#Coronavirus கொரோனாவுக்கு பலனளிக்கும் ஜப்பானின் இன்ப்ளூயன்சா வைரஸ் மாத்திரை…

Read Time:7 Minute, 25 Second
Page Visited: 77
#Coronavirus கொரோனாவுக்கு பலனளிக்கும் ஜப்பானின் இன்ப்ளூயன்சா வைரஸ் மாத்திரை…

கொரோனா வைரஸ் தொற்றுக்கு மருந்து கண்டுபிடிக்கும் பணியில் உலக நாடுகள், பல்கலைக்கழகங்கள், தனியார் நிறுவனங்கள் மற்றும் விஞ்ஞானிகள் தீவிரமாக இறங்கியுள்ளன.

பக்கவிளைவுகளை ஏற்படுத்தாது என்பதை உறுதி செய்யும் வகையில் மருந்துகளை பரிசோதனை செய்ய காலம் எடுக்கும் என்பதினால் தற்போது பயன்பாட்டில் இருக்கும் மருந்துகளையும் பரிசோதனை செய்து வருகிறார்கள். அப்படி மலேரியாவிற்கு பயன்படுத்தப்படும் ஹைட்ரோகுளோரோகுயின் மாத்திரைகள், எச்.ஐ.வி. சிகிச்சைக்கு பயன்படுத்தப்படும் வைரஸ் எதிர்ப்பு மருந்துகள் உள்பட சில மருந்துகள் பயனளிப்பதாக தெரிவிக்கப்படுகிறது.

இதற்கிடையே கொரோனா வைரஸ் தாக்கம் வேகம் எடுத்து மக்களின் உயிரை குடித்து வருகிறது.

இந்நிலையில் கொரோனா வைரஸ் தொற்று சிகிச்சைக்கு இன்ப்ளூயன்சா வைரஸ் காய்ச்சலுக்கு பயன்படுத்தப்படும் ஜப்பானின் பாவிபிராவிர் மாத்திரைகள் பயனளிப்பதாக தெரிவிக்கப்படுகிறது.

கொரோனா வைரஸ் மூக்கு, வாய் வழியாக கொன்று மனித செல்களுக்குள் நுழைகிறது. பின்னர் நுரையீரலுக்கு சென்று நிமோனியா ஏற்படுத்தி உயிரை குடிக்கிறது. நுரையீரலில் கொரோனா வைரஸ் தொற்று அதிகரித்து நிமோனியா காய்ச்சல் ஏற்பட்டுவிட்டால் குணடுப்படுத்துவது இயலாத காரியமாகிறது. இந்நிலையில், இதேபோன்று மனிதனின் சுவாசக் குழாய் மற்றும் நுரையீரலை தாக்கி உயிரிழப்பை ஏற்படுத்தும் இன்ப்ளூயன்சா வைரஸ் காய்ச்சலுக்கு பயன்படுத்தப்படும் ஜப்பானின் பாவிபிராவிர் மாத்திரைகள் கவனம் பெற்று உள்ளது.

ஜப்பானின் டொயாமா கெமிக்கல் நிறுவனத்தினால் தயாரிக்கப்பட்ட பாவிபிராவிர் மாத்திரைகள் 2014-ம் ஆண்டு அந்நாட்டில் பயன்பாட்டுக்கான ஒப்புதலை பெற்றது. 2014-ல் எபோலா வைரஸ் தொற்றின் போது பாதிக்கப்பட்ட போது அவசரகால உதவியாக ஜப்பான் பாவிபிராவிர் மாத்திரைகள் வழங்கப்பட்டது. இம்மாத்திரைகள் எபோலா வைரஸ் தொற்று குறைந்த அளவு இருந்தவர்களுக்கு பயனளித்ததாகவும், இதனால் இறப்பு விகிதத்தை 30 சதவீதத்திலிருந்து 15 சதவீதமாக குறைந்தது எனவும் ஆய்வு முடிவுகள் தெரிவிக்கின்றன.

