#Coronavirus உலகம் முழுவதும் பாதிப்பு 20 லட்சத்தையும், உயிரிழப்பு 1 லட்சத்து 20 ஆயிரத்தை எட்டுகிறது… அதிகமாக பாதிப்பு கொண்ட நாடுகள் விபரம்:-

Read Time:3 Minute, 15 Second

உலகம் முழுவதும் உயிர்க்கொல்லி நோயான கொரோனா வைரஸ் தொற்று பரவி மக்களின் உயிரை வேட்டையாடி வருகிறது. உலக நாடுகள் தடுப்பு நடவடிக்கையை மேற்கொண்டாலும் வைரஸ் கட்டுப்படுத்த முடியாத வகையில் தொடர்ந்து மக்களை தொற்றிக்கொண்டே இருக்கிறது.

மனிதர்கள் மூலமாக எளிதாக பரவும் கொரோனா வைரசுக்கு இதுவரையில் மருந்து கண்டுபிடிக்கப்படவில்லை. அப்படியே கண்டுபிடிக்கப்பட்டாலும் பரிசோதனைகளுக்கு ஆண்டுகள் பிடிக்கும் என விஞ்ஞானிகள் தெரிவிக்கிறார்கள்.

வைரசிடம் இருந்து தப்பித்துக்கொள்ள அதனால் பாதிக்கப்பட்டவர்களை நெருங்காது இருப்பது மட்டுமே வழியாகும். கூட்டமாக இருக்கும் இடங்களை தவிர்க்க வேண்டும், அடிக்கடி கைகளை நன்றாக சோப்பினால் கழுவ வேண்டும். முகக்கவசம் அணிய வேண்டும். இதுபோன்ற தடுப்பு மற்றும் சுகாதார நடவடிக்கையின் மூலம் நம்மை கொரோனா வைரசிடம் இருந்து தற்காத்துக்கொள்ளலாம்.

வைரசின் தாக்கம் உடலில் அதிகரிக்கும் போதும், வயது முதிர்வு காரணமாகவும், உடலில் உள்ள முக்கிய உறுப்புக்கள் பாதிப்பு காரணமாகவும் கொரோனாவினால் உயிரிழப்பவர்கள் எண்ணிக்கை அதிகரித்து வருகிறது. இந்த வைரசுக்கு எதிரான மருந்து கண்டுபிடிக்கும் பணியில் உலக நாடுகள் தீவிரமாக இறங்கி உள்ளன. அமெரிக்கா, இங்கிலாந்து, இத்தாலி, பிரான்ஸ், ஜெர்மனி உள்ளிட்ட நாடுகள் கொரோனாவினால் மிகவும் மோசமாக பாதிக்கப்பட்டு உள்ளன.

சீனாவை காட்டிலும் இந்நாடுகளில் அதிகமான பாதிப்பு கணப்படுகிறது. உலகம் முழுவதும் 1,925,330 பேர் கொரோனா வைரசுக்கு பாதிக்கப்பட்டு உள்ளனர். இவர்களில் 119,705
பேர் உயிரிழந்துவிட்டனர். 447,958 பேர் சிகிச்சையில் நலம்பெற்று உள்ளனர். அமெரிக்காவில்தான் அதிகமான பாதிப்பும், உயிரிழப்பும் உள்ளது. கொரோனாவினால் உயிரிழப்பு மற்றும் பாதிப்பு அதிகமாக உள்ள நாடுகளின் பட்டியல்:-

அமெரிக்கா

பாதிப்பு – 587,155
உயிரிழப்பு – 23,644


இத்தாலி

பாதிப்பு – 159,516
உயிரிழப்பு – 20,465


ஸ்பெயின்

பாதிப்பு – 170,099
உயிரிழப்பு – 17,756


பிரான்ஸ்

பாதிப்பு – 136,779
உயிரிழப்பு – 14,967


இங்கிலாந்து

பாதிப்பு – 88,621
உயிரிழப்பு – 11,329


ஈரான்

பாதிப்பு – 73,303
உயிரிழப்பு – 4,585


பெல்ஜியம்

பாதிப்பு – 30,589
உயிரிழப்பு – 3,903


சீனா

பாதிப்பு – 82,249
உயிரிழப்பு – 3,341
இதில் 77,738 பேர் குணமடைந்துவிட்டனர் என தெரிவிக்கப்பட்டுள்ளது.


ஜெர்மனி

பாதிப்பு – 130,072
உயிரிழப்பு – 3,194


நெதர்லாந்து

பாதிப்பு – 26,551
உயிரிழப்பு – 2,823