#IndiaFightsCorona ஊரடங்கு நீட்டிப்பு: மே 3 வரையில் ரெயில் சேவைகள் ரத்து செய்யப்படுகிறது

Read Time:1 Minute, 19 Second

இந்தியாவில் ஊரடங்கு நடவடிக்கையையும் மீறி வேகமாக பரவி வரும் கொரோனாவால் பாதிக்கப்படுபவர்கள் எண்ணிக்கையும், பலி எண்ணிக்கையும் நாளுக்கு நாள் அதிகரித்துச் செல்கிறது.

இந்நிலையில் கொரோனா வைரஸ் பரவலை கட்டுப்படுத்த மேலும் ஊரடங்கை நீட்டிக்க வேண்டும் என வலியுறுத்தப்பட்டு வந்தது.

இதனையடுத்து மத்திய அரசு மே 3-ம் தேதி வரையில் ஊரடங்கை நீட்டித்து உத்தரவிட்டுள்ளது.

ஏற்கனவே, பிறப்பிக்கப்பட்ட ஊரடங்கு உத்தரவு இன்றுடன் முடிகிறது. தற்போதும் ஊரடங்கு நீட்டிக்கப்பட்டுள்ளதால், ரெயில்வே நிர்வாகம் மே 3-ம் தேதி வரையில் அனைத்து பயணிகள் ரெயில் சேவையையும் நிறுத்துவதாக அறிவித்து உள்ளது. பழங்கள், காய்கறிகள், பால் மற்றும் பால் பொருட்கள் மற்றும் விவசாய நோக்கங்களுக்காக விதைகள் உள்ளிட்ட அழிந்துபோகக்கூடிய பொருட்களுக்காக சிறப்பு ரெயில்கள் ஊரடங்கு தொடங்கியதிலிருந்து இயங்கி வருகிறது. இச்சேவை தொடரும் என அறிவிக்கப்பட்டுள்ளது.