#IndiaFightsCorona தமிழகத்தில் புதியதாக 56 பேருக்கு தொற்று… எண்ணிக்கை 1,323 ஆக அதிகரிப்பு; உங்கள் மாவட்டம் எந்த பட்டியலில் உள்ளது…? விபரம்:-

Read Time:2 Minute, 47 Second

தமிழகத்தில் இரண்டு நாட்களாக கொரோனா வைரசினால் புதியதாக பாதிக்கப்படுபவர்கள் எண்ணிக்கை குறைந்துவந்த நிலையில் இன்று 50க்கும் அதிகமானோருக்கு கொரோனா வைரஸ் பாதிப்பு உறுதி செய்யப்பட்டுள்ளது.

தமிழகத்தில் கொரோனாவினால் பாதிக்கப்படுபவர்கள் எண்ணிக்கை உயர்ந்த வண்ணமே காணப்படுகிறது.

நேற்று வரையில் கொரோனா தொற்று உறுதி செய்யப்பட்டவர்கள் எண்ணிக்கை 1,267 ஆக இருந்தது.

இன்று கொரோனா தொற்று உறுதி செய்யப்பட்டவர்களின் எண்ணிக்கை 56 என அரசு தரப்பில் தெரிவிக்கப்பட்டு உள்ளது.

இதனால் மொத்தம் பாதிக்கப்பட்டவர்கள் எண்ணிக்கை 1,323 ஆக உயர்ந்து உள்ளது.

இவர்களில் சிகிச்சை பெற்று மருத்துவமனையிலிருந்து டிஸ்சார்ஜ் செய்யப்பட்டவர்கள் எண்ணிக்கை 283 ஆகும். இதுவரை உயிரிழந்தவர்கள் எண்ணிக்கை 15 ஆகும். கொரோனா தொற்று உறுதி செய்யப்பட்டதில் மாவட்டம் வாரியாக சென்னை முதலிடத்தில் உள்ளது. இன்று 11 பேருக்கு உறுதி செய்யப்பட்டதால் மொத்த எண்ணிக்கை 228 ஆக அதிகரித்துள்ளது. இதற்கு அடுத்தப்படியாக கோவை -127, திருப்பூர் -80, ஈரோடு-70, திண்டுக்கல்- 66 ஆகிய மாவட்டங்களில் அதிகமான பாதிப்பு ஏற்பட்டுள்ளது.

தஞ்சையில் இன்று ஒரே நாளில் 17 பேருக்கு கொரோனா வைரஸ் பாதிப்பு உறுதி செய்யப்பட்டுள்ளது. தமிழகத்தில் பாதிப்பு விபரம் மாவட்டம் வாரியாக சிவப்பு, ஆரஞ்சு மற்றும் மஞ்சள் என வகைப்படுத்தி வெளியிடப்பட்டு வருகிறது. உங்கள் மாவட்டம் எந்த பட்டியலில் உள்ளது என்பதை பார்க்கலாம்.

சிவப்பு பட்டியலில் இடம்பெற்றுள்ள மாவட்டங்கள்

சென்னை – 228, கோவை -127, திருப்பூர் -80, ஈரோடு -70, நெல்லை -58, திண்டுக்கல் -66, நாமக்கல் – 50, செங்கல்பட்டு – 50, திருச்சி – 46, தஞ்சை -35, திருவாரூர் – 21, தேனி – 43,கரூர் – 42, ராணிப்பேட்டை -39, மதுரை – 44, திருவள்ளூர் – 46, நாகை – 40, தூத்துக்குடி – 26,விழுப்புரம் -26, சேலம் -24, வேலூர் -22.

ஆரஞ்சு:-

கடலூர் – 20, திருப்பத்தூர் – 17, கன்னியாகுமரி – 16, விருதுநகர் – 17, தென் காசி -14, திருவண்ணாமலை -12, சிவகங்கை – 11.

மஞ்சள்:-

நீலகிரி – 09, காஞ்சிபுரம் – 08, கள்ளக்குறிச்சி -03, ராமநாதபுரம் – 10, அரியலூர் – 02, பெரம்பலூர் -01.