#Coronavirus வைரசின் பிடியிலிருந்து மெல்ல மெல்ல விலகும் இத்தாலி… உயிரிழப்பு 20 ஆயிரத்தை நெருங்குகிறது…

Read Time:4 Minute, 14 Second
Page Visited: 39
#Coronavirus  வைரசின் பிடியிலிருந்து மெல்ல மெல்ல விலகும் இத்தாலி… உயிரிழப்பு 20 ஆயிரத்தை நெருங்குகிறது…

சீனாவில் உருவாகிய கொரோனா வைரசின் கோரப்பிடியில் ஐரோப்பிய நாடுகள் சிக்கியுள்ளன. அதிலும் மோசமாக பாதிக்கப்பட்டிருப்பது இத்தாலி நாடாகும். அங்கு கொரோனா வைரசால் உயிரிழந்தவர்கள் எண்ணிக்கை 20 ஆயிரத்தை நெருங்குகிறது.

இத்தாலியில் கொரோனா வைரசினால் பாதிக்கப்பட்டவர்களின் எண்ணிக்கை 152,271 ஆக உள்ளது. அங்கு கொரோனா வைரசினால் புதியதாக பாதிக்கப்படுபவர்கள் எண்ணிக்கை குறைந்து வருகிறது. இருப்பினும் உயிரிழப்பில் மாற்றம் இல்லையென்றே தெரிகிறது. ஏற்கெனவே, அமெரிக்காவில் 20ஆயிரம் பேர் கொரோனாவில் உயிரிழந்தநிலையில் இத்தாலியிலும் அடுத்த சில நாட்களில் அந்த எண்ணிக்கையை அடையக்கூடும் என்றே எதிர்பார்க்கப்படுகிறது.

இத்தாலியில் இதுவரை கொரோனா வைரசுக்கு உயிரிழந்தவர்கள் எண்ணிக்கை 19 ஆயிரத்து 418 பேராக அதிகரித்து உள்ளது. அங்கு குணமடைந்தவர்கள் எண்ணிக்கை 32,500 ஆக அதிகரித்துள்ளது. அங்கு மக்கள் வீட்டை விட்டு வெளியேறத் தடை விதிக்கப்பட்டுள்ளதால் ஈஸ்டர் பண்டிகை நாளான இன்று உற்சாகமாக காணப்படும் ரோம் நகரம் வெறிச்சோடி காணப்படுகிறது.

இதுகுறித்து இத்தாலி நாட்டின் மக்கள் பாதுகாப்புத்துறையின் தலைவர் ஏஞ்சலோ போரேலி பேசுகையில், இத்தாலியில் உயிரிழப்பு நாள்தோறும் சராசரியாக 619 என்ற வீதத்தில் இருந்து வருகிறது, முன்பு இருந்த எண்ணி்க்கையை காட்டிலும் தற்போது குறைந்து உள்ளது. இருப்பினும் உயிரிழப்பை குறைக்க முடியவில்லை. கொரோனாவால் 1,966 பேர் நேற்று பாதிக்கப்பட்டு மருத்துமனையில் அனுமதிக்கப்பட்டு உள்ளார்கள். இதன்மூலம் சிகிச்சை பெறுவோர் எண்ணிக்கை ஒரு லட்சத்து 2,69 ஆக அதிகரித்து உள்ளது.

இதில் நம்பிக்கையாக நாள்தோறும் கொரோனா வைரசிலிருந்து குணமடைந்தோர் எண்ணிக்கை படிப்படியாக அதிகரித்து வருகிறது. கடந்த 24 மணிநேரங்களில் மட்டும் 2,079 பேர் குணமடைந்து உள்ளார்கள், இதன் மூலம் குணமடைந்தோர் எண்ணிக்கை 32,534 ஆக அதிகரித்து உள்ளது. இதில் அரசு மருத்துவமனைகளில் சிகிச்சை பெறுவோர் எண்ணிக்கை 98 குறைந்து 28,144 பேராக இருக்கிறார்கள். மருத்துவமனைகளில் தீவிர சிகிச்சை பிரிவில் சிகிச்சை பெறுவோர் எண்ணிக்கையும் 116 குறைந்து 3,381 ஆக இருக்கிறது, 68,744 பேர் வீடுகளில் தனிமையில் இருக்கிறார்கள் எனக் கூறியுள்ளார்.

இத்தாலியில் பலி எண்ணிக்கை குறைந்து வருவதாலும், குணமடைந்தோர் எண்ணிக்கை அதிகரித்து வருவதாலும் கட்டுப்பாடுகளை தளர்த்தினால் மிகப்பெரிய அழிவை சந்திக்க நேரிடும். இப்போதுள்ள அவசரநிலை என்பது கொரோனா வைரசுக்கு தடுப்பு மருந்து கண்டுபிடிக்கப்பட்ட பி்ன்புதான் நீக்கப்படும். போலீசார் நாடுமுழுவதும் உஷார் நிலையில் வைக்கப்பட்டு மக்களை கண்காணித்து வருகின்றனர் எனவும் குறிப்பிட்டுள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %