#Coronavirus ஆப்பிரிக்காவுக்கு அடுத்த ஆபத்து… கொரொனாவுக்கு தடுப்பூசி கண்டுபிடித்தால் மட்டுமே உலகம் இயல்பு நிலைக்கு திரும்ப முடியும்! ஐ.நா.

Read Time:2 Minute, 29 Second

உலகம் முழுவதும் கொரோனா வைரஸ் தொற்றில் பாதிக்கப்பட்டு உள்ளது. இந்த வைரஸ் குளிர்காலங்களில் தாக்கும் பருவகால நோயாக மாறும் என விஞ்ஞானிகள் எச்சரிக்கிறார்கள்.

இந்நிலையில் ஆப்பிரிக்க நாடுகளிலும் கரோனா வைரஸ் பெருந்தொற்று பரவத் தொடங்கி இருக்கிறது.

இதனையடுத்து நியூயாக்கில் ஐ.நா. பொதுச்செயலாளர் அன்டோனியோ குட்டரெஸ் 50-க்கும் மேற்பட்ட ஆப்பிரி்க்க உறுப்பு நாடுகளுடன் வீடியோ மூலம் ஆலோசனையை ஏப்ரல் 15-ம் தேதி நடத்தியுள்ளார். அப்போது அவர் பேசுகையில், உலகம் முழுவதையும் கொரோனா வைரஸ் அச்சுறுத்தி வருகிறது, 20 லட்சத்துக்கும் அதிகமான மக்கள் பாதிக்கப்பட்டுள்ளார்கள், ஒரு லட்சத்துக்கும் அதிகமாக உயிரிழந்துவிட்டனர்.

வைரசுக்கு தடுப்பூசி கொண்டு வந்தால் மட்டுமே உலகமும், மக்களும் இயல்புநிலைக்கு திரும்ப முடியும். லட்சக்கணக்கான உயிர்களை காக்க முடியும், கணக்கில் அடங்கா லட்சம் கோடி பொருளாதார பேரழிவை தடுக்க முடியும். பாதிக்கப்பட்ட அனைவருக்கும் உதவிகள் கிடைக்க வேண்டும், பாதிக்கப்பட்ட நாடுகள் வேகமாக மீண்டு எழவேண்டும், உலகளவில் நலம் பெற தடுப்பூசி இருந்தால் தான் அந்த வைரஸை கட்டுப்படுத்த முடியும்.

2020-ம் ஆண்டு இறுதிக்குள் கொரோனா தடுப்பூசியை கண்டுபிடிக்க அனைத்து நாடுகளும் ஒற்றுமையாக, ஒருங்கிணைந்து, அதிகபட்சமான வேகத்தில் செயல்படுவது அவசியமாகும்.

ஐரோப்பா, ஆசிய நாடுகளை அச்சுறுத்திய கொரோனா வைரஸ் தொற்று அடுத்ததாக ஆப்பிரிக்காவில் நுழைந்து உள்ளது. இதனை தொடக்கத்திலேய தடுக்காவிட்டால் பேரழிவை ஏற்படுத்தும். ஐ.நா. சபையும், ஆப்பிரிக்க நாடுகளும் இணைந்து கொரோனா வைரசுக்கு எதிராக போராடி வருகின்றன. தொடக்கித்திலேயே சில நாடுகள் துரிதமாக செயல்பட்டு பரவலை கட்டுப்படுத்தி வருகிறார்கள் எனக் கூறியுள்ளார்…