#IndiaFightsCorona இந்தியாவை மிரட்டுகிறது… கடந்த 24 மணிநேரத்தில் 1,211 பேர் பாதிப்பு; மாநிலம் வாரியாக பாதிப்பு விபரம்:-

Read Time:2 Minute, 39 Second

இந்தியாவில் கொரோனா வைரஸின் தாக்கம் அதிகரித்துக்கொண்டே செல்கிறது.

இந்தியாவில் இரண்டாவது முறையாக ஒரே நாளில் ஆயிரத்திற்கும் அதிகமான கொரோனா வைரஸ் பாதிப்பு நேரிட்டுள்ளது. இந்தியாவில் கடந்த 24 மணிநேரத்தில் 1,211 பேர் கொரோனா வைரசினால் பாதிக்கப்பட்டுள்ளனர், 31 பேர் உயிரிழந்துள்ளனர். இதனால் இந்தியாவில் கொரோனாவினால் பாதிக்கப்பட்டவர்கள் எண்ணிக்கை 10,363 ஆக உயர்ந்து உள்ளது.

இந்தியாவில் மருத்துவமனையில் 8 ஆயிரத்து 988 பேர் சிகிச்சை பெற்று வருகின்றனர். 1,035பேர் கொரோனா வைரஸிலிருந்து குணமடைந்துள்ளனர். இதுவரையில் மொத்தமாக 339 பேர் உயிரிழந்து உள்ளனர் என மத்திய சுகாதாரத்துறை அமைச்சகம் இன்று வெளியிட்ட அறிக்கையில் தெரிவிக்கப்பட்டு உள்ளது.

இந்தியாவில் கொரோனாவினால் அதிகமாக பாதிக்கப்பட்ட மாநிலமாக மராட்டிய மாநிலம் உள்ளது. அங்கு 2,334 பேருக்கு கொரோனா வைரஸ் பாதிப்பு உள்ளது. இதற்கு அடுத்த இடங்களில் டெல்லி (1,510), தமிழ்நாடு (1,173), ராஜஸ்தான் (873), மத்தியப் பிரதேசம் (604), தெலுங்கானா (562), உத்தரபிரதேசம் (558), குஜராத் (539) ஆகிய மாநிலங்கள் உள்ளன. மொத்தம் 339 இறப்புகளில் அதிகப்பட்சமாக 160 இறப்புக்கள் மராட்டியத்தில் பதிவாகியுள்ளது. இதற்கு அடுத்தப்படியாக மத்தியப் பிரதேசத்தில் 43 இறப்புகளும், டெல்லியில் 28 இறப்புகளும், குஜராத்தில் 26 இறப்புகளும் பதிவாகியுள்ளது என்று மத்திய அரசின் புள்ளி விபரங்கள் தெரிவிக்கின்றன.

மாநிலம் வாரியாக விபரம்:- ஆந்திரா – 432, அந்தமான் – 11, அருணாச்சல் பிரதேசம் – 1, அசாம் -31, பீகார் – 65, சண்டிகார் – 21, சத்தீஷ்கார் – 31, டெல்லி – 1510, கோவா – 7, குஜராத் -539, அரியானா – 185, இமாச்சல் – 32, காஷ்மீர் – 270, ஜார்க்கண்ட் – 24, கர்நாடகா – 247, கேரளா – 379, லடாக் – 15, மத்திய பிரதேசம் – 604, மராட்டியம் – 2334, மணிப்பூர் – 2, மிசோரம் – 1, நாகலாந்து – 1, ஒடிசா – 54, புதுச்சேரி – 7, பஞ்சாப் – 167, ராஜஸ்தான் – 873, தமிழகம் – 1173, தெலுங்கானா -562, திரிபுரா – 2, உத்தரகாண்ட் – 35, உத்தரபிரதேசம் – 558, மேற்கு வங்காளம் – 190.