#Coronavirus அமெரிக்காவில் இதுவரையில்லாத வகையில் ஒரே நாளில் 4, 500 பேர் சாவு…!

Read Time:1 Minute, 53 Second
Page Visited: 44
#Coronavirus அமெரிக்காவில் இதுவரையில்லாத வகையில் ஒரே நாளில் 4, 500 பேர் சாவு…!

சீனாவில் உருவாகிய கொரோனா வைரஸ் உலகம் முழுவதும் பரவியுள்ளது.

வைரசினால் அமெரிக்கா தான் மிகவும் அதிகமாக பாதிக்கப்பட்டுள்ளது. அங்கு கொரோனா பாதிப்பு தொடர்பான தகவல்கள் பெரிதும் அதிர்ச்சியளிக்கும் வகையில் உள்ளது.

அமெரிக்காவில் இதுவரையில் கொரோனாவினால் 678,210 பேர் பாதிக்கப்பட்டு உள்ளனர். இதில், 34,641 உயிரிழந்து உள்ளனர். அமெரிக்காவில் கொரோனாவினால் உயிரிழப்பு அதிகரிக்கக்கூடும் என்றே அஞ்சப்படுகிறது.

இந்நிலையில் இதுவரையில் இல்லாத வகையில் அங்கு 24 மணி நேரங்களில் 4,491 பேர் வைரஸ் தாக்குதலில் உயிரிழந்து உள்ளனர் என்ற அதிர்ச்சி தகவல் வெளியாகியுள்ளது.

அமெரிக்காவில் கொரோனாவினால் ஏற்படும் உயிரிழப்புகளை அடையாளம் காண முடியாத வகையில் தொற்றின் வேகம் அதிகரித்துள்ளது என பார்க்கப்படுகிறது. ஆனால், தற்போது வெளியாகும் இறப்பு தொடர்பான எண்ணிக்கையில் கொரோனா தொடர்பான “சாத்தியமான” மரணங்கள் அடங்கும் எனவும் முன்னர் வெளியான தகவல்களில் இது இடம்பெறவில்லை எனவும் தெரியவந்துள்ளது.

நியூயார்க் நகரில் உயிரிழந்த பலர் கொரோனாவினால் தான் உயிரிழந்தார்களா என்பதை கண்டுபிடிக்க முடியாத நெருக்கடியான சூழல் இருக்கிறது என தகவல்கள் வெளியாகியுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %