TMP Explained: #Coronavirus ‘டிஸ்சார்ஜ்’ செய்யப்படுபவர்களுக்கு மீண்டும் தொற்று ஏற்படுவது ஏன்…?

Read Time:7 Minute, 42 Second
Page Visited: 79
TMP Explained: #Coronavirus ‘டிஸ்சார்ஜ்’ செய்யப்படுபவர்களுக்கு மீண்டும் தொற்று ஏற்படுவது ஏன்…?

உலகம் முழுவதும் கொரோனா வைரஸ் மனித உயிரை குடித்து வருகிறது. வைரசுக்கு எதிராக மருந்து எதுவும் இல்லாமல் இருப்பில் இருக்கும் தற்காப்பு மருந்தை மட்டும் கொண்டே நோயாளிகளுக்கு உலக நாடுகள் சிகிச்சையளித்து வருகின்றன. நோயாளிகளை காப்பாற்ற மருத்துவர்கள், செவிலியர்கள், மருத்துவ ஊழியர்கள் போராடி வெற்றி பெற்று வருகிறார்கள். இருப்பினும் உயிரிழப்புகளும் அதிகரித்து வருகிறது.

இதற்கிடையே மற்றொரு சவாலாக கொரோனா வைரசினால் பாதிக்கப்பட்டு மருத்துவமனையில் சிகிச்சை பெற்று குணமாகி வீடு திரும்பியவர்களுக்கும் மீண்டும் கொரோனா வைரஸ் பாதிப்பு என செய்தி வெளியாகியுள்ளது. பல நாடுகளில் இதுபோன்ற கொரோனா வைரஸ் பாதிப்பு சம்பவங்கள் காணப்படுகிறது. சமீபத்தில், தென் கொரியாவில் குணமான சுமார் 141 பேருக்கு மீண்டும் பாதிப்பு உறுதி செய்யப்பட்டுள்ளது என தகவல் வெளியானது அதிர்ச்சியை ஏற்படுத்தியது.

இந்நிலையில் குணமானவர்களுக்கு மீண்டும் பாதிப்பு ஏற்படுமா? ஏற்படுவது ஏன்…? என்ற கேள்விகள் எழுகிறது.

இதுபற்றி ஆய்வுகளை மேற்கொள்ளும் விஞ்ஞானிகள்,

  • மறுபடியும் தொற்று ஏற்படுதல்.
  • உடலில் இருந்து மீண்டும் உயிர்பித்தல்.
  • பரிசோதனையில் குளறுபடி

ஆகிய மூன்று சாத்திய கூறுகளை காரணமாக குறுப்பிடுகிறார்கள்.

மீண்டும் கொரோனா தொற்று என்பது தொடர்பாக ராய்டர்ஸ் செய்தி நிறுவனத்திற்கு
தென் கொகொரியாவின் நோய் கட்டுப்பாடு மற்றும் தடுப்பு மைய அதிகாரிகள் மற்றும் விஞ்ஞானிகள் பேட்டியளித்து விளக்கம் தெரிவித்து உள்ளனர்.

மறுபடியும் நோய்தொற்று

குணம் அடைந்தவர்களுக்கு வைரஸ் தொற்று என்ற கூற்றை வெகுவாக அவர்கள் நிராகரிக்கிறார்கள். ஏனென்றால், வைரஸ் தொற்றினால் பாதிக்கப்பட்டு முற்றிலும் குணம் அடைந்தவர்களின் நோய் எதிர்ப்பு சக்தி வலுவடைந்திருக்கும் என்கிறாகள். ஏற்கனவே வைரசுடன் போராடி வெற்றிக்கண்ட அவர்களுடைய நோய் எதிர்ப்பு சக்தி வைரசை அனுமதிக்க சாத்தியமில்லை என விளக்குகிறார்கள்.

உடலில் இருந்து மீண்டும் உயிர்பித்தல்

நோயினால் பாதிக்கப்பட்டு குணம் அடைந்தவர்களின் உடலில் இருந்து வைரஸ் மீண்டும் உயிர்பிக்க நேரிடலாம் என்கிறார்கள். சிகிச்சை பெற்ற நோயாளியின் உடலில் வைரஸ் சில காலங்களுக்கு செயலற்ற நிலையில் மறைந்து இருந்து தன்னுடைய எண்ணிக்கையை விஸ்தரிக்கும் என்கிறார்கள்.

சீனா மற்றும் அமெரிக்காவில் உள்ள மருத்துவர்கள் சமீபத்தில் மேற்கொண்ட ஆய்வில், கொரோனா வைரஸ் ரத்த வெள்ளை அணுக்களில் உள்ள ‘டி லிம்போசைட்டுகளை’ சிதைக்க போராடுகிறது என தெரிவிக்கப்பட்டது. இந்த ‘டி லிம்போசைட்டுகள்’ தான் உடலின் நோயெதிர்ப்பு அமைப்பு மற்றும் தொற்றுநோய்களை எதிர்த்து போராடுவதில் முக்கிய பங்காக இடம்பெறுகிறது. இவ்வாறு சில நோயாளிகளின் நோய் எதிர்ப்பு சக்தி பலவீனம் கொண்டிருந்தால் வைரஸ் மீண்டும் செயல்பட தொடங்கும் என்கிறார்கள்.

தென் கொகொரியாவின் கொரியா மருந்தியல் பல்கலைக்கழகத்தின் ‘வைராலஜிஸ்ட்’ மற்றும் பேராசிரியர் கிம் ஜியோங்-கி இதுதொடர்பாக ராய்டர்ஸ் செய்தி நிறுவனத்திடம் பேசுகையில், “வைரஸ் மீண்டும் உயிர்பித்தல் என்பது மிகவும் மோசமான விளைவை ஏற்படுத்தும். ஒரு நீரூற்று ஒன்றை கையால் சிலநேரம் மூடிவிட்டு பின்னர் கையை எடுத்தால் எப்படி நீர் பீச்சிடுமோ அதுபோன்று வைரைசின் தாக்கம் இருக்கும். இவர்கள் மூலம் வைரஸ் பாதிப்பு மற்றவர்களுக்கு பரவ வாய்ப்புகள் உள்ளது, இது மோசமான விளைவை ஏற்படுத்தும் என எச்சரிக்கிறார்.

மோசமான பரிசோதனை

மீண்டும் தொற்று நோய் ஏற்படுவதற்கு மோசமான பரிசோதனையும் காரணமாக அமையலாம் என விஞ்ஞானிகள் தரப்பில் தெரிவிக்கப்படுகிறது.

மருத்துவமனையில் குணமான நோயாளிகளை வெளியே அனுப்ப (‘டிஸ்சார்ஜ்’ செய்வது) உலக நாடுகள் தங்களுக்கென்று தனியாக விதிமுறைகளை வகுத்துள்ளன. தென் கொரியாவில் சிகிச்சை பெறும் நோயாளிகளுக்கு கடைசியாக 48 மணி நேரங்களில் மேற்கொள்ளப்படும் இரு சோதனைகளில் வைரஸ் தொற்று இல்லையென்றால் மட்டுமே டிஸ்ஜார்ஜ் செய்யப்படுவார்கள். இந்தியாவை பொறுத்தவரையில் டிஸ்சார்ஜ் செய்யப்பட்ட பின்னரும் வீட்டு தனிமைப்படுத்தல் மற்றும் 14 நாட்கள் கண்காணிப்பு தொடர்கிறது.

கடைசியாக மேற்கொள்ளப்படும் பரிசோதனைகளில் குளறுபடி நேரிடாலும் மீண்டும் சில நாட்களில் தொற்று அதிகமாக வாய்ப்பு உள்ளது. சோதனைக்கு பயன்படுத்தப்படும் கருவி தரமற்றவையாக இருத்தல், பரிசோதனைக்கு தேவையான மாதிரிகள் முறையாக சேகரிக்கப்படாமை போன்றவை குளறுபடிக்கு வித்திடும் என அறிவியலாளார்கள் தெரிவிக்கின்றனர். ஆனால், தென் கொரியாவின் பரிசோதனை கருவிகள் 95 சதவீதம் துல்லியமானவை என்று உலக நாடுகள் நம்புகின்றன.

சிறிய எண்ணிக்கையில் பாதிப்பு தொடர்பாக தவறான அல்லது சீரற்ற முடிவுகள் வெளியாக வாய்ப்பு உள்ளது எனவும் அறிவியலாளர்கள் தெரிவிக்கின்றனர். எனவே, வைரஸ் தொற்றிலிருந்து குணமானவர்களை தொடர்ந்து 14 நாட்கள் கண்காணிக்க வேண்டும் என பரிந்துரை செய்கின்றனர்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %