#IndiaFightsCorona ஆசியாவின் மிகப்பெரிய குடிசைப்பகுதியான தாராவியில் கொரோனா வேகம் எடுக்கிறது…

Read Time:3 Minute, 9 Second
Page Visited: 42
#IndiaFightsCorona ஆசியாவின் மிகப்பெரிய குடிசைப்பகுதியான தாராவியில் கொரோனா வேகம் எடுக்கிறது…

இந்தியாவில் கொரோனா வைரசின் தாக்கம் வெகுவாக அதிகரித்து வருகிறது.

இந்தியாவில் கொரோனாவினால் பாதிக்கப்பட்டவர்கள் எண்ணிக்கை 10,363 ஆக உயர்ந்து உள்ளது. 339 பேர் உயிரிழந்து உள்ளனர் என மத்திய சுகாதாரத்துறை அமைச்சகம் இன்று வெளியிட்ட அறிக்கையில் தெரிவிக்கப்பட்டு உள்ளது.

இந்தியாவில் கொரோனாவினால் அதிகமாக பாதிக்கப்பட்ட மாநிலமாக மராட்டிய மாநிலம் உள்ளது. அங்கு 2,334 பேருக்கு கொரோனா வைரஸ் பாதிப்பு உள்ளது. மராட்டியத்தில் கொரோனா வைரசுக்கு 160 பேர் உயிரிழந்துள்ளனர். இதில் மும்பையில் மட்டும் கொரோனாவுக்கு பலியானவர்கள் எண்ணிக்கை 101 ஆக உயர்ந்து உள்ளது. மும்பையில் மட்டும் பாதிக்கப்பட்டவர்கள் எண்ணிக்கை 1,600-ஐ கடந்து இருப்பதாக மும்பை மாநகராட்சி தெரிவித்து உள்ளது.

ஆசியாவின் மிகப்பெரிய குடிசைப்பகுதியான தாராவியிலும் பாதிக்கப்பட்டவர்கள் எண்ணிக்கையும் வேகம் எடுத்து வருகிறது. குறிப்பாக இங்கு இதுவரை நோய் பாதிப்பு இல்லாத பகுதிகளிலும் சிலருக்கு கொரோனா இருப்பது கண்டறிப்பட்டு உள்ளது. நேற்று ஒரேநாளில் தாராவியில் 6 பேருக்கு கொரோனா இருப்பது தெரியவந்து உள்ளது. இதன் மூலம் இங்கு கொரோனாவால் பாதிக்கப்பட்டவர்கள் எண்ணிக்கை 49 ஆக உயர்ந்து உள்ளது.

இதில் குறிப்பாக 5 பேர் பாலிகாநகரையும், 9 பேர் முகுந்த் நகரையும், 5 பேர் ஜனதா சொசைட்டியையும், 5 பேர் முஸ்லிம் நகரையும், 6 பேர் சோசியல் நகரையும், 4 பேர் சாஸ்திரி நகரையும் சேர்ந்தவர்கள். இதுதவிர வைபவ் கட்டிடம், மதினாநகர், கல்யாணவாடியை சேர்ந்த தலா 2 பேரும், தன்வாடா சால், பி.எம்.ஜி.பி. காலனி, முருகன்சால், ராஜூவ் காந்தி சால், நேருசால், இந்திராசால், குல்மோகர் சால் பகுதியை சேர்ந்தவர்களும் பாதிக்கப்பட்டு உள்ளனர் என தெரியவந்து உள்ளது.

இதில் நேரு சாலையை சேர்ந்த 60 வயது நபர் உயிரிழந்து உள்ளார். இதன் மூலம் தாராவியில் கொரோனாவுக்கு பலியானவர்கள் எண்ணிக்கை 5 ஆக உயர்ந்து உள்ளது.

தாராவியில் கொரோனா வைரசை கட்டுப்படுத்த அம்மாநில அரசு தீவிர நடவடிக்கைகளை மேற்கொண்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %