#IndiaFightsCorona இந்தியாவில் பாதிப்பு எண்ணிக்கை 9 ஆயிரத்தை தாண்டியது… மாநிலம் வாரியாக பாதிப்பு எவ்வளவு? விபரம்:-

Read Time:2 Minute, 52 Second

இந்தியாவில் கொரோனாவினால் பாதிக்கப்பட்டவர்களின் எண்ணிக்கை தொடர்ந்து உயர்ந்து வருகிறது.

நாடு முழுவதும் 21 நாள் ஊரடங்கு முடிவுக்கு வரும் நிலையில் அதனை மேலும் நீட்டிக்க முடியும் என்பதற்கான அறிகுறிகள் காணப்படுகிறது.

இந்தியாவில் மொத்த கொரோனா வைரஸ் பாதிப்பு எண்ணிக்கை 9152 ஆக உயர்ந்து உள்ளது. கடந்த 24 மணி நேரத்தில் 796 பேருக்கு புதியதாக கொரோனா தொற்று பதிவாகியுள்ளதாக மத்திய சுகாதாரத்துறை அமைச்சகம் தெரிவித்து உள்ளது. இதில் மராட்டிய மாநிலம் நாட்டில் மிகவும் பாதிக்கப்பட்ட மாநிலமாக உள்ளது. அங்கு 1,985 பேர் கொரோனா வைரசுக்கு பாதிக்கப்பட்டு உள்ளனர். இதற்கு அடுத்தப்படியாக டெல்லி (1154), தமிழ்நாடு (1075), ராஜஸ்தான் (772), மத்தியப் பிரதேசம் (564), குஜராத் (516) மற்றும் தெலுங்கானா (504) ஆகிய மாநிலங்களும் மோசமான பாதிப்பை சந்தித்து உள்ளன. ராஜஸ்தான், மத்திய பிரதேசம், குஜராத் மாநிலங்களில் வைரஸ் பரவல் மேலும் அதிகரித்து காணப்படுகிறது.

COVID-19 கொரோனா வைரசினால் இந்தியாவில் இறந்தவர்களின் எண்ணிக்கை 308 ஆக உயர்ந்துள்ளது. அதே நேரத்தில் 856 நோயாளிகள் குணப்படுத்தப்பட்டுள்ளனர்.

கொரோனா வைரஸ் பாதிப்பை அடையாளம் காண மொத்தம் 1,95,748 சோதனைகளை நடத்தியதாக இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) ஞாயிற்றுக்கிழமை தெரிவித்துள்ளது. கடந்த ஐந்து நாட்களில், ஒரு நாளைக்கு சராசரியாக 15,747 மாதிரிகள் பரிசோதிக்கப்பட்டன, இதில் கொரோனா வைரஸ் பாதிப்பு உறுதி செய்யப்பட்டதன் சராசரி எண்ணிக்கை 584 ஆக இருந்தது என மருத்துவ ஆராய்ச்சி கவுன்சில் தெரிவித்து உள்ளது.

மாநிலம் வாரியாக விபரம்:-

ஆந்திர பிரதேசம் – 427, அந்தமான் – 11, அருணாச்சல பிர்தேசம் – 1, அசாம் – 29, பீகார் – 64, சண்டிகார் – 21, சத்தீஷ்கார் – 31, டெல்லி – 1154, கோவா -7, குஜராத் – 516, அரியானா – 185, இமாச்சல் – 32, காஷ்மீர் – 245, ஜார்கண்ட் -19, கர்நாடகா – 232, கேரளா -376, லடாக் – 15, மத்திய பிரதேசம் – 564, மராட்டியம் – 1985, மணிப்பூர் – 2, மிசோரம் – 1, ஒடிசா – 54, புதுச்சேரி – 7, பஞ்சாப் – 151, ராஜஸ்தான் – 772, தமிழகம் – 1075, தெலுங்கானா – 504, திரிபுரா – 2, உத்தரகாண்ட் – 35, உத்தரபிரதேசம் – 483, மேற்கு வங்காளம் – 152.