மா சிகிச்சை முறையை இந்தியாவில் முதல் மாநிலமாக கேரளா கையில் எடுக்கிறது என தகவல்கள் வெளியாகியுள்ளது.

பிளாஸ்மா சிகிச்சையின் மருத்துவ பரிசோதனையை தொடங்க கேரளாவிற்கு இந்திய மருத்துவ ஆராய்ச்சி கவுன்சில் அனுமதி வழங்கியுள்ளது என செய்தி வெளியாகியுள்ளது.

கேரளாவின் ஸ்ரீ சித்ரா திருனல் மருத்துவ அறிவியல் மற்றும் ஆராய்ச்சி நிறுவனம் ஆய்வை மேற்கொள்ள இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) அனுமதி வழங்கியுள்ளது என தகவல் வெளியாகியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %