#IndiaFightsCorona மும்பையில் 53 பத்திரிகையாளர்களுக்கு கொரோனா வைரஸ் தொற்று…!

Read Time:3 Minute, 3 Second
Page Visited: 76
#IndiaFightsCorona மும்பையில் 53 பத்திரிகையாளர்களுக்கு கொரோனா வைரஸ் தொற்று…!

மும்பையில் 53 பத்திரிகை மற்றும் ஊடகவியலாளர்களுக்கு கொரோனா தொற்று உறுதி்ப்படுத்தப்பட்டுள்ளதாக அறிவிக்கப்பட்டுள்ளது.

இந்தியாவில் கொரோனா வைரஸ் தீவிரமாக பரவ தொடங்கியதிலிருந்து மராட்டிய மாநிலமாக மோசமாக பாதிக்கப்பட்டுள்ளது. அங்கு இதுவரை கொரோனா வைரசால் 4 ஆயிரத்துக்கும் அதிகமானோர் பாதிக்கப்பட்டு உள்ளனர்.

மத்திய சுகாதார மற்றும் குடும்ப நல அமைச்சகத்தின் சமீபத்திய தரவுகளின்படி, இந்தியாவில் கடந்த 24 மணி நேரத்தில் 1,540 பேருக்கு புதியதாக கொரோனை வைரஸ் பாதிப்பு ஏற்பட்டு உள்ளது. இதனையடுத்து இந்தியாவில் கொரோனா வைரசினால் பாதிக்கப்பட்டவர்கள் எண்ணிக்கை 17,656 ஆக உயர்ந்து உள்ளன. இறப்புகளின் எண்ணிக்கையும் 559 ஆக அதிகரித்து உள்ளது.

நாளொன்றுக்கு சராசரியாக 300 என்ற எண்ணிக்கையில் கொரோனா வைரஸ் நோயாளிகள் அதிகரித்து வருகின்றனர். குறிப்பாக மும்பை நகரம் மிக மோசமாக பாதிக்கப்பட்டு உள்ளது. மராட்டியத்தின் மொத்த கொரோனா வைரஸ் நோயாளிகளில் பாதிக்கும் அதிகமானோர் மும்பையில் உள்ளனர். மும்பையில் ஆசியாவின் மிகப்பெரிய குடிசைப்பகுதியான தாராவியும் பாதிக்கப்பட்டு உள்ளது.

மும்பையில் 53 பத்திரிகையாளர்களுக்கு கொரோனா வைரஸ் தொற்று உறுதிப்படுத்தப்பட்டு உள்ளது. இதனை மும்பை மாநகராட்சியும் உறுதிப்படுத்தி உள்ளது. இவர்களில் நிருபர்கள், ஒளிப்பதிவாளர்கள், கேமரா மேன்கள் என பலரும் இடம் பெற்றுள்ளனர் என தெரியவந்துள்ளது. மொத்தம் 171 பத்திரிகையாளர்களுக்கு கொரோனா பரிசோதனை நடந்தது. அவர்களில் 53 பேருக்கு கொரோனா இருப்பது உறுதியாகியுள்ளதால் அவர்கள் தனிமைப்படுத்தப்பட்டு உள்ளனர்.

அவர்கள் யாருக்கு கொரோனா வைரஸ் தொற்று இருந்ததற்கான அறிகுறிகள் ஏதும் முதலில் தென்படவில்லை எனவும் தெரியவந்துள்ளது. ஆனால், சோதனைக்கு பின் பாதிப்பு உறுதியாகியுள்ளது. இதனால் மும்பையில் பத்திரிகையாளர்கள் பணியில் ஈடுபடும்போது கவனத்துடன் செயல்பட வேண்டும் என மும்பை மாநகராட்சி அறிவுறுத்தி உள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %