#IndiaFightsCorona கொரோனா வைரஸ் நடவடிக்கைகளில் பிற நாடுகளை விட இந்தியா சிறப்பாக செயலாற்றுகிறது – ஆக்ஸ்போர்டு பல்கலைக்கழகம்

Read Time:4 Minute, 25 Second

கொரோனா வைரஸ் நடவடிக்கைகளில் பிற நாடுகளைவிடவும் இந்தியா சிறப்பாக செயல்படுகிறது என ஆக்ஸ்போர்டு பல்கலைக்கழகம் தெரிவித்து உள்ளது.

உலகம் முழுவதும் கொரோனா வைரஸ் மனித குலத்தை வேட்டையாடி வருகிறது. மக்களை காப்பாற்ற ஒவ்வொரு நாடுகளும் ஊரடங்கு நடவடிக்கைகளை எடுத்துள்ளது. இந்தியாவை பொறுத்தவரையில் பிப்ரவரி மாதம் கொரோனா வைரஸ் பாதிப்பு எண்ணிக்கை வெகுவாக தென்படவுமே ஊரடங்கை அமலுக்கு கொண்டுவந்து வெளிநாட்டில் இருந்து வந்தவர்கள் மற்றும் அவர்களுடன் தொடர்பில் இருந்தவர்களை கண்காணித்து கொரோனாவை கட்டுக்குள் வைத்தது.

இந்நிலையில் டெல்லி இஸ்லாமிய மாநாட்டில் கலந்துக்கொண்டவர்களுக்கு கொரோனா வைரஸ் பாதிப்பு செய்தி பெரும் அதிர்ச்சியாக வெளியாகியது. அம்மாநாட்டில் கலந்துக்கொண்டவர்கள் பிற மாநிலங்களுக்கு பயணம் செய்தது தெரியவந்தது.

இதுதொடர்பாகவும் மாநில அரசுகளுக்கு தகவல் தெரிவிக்கப்பட்டது. மத்திய மாநில அரசுக்கள் யாரெல்லாம் மாநாட்டில் கலந்துக்கொண்டார்கள் என்பதை அடையாளம் கண்டு அவர்களை தனிமைப்படுத்தியது. இதில் பலருக்கு கொரோனா வைரஸ் பாதிப்பு இருந்தது கண்டுபிடிக்கப்பட்டது. இது வைரஸ் பரவலை தடுக்க கொண்டுவரப்பட்ட ஊரடங்குக்கு பெரும் சவாலாக விழங்கியது. இந்நிலையில், இந்தியாவில் கொரோனாவால் பாதிக்கப்பட்டவர்கள் எண்ணிக்கை 8 ஆயிரத்தை தாண்டியுள்ளது. இருப்பினும் வைரஸ் பரவல் மூன்றாம் கட்டத்திற்கு சென்றுவிடக்கூடாது என்பதில் எல்லா அரசுக்களும் தீவிரமாக செயல்பட்டு வருகின்றன.

இந்நிலையில் கொரோனா வைரஸ் நடவடிக்கைகளில் பிற உலக நாடுகளைவிடவும் இந்தியா சிறப்பாக செயல்படுகிறது என ஆக்ஸ்போர்டு பல்கலைக்கழகம் தெரிவித்து உள்ளது.

கொரோனா வைரஸ் பாதிப்புக்கான நடவடிக்கைகளில் அமெரிக்கா, ஜெர்மனி, இத்தாலி, ஸ்பெயின், தென் கொரியா மற்றும் பிரிட்டன் போன்ற நாடுகளுடன் ஒப்பிடும்போது இந்தியா சிறப்பாக செயல்படுகிறது என்று ஆக்ஸ்போர்டு பல்கலைக்கழக கொரோனா கண்காணிப்பு குழு நடத்திய ஆய்வில் தெரிவிக்கப்பட்டு உள்ளது.

ஆய்வுக்கு 13 வகைகளில் இந்த புள்ளிவிவரங்கள் சேகரிக்கப்படுகிறது. பள்ளிகள் மற்றும் பணியிடங்களை மூடுவதற்கு அரசாங்கங்கள் எவ்வாறு நடவடிக்கை எடுத்தன, பொது நிகழ்வுகளை ரத்து செய்தல், பொது போக்குவரத்தை மூடுதல், பொது தகவல் பிரச்சாரத்தை தொடங்குவது, உள் இயக்கம் மீதான கட்டுப்பாடுகள், சர்வதேச பயண கட்டுப்பாடுகள், நிதி நடவடிக்கைகள், பண நடவடிக்கைகள், சுகாதார சேவையில் அவசர முதலீடு; தடுப்பூசிகளில் முதலீடு; சோதனை கொள்கை, மற்றும் நோயாளியின் தொடர்பு தடமறிதல் ஆகியவற்றில் இருந்து தகவல் சேகரிக்கப்பட்டு ஆய்வு மேற்கொள்ளப்பட்டுள்ளது.

ஆக்ஸ்போர்டு பல்கலைக்கழக கண்காணிப்பு புள்ளிவிவரங்கள் படி இந்தியா தொடர்ந்து முதல் இடத்தில் உள்ளது. மற்ற நாடுகள் விரைவான நடவடிக்கைகளை வெளியிடுவதில் பின்தங்கியுள்ள நிலையில், பதில் இந்தியா விரைவாக இருந்தது என்று ஆய்வு கூறுகிறது.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %