#IndiaFightsCorona இந்தியாவில் பாதிப்பு ஏறுமுகம்…! 24 மணி நேரங்களில் 1076 பேருக்கு பாதிப்பு… உயிரிழப்பு 377 ஆக உயர்வு; மாநிலம் வாரியாக விபரம்:-

Read Time:2 Minute, 28 Second

இந்தியாவில் கொரோனா பாதிப்பு ஏறுமுகமாகவே இருக்கிறது. கொரோனாவினால் பாதிக்கப்படுபவர்கள் மற்றும் உயிரிழப்பவர்கள் எண்ணிக்கை இந்தியாவிலும் அதிகரித்துச் செல்கிறது.

11,439 ஆக உயர்வு

வைரசை கட்டுப்படுத்தும் வகையில் இரண்டாம் கட்டமாக 19 நாட்கள் ஊரடங்கு நீட்டிக்கப்பட்டு உள்ளது. இந்நிலையில் கடந்த 24 மணி நேரங்களில் 1076 பேருக்கு புதியதாக கொரோனா வைரஸ் பாதிப்பு உறுதி செய்யப்பட்டு உள்ளது என்று மத்திய சுகாதாரத்துறை அமைச்சகம் தெரிவித்து உள்ளது.

இந்தியாவில் மொத்தமாக கொரோனாவினால் பாதிக்கப்பட்டவர்கள் எண்ணிக்கை 11,439 ஆக உயர்ந்து உள்ளது. இதில் 1,305 பேர் குணம் அடைந்துவிட்டனர். 377 பேர் உயிரிழந்ந்து உள்ளனர் என தெரிவிக்கப்பட்டு உள்ளது.

மராட்டியம்

மராட்டிய மாநிலம் கொரோனாவால் அதிகமாக பாதிக்கப்பட்ட மாநிலமாக உள்ளது. அம்மாநிலத்தில் இதுவரையில் 2,687 பேர் கொரோனாவினால் பாதிக்கப்பட்டு உள்ளனர். இந்தியாவில் கொரோனாவினால் அதிகமான உயிரிழப்பை கொண்ட மாநிலமும் மராட்டியம்தான் அங்கு 178 பேர் உயிரிழந்து உள்ளனர்.

டாப்-5 மாநிலங்கள்

மிக மோசமாக பாதிக்கப்பட்டுள்ள மாநிலங்கள் பட்டியலில் மராட்டியம் (2687) தமிழ்நாடு (1,204), தெலுங்கானா (624), ராஜஸ்தான் (969), மத்திய பிரதேசம் (730), குஜராத் (650) ஆகியவை அடங்குகிறது.

மாநிலம் வாரியாக விபரம்:-

ஆந்திரா – 483, அந்தமான் – 11, அருணாச்சல் பிரதேசம் – 1, அசாம் – 32, பீகார் – 66, சண்டிகார் – 21, சத்தீஷ்கார் – 33, டெல்லி – 1561, கோவா – 7, குஜராத் – 650, அரியானா – 199, இமாச்சல் பிரதேசம் – 33, காஷ்மீர் – 278, ஜார்க்கண்ட் -27, கர்நாடகா – 260, கேரளா – 387, லடாக் – 17, மத்திய பிரதேசம் – 730, மராட்டியம் – 2687, மணிப்பூர் – 2, மேகலாயா – 1, மிசோரம் – 1, ஒடிசா – 60, புதுச்சேரி – 7, பஞ்சாப் – 176, ராஜஸ்தான் – 969, தமிழகம் – 1204, தெலுங்கானா – 624, திரிபுரா – 2, உத்தரகாண்ட் – 37, உத்தரபிரதேசம் – 660, மேற்கு வங்காளம் – 213.