#IndiaFightsCorona மத்திய அரசின் கொரோனா ‘ஹாட்ஸ்பாட்’ லிஸ்டில் தமிழகம் டாப்…!

Read Time:5 Minute, 41 Second
Page Visited: 53
#IndiaFightsCorona மத்திய அரசின் கொரோனா ‘ஹாட்ஸ்பாட்’ லிஸ்டில் தமிழகம் டாப்…!

தமிழகத்தில் கொரோனாவால் அதிகம் பாதிக்கப்பட்ட 22 மாவட்டங்கள் சிவப்பு மண்டலமாக அறிவிக்கப்பட்டு உள்ளது.

இந்தியாவில் கொரோனா வைரஸ் தாக்கம் ஊரடங்கையும் மீறி அதிகரித்து காணப்படுகிறது.

இந்நிலையில் மத்திய அரசின் மக்கள் நல்வாழ்வு மற்றும் குடும்ப நல அமைச்சகத்தின் செயலாளர் பிரீத்தி சுதன், அனைத்து மாநிலங்களும் கடிதம் எழுதியுள்ளார். அதில், கொரோனா வைரஸ் நோய் பாதிக்கப்பட்டுள்ள எண்ணிக்கையை அடிப்படையாக வைத்து மாவட்டங்கள் அதிகம் பாதிப்புக்கு உள்ளான மாவட்டங்கள் ‘ஹாட்ஸ்பாட்’, மிதமான பாதிப்புக்கு உள்ளான மாவட்டங்கள் (‘நான் ஹாட்ஸ்பாட்’) மற்றும் கொரோனா பாதிப்புக்கு உள்ளாகாத மாவட்டங்கள் என்று பிரிக்கப்பட்டுள்ளது.

கொரோனாவால் பாதிக்கப்பட்ட எண்ணிக்கை இரட்டிப்பாகும் இடங்கள், அதிகம் பாதிப்புக்கு உள்ளான மாவட்டங்களாக வகைப்படுத்தப்பட்டு உள்ளது. இந்த மாவட்டங்களுக்கு அதிகமான கட்டுப்பாடுகள் அவசியமாகும். இந்த வகைப்படுத்துதல் வாரம் ஒரு முறை திங்கட்கிழமையன்றும் மேற்கொள்ளப்படவேண்டும். மிதமான பாதிப்புக்கு உள்ளான மாவட்டங்களிலும் இதுபோன்ற கட்டுப்பாடு தேவையாகும்.

அதிகம் பாதிக்கப்பட்ட மாவட்டங்கள் சிவப்பு மண்டலம் என்று வகைப்படுத்தப்பட்டு உள்ளது. இந்த பிரிவில் நாட்டில் மொத்தம் 170 மாவட்டங்கள் உள்ளன. மிதமான பாதிப்புக்கு உள்ளான ‘நான்ஹாட்ஸ்பாட்’ மாவட்டங்கள் 207 ஆகும். இந்த மாவட்டங்கள் வெள்ளை நிறத்தில் குறிப்பிடப்பட்டு உள்ளது.

கொரோனாவால் பாதிக்கப்படாத மாவட்டங்கள் பச்சை மண்டலமாக வகைப்படுத்தப்பட்டு உள்ளது. இப்போது அதிக பாதிப்புக்கு உள்ளான மாவட்டங்கள் என்று வகைப்படுத்தப்பட்ட மாவட்டங்களில் 14 நாட்கள் எந்த புதிய கொரோனா தொற்று ஏற்படாவிட்டால் ஆரஞ்சு நிற மண்டலமாகவும், அடுத்த 14 நாட்களில் புதிதாக தொற்று ஏற்படாவிட்டால் பச்சை மண்டலமாகவும் வகைப்படுத்தப்படும். அதிக பாதிப்புக்குள்ளான ‘ஹாட்ஸ்பாட்’ மண்டலத்தில் 28 நாட்கள் எந்த பாதிப்பும் இல்லை என்றால் அது பச்சை மண்டலத்துக்கு மாற்றப்பட்டுவிடும் என தெரிவிக்கப்பட்டுள்ளது.

தமிழகத்தில் அதிக பாதிப்புக்குள்ளான ‘ஹாட்ஸ்பாட்’ மாவட்டங்களின் பட்டியலில் 22 மாவட்டங்கள் இடம்பெற்று உள்ளன. 1.சென்னை 2.திருச்சி 3.கோவை 4.நெல்லை 5.ஈரோடு 6.வேலூர் 7.திண்டுக்கல் 8.விழுப்புரம் 9.திருப்பூர் 10.தேனி 11.நாமக்கல் 12.செங்கல்பட்டு 13.மதுரை 14.தூத்துக்குடி 15.கரூர் 16.விருதுநகர் 17.கன்னியாகுமரி 18.கடலூர் 19.திருவள்ளூர் 20.திருவாரூர் 21.சேலம் 22.நாகை ஆகிய மாவட்டங்கள் இதில் இடம்பெற்றுள்ளது.

இதுபோல ஒரே இடத்தில் கொத்து, கொத்தாக பாதிக்கப்பட்ட மாவட்டங்கள் தமிழகத்தில் எதுவும் கிடையாது. தமிழகத்தில் மிதமான பாதிப்புக்கு உள்ளான ‘நான் ஹாட்ஸ்பாட்’ மாவட்டங்கள் பட்டியலில் 1.தஞ்சை 2.திருவண்ணாமலை 3.காஞ்சீபுரம் 4.சிவகங்கை 5.நீலகிரி 6.கள்ளக்குறிச்சி 7.ராமநாதபுரம் 8.பெரம்பலூர் 9. அரியலூர். புதுச்சேரி மற்றும் மாஹி இடம்பெற்றுள்ளது.

தமிழகத்தை பொறுத்தமட்டில் தர்மபுரி, கிருஷ்ணகிரி, மயிலாடுதுறை, புதுக்கோட்டை ஆகிய 4 மாவட்டங்களில் கொரோனா பாதிப்பு இதுவரையில் இல்லை. அதிகம் பாதிக்கப்பட்ட மாவட்டங்கள் ‘ஹாட்ஸ்பாட்’ என்ற வகையில் பாதிக்கப்பட்டவர்களின் எண்ணிக்கை இரட்டிப்பாகும் நிலையில் வகைப்படுத்தப்படுகிறது. இது வாராந்திர அடிப்படையில் ஒவ்வொரு திங்கட்கிழமையோ அல்லது அதற்கு முன்பாகவோ கண்டறியப்படுகிறது. அந்த அடிப்படையில் தமிழகத்தில் உள்ள ராணிப்பேட்டை, திருப்பத்தூர், தென்காசி ஆகிய மாவட்டங்கள் மத்திய அரசு வகைப்படுத்திய பட்டியலில் இடம் பெறவில்லை.

இந்தியாவில் ஹாட்ஸ்பாட் என வகைப்படுத்தப்பட்ட இடம் தமிழகத்தில்தான் அதிகமாகும்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %