#IndiaFightsCorona இந்திய கடற்படை வீரர்கள் 21 பேருக்கு கொரோனா வைரஸ் தொற்று உறுதி.!

Read Time:3 Minute, 12 Second
Page Visited: 59
#IndiaFightsCorona இந்திய கடற்படை வீரர்கள் 21 பேருக்கு கொரோனா வைரஸ் தொற்று உறுதி.!

இந்தியாவில் கொரோனா வைரஸ் பாதிப்பு அதிகரித்துச் செல்கிறது. இந்திய ராணுவத்தினரில் 8 பேர் வைரஸ் தொற்றினால் பாதிக்கப்பட்டு சிச்சையில் உள்ளனர் என தெரிவிக்கப்பட்டிருந்தது.

இந்நிலையில் மேற்கு கடற்படை பிரிவில் பணியாற்றும் 21 கடற்படை வீரர்கள் 21 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது. இவர்கள் அனைவரும் சிகிச்சைக்காக கடற்படை மருத்துவமனையில் அனுமதிக்கப்பட்டு உள்ளனர்

இதுகுறித்து இந்திய கடற்படை வெளியிட்ட அறிவிப்பில் “மும்பையில் மேற்கு கடலோரப் பிரிவில் பணியாற்றும் கடற்படை வீரர்களில் 21 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது. இவர்கள் ஐ.என்.எஸ். ஆங்கரே கப்பலில் பணியாற்றி வருகின்றனர். இந்த 21 வீரர்களுடன் நேரடி தொடர்பில் இருந்தோர் அனைவரின் பட்டியல் சேகரிக்கப்பட்டு வருகிறது. அவர்கள் தனிமையில் இருக்க கேட்டுக்கொள்ளப்பட்டு உள்ளனர். இந்த 21 வீரர்கள் குடியிருந்த குடியிருப்பு பகுதி ஐசிஎம்ஆர் விதிகளின்படி தனிமைப்படுத்தப்பட்டு உள்ளது என தெரிவிக்கப்பட்டுள்ளது.

கொரோனா வைரசால் பாதிக்கப்பட்ட அனைத்து கடற்படை வீரர்களும் மும்பையில் உள்ள கடற்படை மருத்துவமனையில் சிகிச்சை பெற்று வருகின்றனர். கடந்த 7-ம் தேதி ஒரு கடற்படை வீரர் ஒருவருக்கு கொரோனா வைரஸ் பாதிப்பு உறுதி செய்யப்பட்டுள்ளது. இதனையடுத்து 21 பேருக்கு பரவியுள்ளது தெரியவந்துள்ளது. இச்சம்பவம் தொடர்பாக கடற்படை உயர்மட்ட அதிகாரிகள் கண்காணித்து வருகின்றனர். கடற்படைக்கு சொந்தமான அனைத்து இடங்களையும் தீவிரமாக கிருமி நாசினி தெளிப்புக்கு உட்படுத்தி, முன்னெச்சரிக்கையுடன் இருக்கும்படி அறிவுறுத்தப்பட்டு உள்ளது.

கடந்த வாரம் கடற்படை தளபதி அட்மிரல் கரம்பிர் சிங் வெளியிட்ட வீடியோ செய்தியில் “நீர்மூழ்கிக் கப்பல்கள், கப்பல்கள், கண்காணி்ப்பு ரோந்து படகுகள் அனைத்தும் கொரோனா வைரஸ் பாதிப்புக்கு உள்ளாகாமல் இருக்க வேண்டும். கொரோனா வைரஸ் தொற்று இதுவரை யாரும் பார்த்திராத ஒன்று, இதன் தாக்கம் இந்தியா உள்பட உலகளவில் அதிகமாக இருக்கிறது “ எனக் குறிப்பிட்டு இருந்தார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %