#IndiaFightsCorona குஜராத்தில் கொரோனாவின் பிடி இறுகுகிறது… 24 மணி நேரங்களில் புதியதாக 150 பேருக்கு தொற்று உறுதி, எண்ணிக்கை 1000-த்தை தாண்டியது

Read Time:1 Minute, 7 Second

இந்தியாவில் கொரோனாவினால் பாதிக்கப்படுபவர்கள் மற்றும் உயிரிழப்பவர்கள் எண்ணிக்கை தொடர்ந்து அதிகரித்த வண்ணமே உள்ளது.

மராட்டியம், டெல்லி, தமிழகம், ராஜஸ்தான், உத்தரபிரதேசம், மத்திய பிரதேசம் உள்ளிட்ட மாவட்டங்களில் வைரசினால் பாதிக்கப்படுபவர்கள் எண்ணிக்கை தொடர்ந்து உயர்ந்து வருகிறது.

குஜராத் மாநிலத்திலும் வைரசினால் பாதிக்கப்பட்டவர்கள் எண்ணிக்கை தொடர்ந்து அதிகரித்து ஆயிரத்தை தாண்டியுள்ளது.

மாநிலத்தில் கடந்த 24 மணி நேரங்களில் மட்டும் 150 பேருக்கு புதியதாக கொரோனா தொற்று ஏற்பட்டு உள்ளது. இதனால், குஜராத்தில் மொத்தமாக கொரோனா வைரசுக்கு பாதிக்கப்பட்டவர்கள் எண்ணிக்கை 1,021 ஆக உள்ளது. பாதிக்கப்பட்டவர்களில் 74 பேர் குணமடைந்து உள்ளனர், 38 பேர் இறந்து உள்ளனர் என மாநில அரசு தரப்பில் தெரிவிக்கப்பட்டுள்ளது.