கொரோனா வைரஸ் மற்றும் இன்ப்ளூயன்சா வைரஸ் நுரையீரலில் தாக்குதலை தொடுப்பதால், கொரோனா வைரசால் முதலில் பாதிக்கப்பட்ட சீனா, பாவிபிராவிர் மாத்திரைகளை பயன்படுத்தியது. அப்போது, தொடங்கியது. முதலில் கொரோனா வைரசின் பிறப்பிடமான சீனாவின் உகான் நகரில் தொற்றினால் பாதிக்கப்பட்டவர்களுக்கு பாவிபிராவிர் மாத்திரைகள் வழங்கப்பட்டது.

மாத்திரைகள் கொரோனா வைரசுக்கு எதிராக திறன்பட செயலாற்றுகிறது என சீன மருத்துவர்கள் தெரிவித்தனர். சீனாவின் அறிவியல் மற்றும் தொழில்நுட்பத்துறை அமைச்சகத்தின் அதிகாரி சாங்க் ஜின்மின் பேசுகையில், “உகான் மற்றும் சென்செனில் பரிசோதனைக்காக 340 கொரோனா நோயாளிகளுக்கு பாவிபிராவிர் மாத்திரைகள் வழங்கப்பட்டது. அப்போது, மாத்திரைகள் வைரஸ் எதிர்ப்பு சிகிச்சைக்கு பயனுள்ளதாக இருக்கிறது, பாதுகாப்பை கொண்டிருக்கிறது என்பது கண்டுபிடிக்கப்பட்டது என்று கூறுகிறார்.

இதில் மற்றொரு முக்கிய நிகழ்வாக பாவிபிராவிர் மாத்திரைகள் மூலமாக சிகிச்சை பெற்று குணம் அடைந்த 91 சதவீத நோயாளிகளின் நுரையீரலில் நல்ல முன்னேற்றம் இருந்ததாகவும் உறுதி செய்யப்பட்டது. மனித உடலில் கொரோனா வைரசின் தாக்கம் லேசான அல்லது மிதமான அளவில் இருக்கும் போது இம்மாத்திரைகளை பயன்படுத்தினால் நிச்சயம் பயனளிக்கிறது என தெரிவிக்கப்பட்டுள்ளது.

இதுதொடர்பாக டைம் பத்திரிக்கையில் வெளியான கட்டுரையில், இன்ப்ளூயன்சா ஏ மற்றும் பி வைரஸ்கள் போன்று கொரோனா வைரசும் ஆர்.என்.ஏ. வைரஸ் என்பதால் பாவிபிராவிர் மாத்திரைகள் பயனிக்கிறது என கூறப்பட்டுள்ளது. இதற்கிடையே இம்மாத்திரைகளால் தாயின் வயிற்றிலிருக்கும் குழந்தைகளுக்கு பாதிப்பு நேரிடலாம் என்ற எச்சரிக்கையுற ஆய்வு முடிவுகளில் வெளியாகியுள்ளது. எனவே, கொரோனா வைரஸ் தொற்றால் பாதிக்கப்பட்ட கர்ப்பிணி தாய்மார்களுக்கு இந்த பரிந்துரை செய்யப்படவில்லை.

சீனாவில் கொரோனா வைரசுக்கு எதிரான சிகிச்சையில் பாவிபிராவிர் மாத்திரைகள் பயனுள்ளதாக அமைந்தது என தெரிவிக்கப்பட்டதும், ஜப்பான் தயாரிப்பை அதிகரிக்க தொடங்கியது. ஜப்பான் மருந்து தயாரிப்பு நிறுவனமும் மாத்திரையை கொரோனா சிகிச்சைக்கு பயன்படுத்துவது தொடர்பாக மூன்றாம் கட்ட ஆய்வை தீவிரமாக மேற்கொண்டுள்ளது. கொரோனா வைரசு சிகிச்சைக்கு பாவிபிராவிர் மாத்திரைகளை பயனளிப்பதை அறிந்த பலநாடுகளும் ஜப்பானிடம் அதனை வாங்க முன்வந்து உள்ளன.

வைரசினால் அதிகமாக பாதிக்கப்பட்ட நாடுகளில் ஒன்றான ஜெர்மனியும் மாத்திரைகளை வழங்குமாறு ஜப்பானிடம் கேட்டுகொண்டது. இதற்கிடையே ஜப்பான், 20-க்கும் மேற்பட்ட நாடுகளுக்கு உயிர்காக்கும் மருந்தை இலவசமாக வழங்கவும் நடவடிக்கையை மேற்கொண்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %