#IndiaFightsCorona ஒரேநாளில் 50 பேர் சாவு… இந்தியாவில் பலி எண்ணிக்கை 640 ஆக உயர்வு; பாதிப்பு 20 ஆயிரத்தை நெருங்கியது…

Read Time:5 Minute, 19 Second
Page Visited: 51
#IndiaFightsCorona ஒரேநாளில் 50 பேர் சாவு… இந்தியாவில் பலி எண்ணிக்கை 640 ஆக உயர்வு; பாதிப்பு 20 ஆயிரத்தை நெருங்கியது…

இந்தியாவில் ஒரே நாளில் கொரோனாவுக்கு 50 பேர் உயிரிழந்ததை தொடர்ந்து, பலி எண்ணிக்கை 603 ஆக அதிகரித்து உள்ளது. வைரஸ் தொற்றால் பாதிக்கப்பட்டவர்கள் எண்ணிக்கை 20 ஆயிரத்தை நெருங்கி உள்ளது.

கொரோனா வைரஸ் தொற்று பரவுவதை தடுக்கும் விதமாக நாடு முழுவதும் ஊரடங்கு அமல்படுத்தப்பட்டு உள்ளது. மேலும் பல்வேறு கட்டுப்பாடுகளும் விதிக்கப்பட்டுள்ளன.
அத்தியாவசிய பொருட்கள் வினியோகம் தவிர மற்ற தொழில்கள் அனைத்தும் முடங்கி உள்ளதால் வேலையின்றி தவித்து வரும் நிலையில் கூட வெவ்வேறு மாநிலங்களில் குடியேறியவர்கள், சொந்த மாநிலங்களுக்கு திரும்ப முடியாத நிலையில் பரிதவித்து உள்ளனர். ஆனாலும், வைரசால் ஏற்படும் பாதிப்பை உணர்ந்து எப்படியாவது கொரோனா நாட்டில் இருந்து ஒழிந்தால் போதும் என்ற மனநிலைக்கு இடம்பெயர்ந்த மக்கள் வந்துவிட்டார்கள். இருப்பினும், கொரோனா தனது கோரப்பிடியை இன்னும் இறுக்கிக்கொண்டேதான் செல்கிறது.

இதனால்தான் 20-ம் தேதிக்கு பின்னர் மாநிலங்கள் ஊரடங்கில் சில தளர்வுகளை கொண்டுவரலாம் என்ற மத்திய அரசின் அறிவிப்பு பல மாநிலங்களில் அமலுக்கு வராமலே போய்விட்டன. கொரோனா வைரசின் பாதிப்பை பலர் உணர்ந்திருந்தாலும், தொடர்ந்து போதிய கட்டுப்பாடுகளை கடைப்பிடிக்காததே வைரஸ் தொற்று பரவலுக்கு காரணம் என்று கூறப்படுகிறது. இதனால் ஊரடங்கை தீவிரமாக அமல்படுத்துமாறு மாநிலங்களுக்கு மத்திய அரசு உத்தரவிட்டு உள்ளது.

20 ஆயிரத்தை நெருங்கியது

இந்தநிலையில் இந்தியாவில் இந்த வைரஸ் தொற்றால் பாதிக்கப்பட்டவர்கள் எண்ணிக்கை 20 ஆயிரத்தை நெருங்கி உள்ளது. மத்திய சுகாதார அமைச்சகம் இன்று வெளியிட்டுள்ள புள்ளிவிவரத்தில், இந்தியாவில் கடந்த 24 மணி நேரங்களில் 1,383 பேருக்கு கொரோனா வைரஸ் தொற்று உறுதி செய்யப்பட்டுள்ளதாக கூறப்பட்டு உள்ளது.

அதன்படி இந்தியாவில் கொரோனாவால் பாதிக்கப்பட்டவர்கள் எண்ணிக்கை 19,984, ஆக உள்ளது. இதில் 15,474 பேர் மருத்துவமனையில் ஆஸ்பத்திரியில் சிகிச்சை பெற்று வரும் நிலையில், 3869 -க்கும் மேற்பட்டவர்கள் வைரஸ் பாதிப்பில் இருந்து குணமடைந்து உள்ளனர். ஈவு இரக்கமின்றி சிறியவர்கள் முதல் பெரியவர்கள் வரை அனைவரையும் பாதிப்புக்கு உள்ளாக்கி வரும் கொரோனா, புதிதாக 50 பேரின் உயிரையும் பறித்துள்ளது. இதனால் நாட்டில் கொரோனாவுக்கு பலியானோர் எண்ணிக்கை 640 ஆகிவிட்டது.

இந்தியாவில் கொரோனாவினால் அதிகமாக பாதிக்கப்பட்ட மாநிலங்கள் பட்டியலில் முதலிடம் பிடித்து உள்ள மராட்டியத்தில் கொரோனாவினால் பாதிக்கப்பட்டவர்கள் எண்ணிக்கை 5,218 ஆக உயர்ந்து உள்ளது. அங்கு 251 பேர் உயிரிழந்து உள்ளனர். இதற்கு அடுத்தப்படியாக குஜராத்தில் இந்த வைரஸ் பாதிப்பால் 2,178 பேர் பாதிக்கப்பட்டுள்ளனர். இதற்கு அடுத்தப்படியாக டெல்லி (2,156), தமிழகம் (1,596), ராஜஸ்தான் (1,659), மத்திய பிரதேசம் (1,552), உத்டரபிரதேசம் (1294), தெலுங்கானா (928) மாநிலங்கள் அதிகமாக பாதிக்கப்பட்டு உள்ளது.

மாநிலம் வாரியாக விபரம்:-

அந்தமான் மற்றும் நிக்கோபார் தீவுகள் – 16, ஆந்திரா – 757, அருணாச்சல பிரதேசம் – 1, அசாம் – 35, பீகார் – 126, சண்டிகார் – 37, சத்தீஸ்கார் – 36, டெல்லி – 2156, கோவா – 7, குஜராத் – 2178, அரியானா – 254, இமாச்சலப் பிரதேசம் – 39, ஜம்மு-காஷ்மீர் – 380, ஜார்க்கண்ட் – 45, கர்நாடகா – 418, கேரளா -427, லடாக் -18, மத்தியப் பிரதேசம் – 1552, மகாராஷ்டிரா – 5218, மணிப்பூர் -2, மேகாலயா – 12, மிசோரம் – 1, ஒடிசா – 79, புதுச்சேரி – 7, பஞ்சாப் – 245, ராஜஸ்தான் – 1659, தமிழ்நாடு – 1596, தெலுங்கானா – 928, திரிபுரா – 2, உத்தரகண்ட் – 46, உத்தரபிரதேசம் – 1294, மேற்கு வங்காளம் – 423.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %