#IndiaFightsCorona தாராவியில் கொரோனாவால் பாதிக்கப்பட்டவர்கள் எண்ணிக்கை 55 ஆக உயர்வு!

Read Time:2 Minute, 18 Second
Page Visited: 41
#IndiaFightsCorona தாராவியில் கொரோனாவால் பாதிக்கப்பட்டவர்கள் எண்ணிக்கை 55 ஆக உயர்வு!

ஆட்கொல்லி கொரோனா வைரஸ் மராட்டியத்தில் தனது கோரப்பிடியை இறுக்கி வருகிறது.

மும்பையில் இந்த நோயின் தாக்கம் மற்றும் உயிரிழப்பு அதிகரித்து வருகிறது. இந்த நோயால் நேற்று ஒரே நாளில் மட்டும் 350 பேர் பாதிக்கப்பட்டு இருப்பது உறுதிபடுத்தப்பட்டுள்ளது. இதன் காரணமாக மாநிலத்தில் கொரோனாவால் பாதிக்கப்பட்டவர்களின் எண்ணிக்கை 2 ஆயிரத்து 684 ஆக அதிகரித்து உள்ளது. மேலும் 18 பேர் பலியாகி உள்ளனர். இதனால் கொரோனாவுக்கு பலியானோர் எண்ணிக்கை 178 ஆக அதிகரித்து உள்ளது.

அதே நேரத்தில் இதுவரை 259 பேர் குணமடைந்து வீடு திரும்பியுள்ளனர்.

கொரோனா வைரஸ் பரவலை தடுக்க பல்வேறு நடவடிக்கைகளில் மராட்டிய அரசு தீவிரம் காட்டி உள்ளது. மருத்துவ நிபுணர்கள் அடங்கிய 2 குழுவை அமைத்து உள்ளது. இந்த குழுக்கள் மாநிலத்தின் மற்ற பகுதிகளிலும் கொரோனா வைரஸ் பரவலை கட்டுப்படுத்த புதிய வழிமுறைகளை பரிந்துரைக்கும் என தெரிவிக்கப்பட்டுள்ளது.

ஆசியாவின் மிகப்பெரிய குடிசைப்பகுதியான மும்பையின் தாராவியில் கொரோனா வேகம் எடுக்கிறது என்பதை புள்ளி விபரங்கள் காட்டுகின்றன. குறிப்பாக இங்கு இதுவரை நோய் பாதிப்பு இல்லாத பகுதிகளிலும் சிலருக்கு கொரோனா இருப்பது கண்டறிப்பட்டு உள்ளது. நேற்று ஒரேநாளில் தாராவியில் 6 பேருக்கு கொரோனா இருப்பது தெரியவந்து உள்ளது. இதன் மூலம் இங்கு கொரோனாவால் பாதிக்கப்பட்டவர்கள் எண்ணிக்கை 55 ஆக உயர்ந்து உள்ளது. அங்கு 7 பேர் கொரோனாவுக்கு உயிரிழந்து உள்ளனர் என தெரியவந்துள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %