#IndiaFightsCorona குஜராத்தில் மெல்ல மெல்ல அதிகரிக்கும் கொரோனா வைரஸ் பாதிப்பு

Read Time:3 Minute, 15 Second

இந்தியாவில் ஊரடங்கையும் மீறி கொரோனா வைரஸ் பாதிப்பு தொடர்ந்து அதிகரித்த வண்ணம் காணப்படுகிறது.

மராட்டியம், டெல்லி, தமிழகம், ராஜஸ்தான் மற்றும் தெலுங்கானா மாநிலங்களில் அதிகமான கொரோனா வைரஸ் பாதிப்பு காணப்படுகிறது. பிற மாநிலங்களிலும் கொரோனாவின் பாதிப்பு அதிகமாகவே காணப்படுகிறது. மேற்கு மாநிலமான குஜராத்திலும் கொரோனா வைரஸ் பாதிப்பு மெல்ல மெல்ல அதிகரித்துவருகிறது. இதற்கிடையே கொரோனா விவகாரத்தில் நிலையை கட்டுக்குள் கொண்டுவர நடைபெறும் போராட்டம் பயனளிக்க வேண்டும் என்றால் ஊரடங்கை இன்னும் நீட்டிக்க வேண்டும் என்று வலியுறுத்தப்படுகிறது.

இதனால் புலம்பெயர்ந்த தொழிலாளர்கள் மேலும் பாதிப்பை எதிர்க்கொள்ள வேண்டிய நிலையும் தொடர்கிறது. இந்நிலையில் ஊரடங்கு காரணமாக குஜராத்தில் சிக்கியுள்ள நூற்றுக்கணக்கான புலம்பெயர்ந்த தொழிலாளர்கள் போராட்டத்தில் ஈடுபட்ட சம்பவமும் நடைபெற்றது. குஜராத் மாநிலத்தின் சூரத் நகரில் நடைபெற்ற போராட்டத்தில் ஒடிசாவை சேர்ந்த 80 தொழிலாளர்கள் கைது செய்யப்பட்டு உள்ளனர்.

வேலையில்லாமல் சிக்கியிருக்கும் அவர்கள் தங்களை சொந்த ஊருக்கு அனுப்பி வைக்க வேண்டும் என்று கோரிக்கை விடுத்து உள்ளனர்.

குஜராத்தில் கொரோனா நிலவரம் குறித்து மாநில சுகாதரத்துறை முதன்மை செயலாளர் ஜெயந்தி ரவி பேசுகையில், அகமதாபாத்தில் 75 வயதான கொரோனா வைரஸ் நோயாளி உயிரிழந்தார். ஏற்கெனவே ரத்த அழுத்தம் அதிரித்த நிலையில் சிகிச்சையில் இருந்த அவர் சனிக்கிழமை இரவு அகமதாபாத் எல்ஜி மருத்துவமனையில் கொரோனா தொற்று நோயால் கடுமையாக பாதிக்கப்பட்ட நிலையில் உயிரிழந்தார்.

அகமதாபாத்தில் மட்டும் இதுவரை 11 பேர் கொரோனா வைரஸ் நோய் தொற்றுக்கு பலியாகி உள்ளனர். குஜராத்தில் கொரோனா வைரஸ் நோய் தொற்று புதிதாக 90 பேர் பாதிக்கப்பட்டு உள்ளனர். இதன்மூலம் கொரோனாவினால் பாதிக்கப்பட்டவர்கள் எண்ணிக்கை 468 ஆக அதிகரித்து உள்ளது. குஜராத்தில் கொரோனா பாதிப்பு மெல்ல மெமராட்டியம் – 1761,ல்ல அதிகாரித்துவரும் அதேவேளையில் குணமடைந்த நோயாளிகளின் எண்ணிக்கையும் 44 ஆக உயர்ந்து உள்ளது. நேற்று சனிக்கிழமை பதினொரு நோயாளிகள் வெளியேற்றப்பட்டனர் எனக் கூறியுள்ளார்.

குஜராத்தின் அண்டைய மாநிலமான மராட்டியத்தில் 1761 பேருக்கும், ராஜஸ்தானில் 700 பேருக்கும் கொரோனா தொற்று உள்ளது.