இன்று முதல் இயங்கும் தொழில்கள் எவை? மத்திய அரசு வெளியிடு.!

Read Time:2 Minute, 45 Second

இந்தியாவில் கொரோனா வைரஸ் தாக்கம் தீவிரமாக உள்ளது. நாடு முழுவதும் கொரோனா வைரஸ் பாதித்தவர்களின் எண்ணிக்கை 17 ஆயிரத்தை நெருங்கி வரும் நிலையில், பலி எண்ணிக்கையும் 600-ஐ எட்டுகிறது.

வைரஸ் பரவலை கட்டுப்படுத்த நாடு முழுவதும் பிறப்பிக்கப்பட்டிருந்த ஊரடங்கு மே 3-ந்தேதி வரை நீட்டிக்கப்பட்டுள்ளது. இதற்கான அறிவிப்பை பிரதமர் மோடி வெளியிட்டார். அப்போது, அவர் வருகிற 20-ந்தேதி முதல் கொரோனா பாதிப்பு அதிகம் இல்லாத பகுதிகளில் நிபந்தனையுடன் சில தளர்வுகள் அளிக்கப்படும் என தெரிவித்தார்.

பட்டியல் வெளியீடு

அதன்படி இன்று (20-ந்தேதி) முதல் செயல்பாட்டிற்கு வரும் சேவைகள், தொழில்களின் பட்டியலை மத்திய மந்திரி ரவிசங்கர் பிரசாத் டுவிட்டரில் வெளியிட்டுள்ளார். அதன் விவரம்:-

  • ஆயுஷ் உள்பட அனைத்து மருத்துவ சேவைகள் செயல்படும்.
  • வேளாண் மற்றும் தோட்டத் தொழில்களுக்கு அனுமதி.
  • மீன்பிடித் தொழில் தொடர்ந்து இயங்கும்.
  • தேயிலை, காப்பி, ரப்பர் தோட்டத் தொழில்கள், அதிகபட்சம் 50 சதவீத ஊழியர்களுடன் செயல்படலாம்.
  • நிதித்துறை மற்றும் சமூக நலத்துறை செயல்படும்.
  • சரக்கு போக்குவரத்துக்கு அனுமதி
  • தேசிய ஊரக வேலைவாய்ப்பு திட்டம் தொடரும். இதில் ஊழியர்கள் முக கவசம் அணிந்து சமூக இடைவெளியை கடைப்பிடிக்க வேண்டும்.
  • பொது வினியோகத்துறை செயல்படும்.
  • மாநிலங்கள், மாவட்டங்களுக்கு இடையேயான சரக்கு போக்குவரத்துக்கு அனுமதி.
  • ஆன்லைன் மூலம் கற்பித்தல் மற்றும் தொலைதூர கல்விக்கு அனுமதி.
  • அத்தியாவசிய பொருட்கள் வினியோகம் செய்யலாம்.

அவசர தேவைக்காக இயக்கலாம்

  • வர்த்தகம், தனியார் நிறுவனங்கள் கட்டுப்பாடுகளுடன் இயங்கலாம்.
  • கட்டிட தொழில்களை தொடர அனுமதி.
  • தனியார் வாகனங்களை மருத்துவம் உள்ளிட்ட அவசர தேவைக்காக இயக்கலாம்.
  • அனைத்து மத்திய, மாநில, யூனியன் பிரதேச அலுவலகங்கள் செயல்படும்.

இந்த அறிவிப்புகள் கொரோனா ஹாட்ஸ்பாட் எனப்படும் பாதிப்பு தீவிரமாக உள்ள பகுதிகளுக்கு பொருந்தாது என மத்திய மந்திரி ரவிசங்கர் பிரசாத் தெரிவித்துள்ளார்.