#Coronavirus இங்கிலாந்தை ஆட்டிப்படைக்கிறது… 11,329 பேர் சாவு!

Read Time:1 Minute, 19 Second

உலகம் முழுவதும் பரவிவரும் கொரோனா வைரஸ் இங்கிலாந்து நாட்டையும் ஆட்டிப்படைக்கிறது.

இங்கிலாந்தில் கொரானாவினால் பாதிக்கப்படுபவர்கள் எண்ணிக்கையும், உயிரிழப்பவர்கள் எண்ணிக்கையும் நாளுக்கு நாள் உயர்ந்துக் கொண்டு வருகிறது.

உலகமே வியக்கும் வகையில் மருத்துவதுறையை கொண்டது இங்கிலாந்து. என்.எச்.எஸ். எனப்படும் அந்நாட்டின் மருத்துவ நிர்வாகம் கொரோனா வைரசுக்கு எதிரான போரில் இறங்கியுள்ளது.

இருப்பினும் உயிரிழப்புக்கள் வியப்பளிக்கும் வகையில் உள்ளது. அங்கு கொரோனாவினால் பாதிக்கப்பட்டவர்களின் எண்ணிக்கை 88,621 ஆகவும், உயிரிழப்பு 11,329 ஆகவும் உள்ளது.

கொரோனாவுடன் போராடிவரும் இங்கிலாந்து இந்தியாவிடம் இருந்து மருந்துப்பொருட்களை வாங்கியுள்ளது.

இங்கிலாந்தில் இறப்பு எண்ணிக்கை உலகளவில் ஐந்தாவது இடத்திற்கு சென்றுள்ளது. ஐரோப்பாவில் மிக மோசமாக பாதிக்கப்பட்டுள்ளதாக அந்நாட்டு அரசிடம் அறிவியலாளர்கள் தெரிவித்து உள்ளனர்.