#IndiaFightsCorona கொரோனாவின் பிடியில் மராட்டியம்: 4666 பேர் பாதிப்பு; மும்பையில் மட்டுமே பாதிப்பு எண்ணிக்கை 3 ஆயிரத்தை தாண்டியது…

Read Time:1 Minute, 42 Second

மராட்டிய மாநில தலைநகரான மும்பையில் கொரோனா அசுர வேகத்தில் பரவி வருகிறது.

கடந்த 11-ம் தேதி மும்பையில் கொரோனாவால் பாதிக்கப்பட்டவர்கள் எண்ணிக்கை 1,000-ஐ தாண்டியது. அதன்பிறகு நோய் பாதித்தவர்கள் எண்ணிக்கை மின்னல் வேகத்தில் அதிகரிக்கிறது. நேற்று மும்பையில் மேலும் 155 பேருக்கு கொரோனா தொற்று இருப்பது கண்டறிப்பட்டது. இதனால் மும்பையில் கொரோனாவால் பாதிக்கப்பட்டவர்கள் எண்ணிக்கை 3 ஆயிரத்து 90 ஆக உயர்ந்தது.

இவர்களில் பத்திரிகையாளர்கள் 53 பேரும் கொரோனா வைரஸ் தொற்றால் பாதிக்கப்பட்டு இருப்பது கண்டறியப்பட்டு உள்ளது.

மராட்டியத்தில் நேற்று மட்டும் புதியதாக 466 பேருக்கு தொற்று ஏற்பட்டு இருப்பதாக தெரிவிக்கப்பட்டது. இதனையடுத்து மாநிலத்தில் மொத்தமாக கொரோனாவினால் பாதிக்கப்பட்டவர்கள் எண்ணிக்கை 4,666 ஆக உயர்ந்து உள்ளது. மாநிலத்தில் உயிரிழந்தவர்கள் எண்ணிக்கை 232 ஆக உயர்ந்து உள்ளது.

ஆசியாவின் குடிசைப்பகுதியான தாராவியிலும் கொரோனா வைரஸ் தொற்று வேகமாக பரவி வருகிறது. நேற்று ஒரேநாளில் தாராவியில் மேலும் 30 பேருக்கு கொரோனா தொற்று இருப்பது கண்டறிப்பட்டது. இதனால் தாராவியில் கொரோனாவால் பாதிக்கப்பட்டவர்கள் எண்ணிக்கை 168 ஆக அதிகரித்து உள்ளது.