#Coronavirus அமெரிக்காவில் 24 மணி நேரங்களில் 2,600 பேர் சாவு… 6.5 லட்சம் பேருக்கு பாதிப்பு, மக்கள் சோகம்…

Read Time:3 Minute, 32 Second
Page Visited: 33
#Coronavirus அமெரிக்காவில் 24 மணி நேரங்களில் 2,600 பேர் சாவு… 6.5 லட்சம் பேருக்கு பாதிப்பு, மக்கள் சோகம்…

அமெரிக்காவில் கொரோனா வைரசின் தாக்கம் தொடர்ந்து அதிகரித்துக்கொண்டே செல்கிறது. தினமும் 2 ஆயிரம் பேர் அளவுக்கு இறக்கும் நிலை அங்கு காணப்படுகிறது. கொரோனா வைரஸ் ருத்ர தாண்டவம் ஆடத்தொடங்கி விட்டது. நேற்று ஒரே நாளில் அங்கு 2,569 பேர் கொரோனா வைரஸ் தாக்குதலில், பரிதாபமாக உயிரிழந்தனர் என ஜான்ஸ் ஹாப்கின்ஸ் பல்கலைக்கழகம் வெளியிட்டுள்ள அறிக்கையில் தெரிவிக்கப்பட்டுள்ளது.

இது வேறெந்தவொரு நாட்டையும் விட மிக அதிக அளவிலான பலி எண்ணிக்கையை கொண்டுள்ளது என்றும் அதில் தெரிவிக்கப்பட்டு உள்ளது. இது அமெரிக்க மக்களை பெரும் சோகத்தில் ஆழ்த்தி உள்ளது. இதன் மூலம் அந்த நாட்டில் கொரோனா வைரசுக்கு பலியானவர்களின் எண்ணிக்கையும், 28,529 ஆக இருக்கிறது.

இதற்கு முன்பு கடந்த 10-ம் தேதி 2,074 பேர் இறந்தது தான், ஒரே நாளில் ஏற்பட்ட அதிகபட்ச பலியாக இருந்தது. அமெரிக்காவில் கொரோனா வைரசால் பாதிக்கப்பட்டோர் எண்ணிக்கை 644,089 ஆக உள்ளது. நியூயார்க் நகரம் தான் கொரோனா தொற்று நோயின் மையப்புள்ளியாக திகழ்கிறது.

அந்த நகரத்தில் இந்த வைரஸ் நோய் தாக்குதலுக்கு ஆளானோரின் எண்ணிக்கை 2,02,208 ஆக உள்ளது. உயிரிழந்தோரின் எண்ணிக்கை அங்கு 11 ஆயிரத்தை தாண்டி செல்கிறது.

இதற்கு மத்தியில் வாஷிங்டன் வெள்ளை மாளிகையில் அந்த நாட்டு அதிபர் டிரம்ப் செய்தியாளர்களிடம் பேசுகையில், கொரோனா வைரசுக்கு எதிரான போரில் அமெரிக்கா தொடர்ந்து முன்னேறுகிறது. கண்ணுக்கு தெரியாத எதிரியால் விலை மதிக்க முடியாத ஒவ்வொரு உயிர் போகிறபோதும் மிகுந்த துயரம் அடைகிறோம். இந்த இருளின் மத்தியிலும் ஒளியின் கீற்று தெரிகிறது.

கொரோனா வைரசுக்கு எதிரான நமது கட்டுப்பாடுகள் கடுமையானவை மற்றும் வலிமையானவை. உலகின் பிற எந்த நாட்டையும் விட தீவிர சிகிச்சைப் பிரிவில் இங்கு அதிக எண்ணிக்கையிலான படுக்கை வசதிகள் உள்ளது. உமிழ்நீரை பயன்படுத்தி கொரோனா வைரசை கண்டறியும் பரிசோதனை அமெரிக்காவில் தான் முதன் முதலாக ஏற்படுத்தப்பட்டு உள்ளது. இங்குள்ள ரட்ஜர்ஸ் பல்கலைக்கழக ஆராய்ச்சியாளர்கள் இதை உருவாக்கி உள்ளனர்.

இதற்கு அமெரிக்காவின் உணவு மற்றும் மருந்து நிர்வாகம், தனது அனுமதியை அளித்து உள்ளது. தினமும் 10 ஆயிரம் பேருக்கு ரட்ஜர்ஸ் பல்கலைக்கழகம் இந்த பரிசோதனையை செய்யும் எனக் கூறியுள்ளார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %