#IndiaFightsCorona இந்தியாவில் உயிரிழப்பு எண்ணிக்கை 414 ஆக உயர்வு, பாதிப்பு – 12,380, மாநிலம் வாரியாக பாதிப்பு விபரம்:-

Read Time:3 Minute, 30 Second

சீனாவில் இருந்து பரவிய கொரோனா வைரஸ் தொற்று தற்போது உலக நாடுகள் முழுவதையும் அச்சுறுத்தி வருகிறது. உலகம் முழுவதும் 1 லட்சத்து 20 ஆயிரத்துக்கும் மேற்பட்டோரின் உயிரை காவு வாங்கியுள்ள வைரஸ், இந்தியாவிலும் வேகமாக பரவ தொடங்கி உள்ளது. வைரஸ் பரவுவதை தடுக்க மத்திய, மாநில அரசுக்கள் பல்வேறு நடவடிக்கைகளை எடுத்து வருகிறது.

ஊரடங்கு, சமூக விலகலை கடைப்பிடிக்க வேண்டும் என்றும், அத்தியாவசிய தேவைகளுக்காக வீட்டில் இருந்து வெளியேவருபவர்கள் கட்டாயம் முககவசம் அணிய வேண்டும் என பல்வேறு நடவடிக்கைகளை அரசு மேற்கொண்டுள்ளது. இருப்பினும், கொரோனா தனது கொட்டத்தை அடக்கிக் கொள்ளாமல், தொடர்ந்து பலரை பாதிப்புக்கு உள்ளாக்கி வருகிறது. இந்தியாவில் நாள்தோறும் 1,000 பேர் வரையில் இந்த வைரஸ் தொற்றால் பாதிக்கப்பட்டு வருகின்றனர்.

மத்திய சுகாதார அமைச்சகம் நேற்று மாலை வெளியிட்ட புள்ளிவிவரம், கொரோனாவால் 12,380 பேர் பாதிக்கப்பட்டுள்ளதாக காட்டுகிறது. கடந்த 24 மணி நேரங்களில் புதியதாக 941 பேருக்கு கொரோனா தொற்று உறுதி செய்யப்பட்டுள்ளது. மேலும் இந்த வைரஸ் தொற்றால் புதிதாக 37 பேர் உயிரிழந்ததால், பலியானவர்கள் எண்ணிக்கை 314 ஆக உயர்ந்திருப்பதாக தெரிவிக்கப்பட்டுள்ளது. இதுவரை 1488 பேர் கொரோனா பாதிப்பில் இருந்து குணமடைந்துள்ளதாகவும் கூறப்பட்டுள்ளது.

இந்தியாவில் மராட்டிய மாநிலத்தில் கொரோனா வேகமாக பரவி வருகிறது. அங்கு இந்த வைரஸ் தொற்றால் பாதிக்கப்பட்டவர்கள் எண்ணிக்கை 3 ஆயிரத்தை நெருங்குகிறது. இதன் மூலம் நாட்டில் கொரோனா பாதிப்பால் பாதிக்கப்பட்டவர்களில் 4-ல் ஒரு பங்கு எண்ணிக்கையை மராட்டியம் கொண்டிருக்கிறது. அங்கு 2916 பேருக்கு கொரோனா வைரஸ் பாதிப்பு உறுதியாகியுள்ளது. இதற்கு அடுத்தப்படியாக டெல்லி (1578), தமிழ்நாடு (1242), ராஜஸ்தான் (1023), மத்திய பிரதேசம் (987), குஜராத் (766), உத்தரபிர தேசம் (735) மற்றும் தெலுங்கானா (647) அதிகமாக பாதிக்கப்பட்ட மாநிலங்களாக உள்ளன.

இந்தியாவில் மாநிலம் வாரியாக பாதிப்பு விபரம்:-

அந்தமான் மற்றும் நிக்கோபார் தீவுகள் – 11, ஆந்திரா – 525, அருணாச்சல பிரதேசம் – 1, அசாம் – 33, பீகார் – 70, சண்டிகார் – 21, சத்தீஷ்கார் – 33, டெல்லி – 1578, கோவா – 7, குஜராத் – 766, அரியானா – 205, இமாச்சலப் பிரதேசம் – 35, ஜம்மு-காஷ்மீர் -300, ஜார்க்கண்ட் – 28, கர்நாடகா – 279, கேரளா – 388, லடாக் – 17, மத்தியப் பிரதேசம் – 987, மகாராஷ்டிரா – 2916, மணிப்பூர் – 2, மேகாலயா – 7, மிசோரம் -1, ஒடிசா – 60, புதுச்சேரி – 7, பஞ்சாப் – 186, ராஜஸ்தான் – 1023, தமிழ்நாடு – 1242, தெலுங்கானா – 647, திரிபுரா – 2, உத்தரகண்ட் – 37, உத்தரபிரதேசம் – 735, மேற்கு வங்கம் – 231.