#Coronavirus 4-வது நாளாக கொத்துக்கொத்தாக உயிரிழக்கும் மக்கள்… அமெரிக்காவில் உயிரிழப்பு 20 ஆயிரத்தை கடந்தது… இத்தாலியை மிஞ்சியது…!

Read Time:2 Minute, 19 Second

அமெரிக்காவில் கொரோனா வைரஸ் கட்டுப்படுத்த முடியாத அளவில் வேகமாக மக்களின் உயிரை குடித்து வருகிறது.

லட்சக்கணக்கானோர் கொரோனா வைரசினால் பாதிக்கப்பட்டு உள்ளனர். யாருக்கு கொரோனா வைரஸ் பாதிப்பு நேரிட்டுள்ளது என்பதே தெரியாத வகையில் அதனுடைய ஊடுருவல் ஜெட் வேகத்தில் பறக்கிறது. அமெரிக்க மக்கள் ஸ்தம்பித்து உள்ளனர். அதனுடைய வேகம் மற்றும் உயிரிழப்பு டொனால்டு டிரம்ப் அரசை நிலைகுலைய செய்து உள்ளது.

அமெரிக்காவில் கடந்த 4 நாட்களில் மட்டும் ஏறக்குறைய 8 ஆயிரம் மக்கள் பலியாகியுள்ளார்கள் என்பது தெரியவந்துள்ளது.

ஒவ்வொரு நாளும் இரண்டாயிரம் பேர் வரையிலும், அதனை தாண்டியும் உயிரிழந்து உள்ளனர்.

கொரோனா வைரஸின் பிறப்பிடம் சீனாவாக இருந்தாலும், இப்போது அதன் பரவின் மையமாக ஐரோப்பிய நாடுகளும், அமெரிக்காவும் மாறிவிட்டது. இதில், மோசமாக பாதிக்கப்பட்டுள்ள அமெரிக்காவில் கொரோனா வைரசுக்கான உயிரிழப்பு இத்தாலியை மிஞ்சிவி்ட்டது. உலகளவில் கொரோனாவுக்கு அதிகமான உயிரிழப்பை அமெரிக்கா சந்தித்துள்ளது. மேலும், பாதிப்பும் அங்குதான் அதிகமாகும். அதிலும் நியூயார்க் மாகாணத்தில் லட்சக்கணக்கானோர் பாதிக்கப்பட்டு உள்ளனர். அங்கு மட்டும் 8 ஆயிரத்திற்கும் மேற்பட்டோர் உயிரிழந்து உள்ளனர் என்பது தெரியவந்து உள்ளது.

அமெரிக்காவில் இதுவரையில் கொரோனா வைரசுக்கு 533,115 பேர் பாதிக்கப்பட்டு உள்ளனர். 20,580 பேர் உயிரிழந்துவிட்டனர். இதுவரையில் உயிரிழப்பில் முதலிடத்தில் இருந்த இத்தாலியில் 19,468 பேர் உயிரிழந்து உள்ளனர். அமெரிக்காவில் கொரோனா வைரஸ் பிடித்துள்ள வேகத்திற்கு மக்கள் கொத்துக்கொத்தாக உயிரிழப்பது பெரும் சோகத்தை ஏற்படுத்தியுள்ளது.