#Coronavirus அமெரிக்காவில் கொரோனா வைரஸ் கோரத்தாண்டவம்: இறப்பு எண்ணிக்கை 42,604 ஆகவும் பாதிப்பு 8 லட்சமாகவும் அதிகரிப்பு…!

Read Time:2 Minute, 27 Second
Page Visited: 57
#Coronavirus அமெரிக்காவில் கொரோனா வைரஸ் கோரத்தாண்டவம்: இறப்பு எண்ணிக்கை 42,604 ஆகவும் பாதிப்பு 8 லட்சமாகவும் அதிகரிப்பு…!

சீனாவில் டிசம்பர் மாத இறுதியில் காணப்பட்ட கொரோனா வைரஸ் இன்று உலகம் முழுவதும் பரவி மக்களை பதம் பார்த்து வருகிறது.

வைரசினால் புதியதாக பாதிக்கப்படுபவர்கள் மற்றும் மரணிப்பவர்கள் எண்ணிக்கை ஒவ்வொரு நாளும் அதிகரித்த வண்ணமே செல்கிறது. வைரஸ் தொற்றுக்கு எதிரான மருந்து இல்லாத காரணத்தினால் உயிரிழப்புக்கள் அதிகரித்து வருகிறது. உலகம் முழுவதும் பாதிக்கப்பட்டவர்கள் எண்ணிக்கை ஜெட் வேகத்தில் மேலே செல்கிறது. 2,483,180 பேர் உலகம் முழுவதும் வைரசினால் பாதிக்கப்பட்டு உள்ளனர் என்று ஜான்ஸ் ஹாப்கின்ஸ் பல்கலைக்கழகம் தெரிவித்துள்ளது.

இதில் 170,501 பேர் உயிரிழந்து விட்டனர். 652,759 பேர் நோயிலிருந்து சிகிச்சையினால் குணம் அடைந்து உள்ளனர். கொரோனா வைரஸ் காரணமாக அமெரிக்கா பெரிதும் பாதிக்கப்பட்டு உள்ளது. அமெரிக்க மக்கள் கொரோனாவின் பிடியில் சிக்கி தவித்து வருகிறார்கள்.

யாருக்கு கொரோனா இருக்கிறது என்று கண்டறிய முடியாமல் ஒவ்வொரு நாளும் அங்கு ஆயிரக்கணக்கானோர் கொரோனா தொற்றினால் பாதிக்கப்பட்டு வருகின்றனர். அங்கு ஒவ்வொருநாளும் உயிரிழப்பு அதிகரித்து வருகிறது என்பதையே புள்ளி விபரங்கள் காட்டுகின்றன.

அமெரிக்காவில் இதுவரையில் கொரோனாவிற்கு பாதிக்கப்பட்டவர்கள் எண்ணிக்கை 792,938 ஆக உள்ளது. இதில் 42,518 பேர் உயிரிழந்துவிட்டனர். 72,389 பேர் குணமடைந்துவிட்டனர் என தெரிவிக்கப்பட்டுள்ளது. இதற்கிடையே டொனால்டு டிரம்ப், அமெரிக்காவில் ஊரடங்கை நீக்க முயற்சித்து வருகிறார். ஆனால், இது மேலும் விளைவுகளை அதிகரிக்கும் என விஞ்ஞானிகள் எச்சரிக்கை விடுத்து உள்ளனர்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %