#IndiaFightsCorona பஞ்சாப்பில் சமூக பரவல் தொடங்கியதுயென முதல்வர் அமரீந்தர் சிங் அச்சம்…

Read Time:2 Minute, 43 Second

இந்தியாவில் ஊரடங்கு நடவடிக்கையையும் மீறி கொரோனா வைரசின் தாக்கம் அதிகரித்து செல்கிறது.

இந்தியாவில் கொரோனாவினால் பாதிக்கப்பட்டவர்கள் எண்ணிக்கை 6,400-ஐ தாண்டியது.

நாட்டில் கொரோனா வைரஸ் பரவி வருவது இன்னும் இரண்டாவது கட்டத்தில்தான் இருக்கிறது என்று சொல்லப்பட்டு வருகிறது. மூன்றாம் கட்டமான சமூக பரவலுக்கு சென்றுவிடக்கூடாது என மத்திய மாநில அரசுக்கள் தீவிரமாக நடவடிக்கையை மேற்கொண்டு வருகின்றன.

மூன்றாம் நிலை என்பது கொரோனா வைரஸ் பாதிப்புக்கு ஆளானோருடன் தொடர்பில் இல்லாத போதும், பாதிக்கப்பட்ட வெளிநாட்டுக்கு சென்றிராத போதும், அவர்களுக்கும் கொரோனா வைரஸ் பாதிப்பு நேரிடுவது ஆகும். இந்த மூன்றாம் நிலை தொடங்கி விட்டால் கொத்து, கொத்தாக மனிதர்களுக்கு கொரோனா வைரஸ் தொற்று ஏற்படும். இந்நிலையில், பஞ்சாப்பில் சமூக பரவல் தொடங்கியது என அம்மாநில முதல்வர் அமரீந்தர் சிங் அதிர்ச்சி தகவலை தெரிவித்து உள்ளார்.

பஞ்சாப் மாநிலத்தில் இதுவரையில் கொரோனா வைரசுக்கு 132 பேர் பாதிக்கப்பட்டு உள்ளனர்.

பஞ்சாப் மாநில முதல்வர் அமரீந்தர் சிங் பேசுகையில், இதுவரையில் பஞ்சாப்பில் 132 பேருக்கு கொரோனா வைரஸ் பாதிப்பு நேரிட்டுள்ளது. 11 பேர் உயிரிழந்துவிட்டனர். இதுவரையில் 2877 பேரிடம் இருந்து பரிசோதனைக்கு ரத்த மற்றும் சளி மாதிரிகள் பெறப்பட்டுள்ளது. டெல்லி இஸ்லாமிய மாநாட்டில் கலந்துக்கொண்டு 651 பேர் பஞ்சாப் திரும்பியுள்ளனர். அவர்களில் 636 பேரை அடையாளம் கண்டுக்கொண்டோம். ஆனால் இன்னும் 15 பேரை கண்டுபிடிக்க முடியவில்லை. மாநிலத்தில் சமூக பரவல் தொடங்கிவிட்டது என்றுதான் அஞ்சுகிறோம். கொரோனா வைரஸ் பாதிப்பு எண்ணிக்கை உயர்வதால் ஊரடங்கை நீட்டிக்க வேண்டும் எனக் கூறியுள்ளார்.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %