#IndiaFightsCorona 6-வது மாநிலமாக தெலுங்கானாவில் ஊரடங்கு ஏப்ரல் 30-ம் தேதி வரையில் நீட்டிப்பு… பாதிப்பு எவ்வளவு…?

Read Time:5 Minute, 8 Second
Page Visited: 81
#IndiaFightsCorona 6-வது மாநிலமாக தெலுங்கானாவில் ஊரடங்கு ஏப்ரல் 30-ம் தேதி வரையில் நீட்டிப்பு… பாதிப்பு எவ்வளவு…?

இந்தியாவில் கொரோனா வைரஸ் தொற்று வேகத்தை தடுக்கும் வகையில் கடந்த மாதம் 25-ம் தேதி நாடு முழுவதும் 21 நாட்கள் லாக் டவுனை மத்திய அரசு கொண்டுவந்தது. இந்த ஊரடங்கு காலம் நாளை 14-ம் தேதியுடன் முடிவடைகிறது. இந்தியாவில் ஊரடங்கு அமல்படுத்தியதாலே பாதிப்பு கட்டுக்குள் உள்ளதாக ஆராய்ச்சியாளர்கள் தரப்பில் தெரிவிக்கப்பட்டு வருகிறது. இருப்பினும் இந்தியாவில் ஒவ்வொருநாளும் கொரோனாவால் பாதிக்கப்படுபவர்கள் மற்றும் உயிரிழப்பவர்கள் எண்ணிக்கை அதிகரித்து வருகிறது.

இந்தியாவில் மொத்த கொரோனா வைரஸ் பாதிப்பு எண்ணிக்கை 9152 ஆக உயர்ந்து உள்ளது. கொரோனா வைரசினால் இந்தியாவில் இறந்தவர்களின் எண்ணிக்கை 308 ஆக உயர்ந்துள்ளது. அதே நேரத்தில் 856 நோயாளிகள் குணப்படுத்தப்பட்டுள்ளனர். தொடர்ந்து பாதிப்பு அதிகரிப்பதால் ஊரடங்கை நீட்டிக்க வேண்டும் என்ற கோரிக்கை மத்திய அரசிடம் மாநிலங்கள் தரப்பில் முன்வைக்கப்பட்டது.

பிரதமர் மோடி சனிக்கிழமை மாநில முதல்வர்களிடம் பேசுகையில் ஊரடங்கை 30-ம் தேதிவரை நீட்டிக்க அவர்கள் அவனைரும் வலியுறுத்தியதாக செய்திகள் வெளியாகின. ஆனால், இதுவரை ஊரடங்கை நீட்டிப்பது குறித்து பிரதமர் மோடி எந்தவிதமான அறிவிப்பையும் வெளியிடவில்லை. இதற்கிடையே கொரோனா வைரஸ் பரவலில் மாநிலங்களின் நலனை கருத்தில் கொண்டு மாநில அரசுக்களே ஊரடங்கை ஏப்ரல் 30-ம் தேதி வரையில் நீட்டித்து வருகின்றன. இதுவரையில் 5 மாநிலங்கள் (கர்நாடகா, பஞ்சாப், ஒடிசா, மராட்டியம், மேற்கு வங்காளம்) ஊரடங்கை 30-ம் தேதி வரை நீட்டித்து அறிவித்து உள்ளன.

இந்நிலையில் 6-வது மாநிலமாக தெலுங்கானா மாநிலத்தில் ஊரடங்கு நீட்டிக்கப்பட்டு உள்ளது.

இந்தியாவில் கொரோனா வைரஸ் பாதிப்பு அதிகமாக உள்ள மாநிலங்களில் தெலுங்கானாவும் ஒன்று. அம்மாநிலத்தில் நேற்று கொரோனா வைரசுக்கு 2 பேர் உயிரிழந்து உள்ளனர். 28 பேர் புதியதாக பாதிக்கப்பட்டு உள்ளனர். இதனையடுத்து மாநிலத்தில் கொரோனாவால் பாதிக்கப்பட்டவர்கள் எண்ணிக்கை 531 ஆக அதிகரித்துள்ளது. மாநிலத்தில் மொத்தமாக 16 பேர் கொரோனா வைரசுக்கு உயிரிழந்து உள்ளனர் என அரசு தரப்பில் தெரிவிக்கப்பட்டு உள்ளது.

கொரோனா பாதிப்பு அதிகரிக்கும் நிலையில் அம்மாநில முதல்வர் கே.சந்திரசேகர் ராவ் ஊரடங்கை வரும் 30-ம் தேதி வரை நீட்டித்து உத்தரவிட்டு உள்ளார். இதுதொடர்பாக தெலுங்கானா தலைமைச் செயலாளர் சோமேஷ் குமார் வெளியிட்டுள்ள அறிவிப்பில், உலக அளவில், தேசிய அளவில், தெலங்கானா மாநில அளவில் பார்க்கும்போது கொரோனா வைரஸ் பரவும் வேகம் குறையவில்லை மற்றும் அதிகரித்துள்ளது. ஞாயிற்றுக்கிழமைகூட கொரோனா வைரஸ் பாதிப்பு மாநிலத்தில் அதிகரித்து உள்ளது. ஆதலால், மக்கள் மிகுந்த எச்சரிக்கையுடன் வீட்டுக்குள் இருக்க வேண்டும்.

கொரோனா வைரஸை தடுக்கும் முயற்சியி்ல் மாநில அரசு தீவிரப் பணிகளில் ஈடுபட்டு உள்ளது. எனவே, ஊரடங்கை வரும் 30-ம் தேதிக்கு நீடித்து முதல்வர் கே.சந்திரசேகர் ராவ் உத்தரவிட்டு உள்ளர். அண்டை மாநிலமாக மராட்டியத்தில் கொரோனா பாதிப்பு நாளுக்கு நாள் மோசமாக இருந்து வருகிறது. இதைனை கருத்தில்கொண்டுதான் ஊரடங்கு நீட்டிக்கப்படுகிறது. மக்கள் வெளியே சென்றால் சமூக விலகலை கடைப்பிடிக்க வேண்டும், தனித்திருப்பதை கையாள வேண்டும். யாருக்கேனும் உடல்நலனில் சந்தேகம் இருந்தால் பரிசோதனை செய்து கொள்ள வேண்டும் என தெரிவிக்கப்பட்டு உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %