#Coronavirus ஒரே நாளில் 2000 பேர் உயிரிழந்த முதல்நாடு அமெரிக்கா…! 5 லட்சத்திற்கும் அதிகமானோர் பாதிப்பு… சாவு எண்ணிக்கையும் உச்சம்…

Read Time:2 Minute, 59 Second
Page Visited: 104
#Coronavirus ஒரே நாளில் 2000 பேர் உயிரிழந்த முதல்நாடு அமெரிக்கா…! 5 லட்சத்திற்கும் அதிகமானோர் பாதிப்பு… சாவு எண்ணிக்கையும் உச்சம்…

சீனாவில் தோன்றிய கொரோனா வைரஸ் தொற்றுக்கு இப்போது அமெரிக்கா அதிக விலை கொடுத்துக்கொண்டு இருக்கிறது.

உலகில் சர்வ வல்லமை பெற்று விளங்கும் அமெரிக்காவை கொரோனா வைரஸ் மிகவும் வேகமாக வேட்டையாடிவருகிறது. உலகிலேயே கொரோனா வைரசினால் அதிகமாக பாதிக்கப்பட்ட நாடாக அமெரிக்கா உள்ளது. அமெரிக்காவின் நியூயார்க் நகரம் மிகவும் மோசமான நிலையை எதிர்க்கொண்டுள்ளது.

ஜான்ஸ் ஹாப்கின்ஸ் பல்கலைக்கழக கணக்கின்படி, கடந்த 24 மணி நேரத்தில் 2,108 இறப்புகளுடன் ஒரேநாளில் 2,000-க்கும் மேற்பட்ட கொரோனா வைரஸ் இறப்புகளை பதிவு செய்த முதல் நாடு அமெரிக்கா என்ற அதிர்ச்சி தகவல் வெளியாகியுள்ளது.

அமெரிக்கா இப்போது கொரோனா வைரசுக்கு 18,747 பேர் உயிரிழந்து உள்ளனர். இத்தாலியில் இறந்தவர்களின் எண்ணிக்கை 18,849 ஆக உள்ளது. இத்தாலி உலகளாவிய தொற்று நோய்யில் அதிகமான உயிரிழப்பை கண்டுள்ளது. இதற்கு அடுத்தப்படியாக அமெரிக்காவில் அதிகமான உயிரிழப்புக்கள் ஏற்பட்டுள்ளது. அமெரிக்காவில் காணப்படும் வேகம் காரணமாக உயிரிழப்பிலும் இத்தாலியை விரைவில் தாண்டக்கூடும் என கூறப்படுகிறது.

அமெரிக்காவில் கொரோனா வைரசுக்கு இதுவரையில் 502,876 பேர் பாதிக்கப்பட்டு உள்ளனர். உயிரிழந்தவர்கள் எண்ணிக்கை 18,747 ஆக உயர்ந்து உள்ளது. இதுவரையில் அங்கு சிகிச்சையில் 27,314 பேர் குணம் அடைந்து உள்ளனர் எனவும் தெரிவிக்கப்பட்டு உள்ளது. இதற்கிடையே நியூயார்க் நகரில் அதிகமான உயிரிழப்புக்கள் இருக்க கூடும். அது கணக்கில் வராமல் செல்லலாம் எனவும் கூறப்படுகிறது. அமெரிக்காவில் தொடக்கத்தில் ஊரடங்கை அமல்படுத்த கோரிய போது டொனால்டு டிரம்ப் மெத்தனம் காட்டினார். பின்னர், சாவு எண்ணிக்கை பலதரப்பட்ட நிர்பந்தம் காரணமாக ஊரடங்கை அமல்படுத்தினார். ஆனால், வைரஸ் சமூக தொற்றாக மாறி மனிதர்களின் உயிரை குடிக்கிறது. இந்நிலையில் டொனால்டு டிரம்ப் நிர்வாகம் முன்னதாக கொரோனா வைரஸ் பெரும் அழிவாக உருவாகியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %