#IndiaFightsCorona ரோஹிங்கியாக்களுக்கு கொரோனா பரிசோதனையை மேற்கொள்ள மத்திய அரசு உத்தரவு!

Read Time:3 Minute, 19 Second

டெல்லி தப்லீக் ஜமாத்தில் மார்ச் மத்தியில் நடைபெற்ற மாநாட்டில் கலந்துக்கொண்ட பலருக்கும் கொரோனா வைரஸ் தொற்று உறுதி செய்யப்பட்டுள்ளது. அவர்கள் மூலம் தொற்று பிறருக்கு பரவாமல் இருக்க மத்திய மாநில அரசுக்கள் நடவடிக்கைகளை மேற்கொண்டு உள்ளன.

இந்நிலையில் தப்லீக் ஜமாத் மாநாட்டில் ரோஹிங்கியா இஸ்லாமியர்கள் பலரும் பங்கேற்றதாகவும், அவர்களில் யாரும் தங்களுடைய சொந்த முகாம்களுக்கு வரவில்லை எனவும் மத்திய அரசுக்கு தகவல் கிடைத்து உள்ளது.

இந்நிலையில் மாநிலங்கள் மற்றும் யூனியன் பிரதேசங்கள் தங்களுடைய எல்லைக்குட்பட்ட பகுதியில் வசிக்கும் ரோஹிங்கியா இஸ்லாமிய மக்களுக்கு கொரோனா பரிசோதனையை மேற்கொள்ள வேண்டும் என்று மத்திய உள்துறை அமைச்சகம் உத்தரவிட்டுள்ளது.

இதுதொடர்பாக மாநில தலைமைச் செயலாளர்கள், டிஜிபிக்கள் மற்றும் யூனியன் பிரதேசங்களுக்கு மத்திய உள்துறை அமைச்சகம் எழுதியுள்ள கடிதத்தில், டெல்லி நிஜாமுதீனில் தப்லீக் ஜமாத்தில் நடந்த மதவழிபாடு மாநாட்டில் பல ரோஹிங்யா இஸ்லாமியர்கள் பங்கேற்றதாக தகவல் வந்துள்ளது. அவர்கள் கொரோனா வைரஸ் தொற்றினால் பாதிக்கப்பட்டிருந்தால், அவர்கள் மூலம் மற்றவர்களுக்கு பரவும் ஆபத்து அதிகரிக்கும்.

தெலுங்கானா மாநிலம் ஐதராபாத்தில் இருக்கும் ரோஹிங்யா இஸ்லாமியர்கள், அரியானா மாநிலம் மேவாத் நகரில் நடந்த மாநாட்டுக்கு சென்றுவிட்டு பின்னர் டெல்லி தப்லீக் ஜமாத் மாநாட்டுக்கு சென்று உள்ளார்கள். இதேபோல் டெல்லி ஷரம் விஹார், ஷாகீன் பாக் ஆகிய பகுதிகளில் வசிக்கும் ரோஹிங்யா இஸ்லாமியர்களும் தப்லீக் ஜமாத்தில் கூட்டத்தில் பங்கேற்று இன்னும் தங்கள் முகாமுக்கு வரவில்லை. தேராபாஸி, பஞ்சாப், ஜம்மு ஆகிய பகுதிகளில் விசிக்கும் ரோஹிங்யா இஸ்லாமியர்கள் தப்லீக் ஜமாத் கூட்டத்தில் பங்கேற்று உள்ளார்கள்.

எனவே, ரோஹிங்யா இஸ்லாமியர்கள் மற்றும் அவர்களோடுடன் நேரடியாக தொடர்பில் இருப்பவர்களுக்கும் கொரோனா வைரஸ் பரவும் சாத்தியங்கள் இருக்கின்றன. மாநில அரசுகள் தங்கள் எல்லைக்குள் இருக்கும் ரோஹிங்யா இஸ்லாமியர்களை கொரோனா வைரஸ் பரிசோதனைக்கு உட்படுத்துக்கொள்ள முன்னுரிமை கொடுக்க வேண்டும் என தெரிவிக்கப்பட்டு உள்ளது.

மத்திய உள்துறை அமைச்சகத்தின் அறிக்கையின்படி, ஹைதராபாத், டெல்லி,ஜம்மு உள்ளிட்ட நாட்டின் பல்வேறு மாநிலங்களில் 40 ஆயிரம் ரோஹிங்யா மக்கள் வசிக்கின்றனர் என்பது குறிப்பிடத்தக்கது