#IndiaFightsCorona இந்தியாவில் பாதிப்பு குறையவில்லை… எண்ணிக்கை 8,356 ஆக உயர்வு; மாநிலம் வாரியாக பாதிப்பு விபரம்:-

Read Time:3 Minute, 15 Second
Page Visited: 38
#IndiaFightsCorona  இந்தியாவில் பாதிப்பு குறையவில்லை… எண்ணிக்கை 8,356 ஆக உயர்வு; மாநிலம் வாரியாக பாதிப்பு விபரம்:-

கொரோனாவை கட்டுப்படுத்த நாடு முழுவதும் அமல்படுத்தப்பட்ட ஊரடங்கு வருகிற 14-ந்தேதி முடிவடையும் நிலையில், அடுத்தக்கட்ட நடவடிக்கைகள் குறித்து பிரதமர் மோடி நேற்று அனைத்து மாநில முதல்வர்களுடன் காணொலி காட்சி மூலம் ஆலோசனை நடத்தினார்.

ஊரடங்கையொட்டி பல்வேறு கட்டுப்பாடுகள் விதிக்கப்பட்டுள்ள போதிலும் கொரோனா வைரசின் தாக்கம் குறையவில்லை. கொரோனாவால் பாதிக்கப்படுபவர்கள் மற்றும் உயிரிழப்பவர்களின் எண்ணிக்கை நாளுக்கு நாள் அதிகரித்து வருவதால் ஊரடங்கை நீட்டிக்க வேண்டும் என்று மாநிலங்கள் தரப்பில் தெரிவிக்கப்பட்டது. இந்நிலையில் இந்தியாவில் கொரோனாவினால் பாதிக்கப்பட்டவர்களின் எண்ணிக்கை 8,356 ஆக உயர்ந்து உள்ளது என மத்திய அரசின் புள்ளி விபரங்கள் தெரிவிக்கின்றன.

கொரோனாவால் உயிரிழந்தவர்களின் எண்ணிக்கை 273 ஆக உயர்ந்து உள்ளது. 715 நோயாளிகள் குணம் அடைந்து உள்ளனர் என தெரிவிக்கப்பட்டு உள்ளது.

மராட்டியம், டெல்லி மற்றும் தமிழகத்தில் கொரோனா வைரசின் தாக்கம் அதிகரித்துக்கொண்டே செல்கிறது. மராட்டிய மாநிலம் அதிகமாக பாதிக்கப்பட்டு உள்ளது. அங்கு 1761 பேருக்கு கொரோனா வைரஸ் பாதிப்பு நேரிட்டுள்ளது. இதற்கு அடுத்தப்படியாக டெல்லியில் 1069 பேருக்கும், தமிழகத்தில் 969 பேருக்கும், ராஜஸ்தானில் 700 பேருக்கும் தெலுங்கானாவில் 504 பேருக்கும் கொரோனா வைரஸ் பாதிப்பு இருப்பதாக தெரிவிக்கப்பட்டுள்ளது.

இந்தியாவில் சனிக்கிழமை வரை மொத்தம் 1.79 லட்சம் மாதிரிகள் பரிசோதிக்கப்பட்டதாக இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) தெரிவித்துள்ளது.

மாநிலம் வாரியாக பாதிப்பு விபரம்:

ஆந்திரா – 381, அந்தமான் – 11, அருணாச்சல பிரதேசம் – 1, அசாம் -29, பீகார் – 63, சண்டிகார் – 19, சத்தீஷ்கார் – 18, டெல்லி – 1069, கோவா – 7, குஜராத் – 432, அரியானா – 177, இமாச்சல் – 32, காஷ்மீர்- 207, ஜார்க்கண்ட்- 17, கர்நாடகா- 214, கேரளா – 364, லடாக் – 15, மத்திய பிரதேசம் – 532, மராட்டியம் – 1761, மணிப்பூர் -2, மிசோரம் – 1, ஒடிசா – 50, புதுச்சேரி – 7, பஞ்சாப் – 151, ராஜஸ்தான் – 700, தமிழகம் – 969, தெலுங்கானா – 504, திரிபுரா – 2, உத்தரகாண்ட் – 35, உத்தரபிரதேசம்- 452, மேற்கு வங்காளம் – 134.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %