#IndiaFightsCorona கொரோனா ஊரடங்கு: சிவப்பு, ஆரஞ்சு மற்றும் பச்சையென 3 பிரிவுகளாக மாநிலங்களை பிரிக்க மத்திய அரசு புதிய திட்டம்

Read Time:6 Minute, 40 Second
Page Visited: 215
#IndiaFightsCorona  கொரோனா ஊரடங்கு: சிவப்பு, ஆரஞ்சு மற்றும் பச்சையென 3 பிரிவுகளாக மாநிலங்களை பிரிக்க மத்திய அரசு புதிய திட்டம்

இந்தியாவில் ஊரடங்கையும் மீறி கொரோனா வைரஸ் பரவல் தொடர்ந்து அதிகரித்து வருகிறது.

இந்நிலையில் கொரோனாவிற்கு எதிரான போராட்டத்தில் வெற்றி பெற வேண்டும் என்றால் இந்த ஊரடங்கு நீட்டிக்கப்பட வேண்டும் என மாநில அரசுக்கள் தரப்பில் வலியுறுத்தப்படுகிறது. மத்திய அரசும் இதற்கு சம்மதம் தெரிவித்து உள்ளதாக செய்திகள் வெளியாகியது. ஒடிசா, பஞ்சாப், மராட்டியம் மற்றும் மேற்கு வங்காளம் ஆகிய மாநிலங்கள் ஊரடங்கை 30-ம் தேதி வரையில் நீட்டித்து உள்ளன. மத்திய அரசு நாடு முழுவதும் ஊரடங்கை நீட்டிக்கலாம் என்றே தகவல்கள் வெளியாகியது.

இந்நிலையில் கொரோனா வைரஸ் பரவலை கட்டுப்படுத்தும் நோக்கில் நடைமுறையில் இருக்கும் 21 நாட்கள் லாக்டவுன் வரும் 14-ம் தேதிக்குப்பின் நீட்டிக்கப்படும் பட்சத்தில் அதில் பல்வேறு மாற்றங்களை செய்ய மத்திய அரசு திட்டமிட்டுள்ளது என செய்திகள் வெளியாகியுள்ளது.

அதாவது, கொரோனா வைரஸ் நோயாளிகள், பாதிப்பு ஆகியவற்றின் அடிப்படையில் மாநிலங்கள், மாவட்டங்களுக்கு ஏற்ப சிவப்பு மண்டலம், ஆரஞ்சு மண்டலம், பச்சை மண்டலம் என பிரித்து ஊரடங்கை செயல்படுத்த மத்திய அரசு திட்டமிட்டு உள்ளது. இந்த 2-ம் கட்ட ஊரடங்கில் பொருளாதார சுழற்ச்சி பாதிக்கப்படாமல் இருக்க முக்கியத்துவம் அளிக்க மத்திய அரசு முடிவு செய்துள்ளது என பிரதமர் அலுவலக வட்டார தகவல்கள் வெளியாகியுள்ளது.

இந்த திட்டத்தின்படி நாடுமுழுவதும் பள்ளி, கல்லூரிகள் தொடர்ந்து மூடப்பட்டு இருக்கும். ஆனால், சில விதிவிலக்குகளுடன் சிறு, குறுந்தொழில்கள், மதுக்கடைகள் திறக்கப்பட உள்ளன என தெரிகிறது.

சிவப்பு மண்டலம்

அதிகமாக கொரோனா நோயாளிகளை கொண்டிருக்கும் இம்மண்டலத்தின் கீழ் வரும் மாநிலங்களில், மாவட்டங்கள் அடையாளம் காணப்பட்டு அவை வைரஸ் பரவலின் மையப்புள்ளிகளாக அறிவிக்கப்படும். இந்த மண்டலத்தில் போக்குவரத்து, கடைகள் திறப்பு, தொழிற்சாலை இயக்குதல், சிறு, குறுந்தொழில்கள், வர்த்தக நிறுவனங்கள் செயல்பாடு அனைத்துக்கும் தடை நீடிக்கும்.

ஆரஞ்சு மண்டலம்

கொரோனா பாதிப்பு நோயாளிகள் எண்ணிக்கை அடிப்படையில் மாநிலங்கள், மாவட்டங்களும் ஆரஞ்சு மண்டலத்தின் கீழ் கொண்டுவரப்படும். இதில், கடந்த காலத்தில் உருவான கொரோனா நோயாளிகள் தவிர புதிதாக யாரும் பாதிக்கப்படவி்ல்லை என்றால் அப்பகுதி ஆரஞ்சு மண்டலத்தில் சேர்க்கப்படும். இந்த மண்டலத்தில் குறைந்த அளவுக்கு பொருளாதார நடவடிக்கைகளை செயல்பட அனுமதி வழங்கப்படும். அதாவது, குறைந்த அளவு பொது போக்குவரத்து, விவசாயப்பணிகள், சிறு, குறுந்தொழில்கள் செயல்பாட்டுக்கு அனுமதி அளிக்கப்படும்.

பச்சை மண்டலம்

கொரோனா வைரஸ் தொற்று நோயாளிள் இல்லாத மாவட்டங்கள், மிகக்குறைவான மாநிலங்கள் இந்த மண்டலத்தின் கீழ் கொண்டுவரப்படும். இங்கு அனைத்து விதமான போக்குவரத்து, கடைகள் திறப்பு, வர்த்தக நிறுவனங்கள் செயல்பாடு, சிறுகுறுந்தொழில்கள் செயல்பாடு ஆகியவற்றுக்கு அனுமதிக்கப்படும் என தெரிவிக்கப்படுகிறது. இங்குமதுக்கடைகளும் திறக்கப்பட முதல்வர்கள் மத்திய அரசிடம் கோரிக்கை விடுத்துள்ளார்கள். பெரும்பாலான மாநிலங்கள் வரிவருமானம் ஈட்டித் தருவது மதுக்கடைகளாக இருப்பதால் அவை இந்த மண்டலத்தில் திறக்கப்படலாம். இருப்பினும், ரெஸ்டாரண்ட், உணவகங்கள், ஷாப்பிங் மால்களை திறப்பதற்கு அனுமதியில்லை.

மேலும், கடுமையான விதிமுறைகளுடன், சமூக விலகலை பின்பற்றி ஆரஞ்சு, பச்சை மண்டலங்களில் விவசாயப் பணிகள் செயல்பட அனுமதி வழங்கப்படும். இந்த இரு மண்டலங்களுக்கு இடையே குறைந்த அளவு விமானப் போக்குவரத்து, ரெயில் போக்குவரத்து குறைந்தபட்சம் 30 சதவீத பயணிகளுடன் இயக்க அனுமதி்க்கப்படும். டெல்லி போன்ற நகரங்களில் மெட்ரோ ரெயில் சேவை 30சதவீதப் பயணிகளுடன் செயல்பட அனுமதி வழங்கப்படும். இரு பிரிவுகளின் கீழ் வரும் நகரங்களில் குறைந்த அளவு பொதுப்போக்குவரத்து படிப்படியாக உயர்த்தப்படும்.

இருப்பினும் மாநிலங்களுக்கு இடையே பேருந்து போக்குவரத்து, ரெயில் போக்குவரத்து துவங்க அனைத்து மாநில முதல்வர்கள் தரப்பில் கடும் எதிர்ப்பு தெரிவிக்கப்பட்டு உள்ளது. கட்டுப்பாடு தளர்வுடன் போக்குவரத்து செயல்பட்டாலும் மாநிலங்களுக்கு இடையே போக்குவரத்து இருக்க வாய்ப்பில்லை என தெளிவாகிறது. முதல்வர்களுடன் ஆலோசனையை தொடர்ந்து, இந்த திட்டத்துக்கான வரையறைகள், விதிமுறைகள், விதிவிலக்குகள், கட்டுப்பாடுகளை, வழிகாட்டி நெறிமுறைகளை வகுக்க உயர் அதிகாரிகளுக்கு பிரதமர் மோடி உத்தரவிட்டுள்ளதாக தகவல் வெளியாகியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %