TMP Explained: #Coronavirus தொற்றை எளிதில் கண்டறியும் நவீன கருவிகள் என்று சீனா தரமற்ற கருவிகளை அனுப்பிய விவகாரத்தில் நடப்பது என்ன…?

Read Time:6 Minute, 12 Second
Page Visited: 42
TMP Explained: #Coronavirus தொற்றை எளிதில் கண்டறியும் நவீன கருவிகள் என்று சீனா தரமற்ற கருவிகளை அனுப்பிய விவகாரத்தில் நடப்பது என்ன…?

உலகம் முழுவது ஒருவருக்கு கொரோனா நோய்த் தொற்று இருக்கிறதா? என்பதை விரைவில் கண்டுபிடிக்க உதவும் ‘ரேபிட் டெஸ்ட் கிட்’ என்ற நவீன துரித பரிசோதனை கருவிகளுக்கு அதிகமான தேவை ஏற்பட்டுள்ளது.

இந்தியாவிலும் கொரோனா வைரஸ் பாதிப்பு எண்ணிக்கை அதிகரித்து வருவதால் மத்திய அரசு சீனாவில் இருந்து இறக்குமதி செய்து, தமிழ்நாடு, ராஜஸ்தான் உள்பட பல்வேறு மாநிலங்களுக்கும் அனுப்பி வைத்தது. தமிழக அரசு தனிப்பட்ட முறையிலும் இந்த கருவிகளை சீனாவில் இருந்து இறக்குமதி செய்தது. பிற மாநிலங்களும் இதுபோன்ற நடவடிக்கையை மேற்கொண்டன.

கருவி செயல்படுவது எப்படி…?

இந்த சிறிய ‘ரேபிட் டெஸ்ட் கிட்’ கருவியில் உள்ள ஒரு குமிழில் பரிசோதனைக்கு உட்படுத்தப்படுபவரின் விரல் நுனியில் இருந்து சேகரிக்கப்படும் ஒரு துளி ரத்தம், மற்றொரு குமிழில் ‘கண்ட்ரோல் சொல்யூஷன்’ என்ற திரவம் ஒரு துளி வைக்கவேண்டும். அப்போது, கருவியில் உள்ள திரையில் ஒரு கோடு மட்டும் வந்தால் அந்த நபருக்கு கொரோனா தொற்று இல்லை என்று பொருளாகும். அதுவே, 2 கோடுகள் வந்தால் கொரோனா தொற்று உள்ளது என்று அர்த்தம். இந்த நவின கருவியின் மூலம் பரிசோதனையின் முடிவு 25 நிமிடங்களில் தெரிந்து விடும் என தெரிவிக்கப்பட்டது.

தவறான முடிவு

கொரோனா வைரஸ் தொற்றை கண்டறிய பல்வேறு மாநிலங்களிலும் கடந்த இரு நாட்களாக இந்த நவீன கருவி பயன்படுத்தப்படுகிறது. ராஜஸ்தான் மாநிலத்தில் இந்த கருவி மூலம் கொரோனா தொற்றை கண்டறியும் சோதனை நடத்தப்பட்டதில் 95 சதவீத முடிவுகள் தவறாக வந்ததாக தெரிவிக்கப்பட்டது.

இதனையடுத்து அந்த கருவிகளை பயன்படுத்துவதை நிறுத்தி வைக்குமாறு ராஜஸ்தான் அரசு உத்தரவிட்டது.

ராஜஸ்தான் மாநில சுகாதாரத்துறை அமைச்சர் ரகு ஷர்மா பேசுகையில், இந்திய மருத்துவ ஆராய்ச்சி கவுன்சிலிடமிருந்து 30 ஆயிரம் ரேபிட் டெஸ்ட் கிட்டுகள் வந்தன. அவை அனைத்தும் சீனாவிலிருந்து இறக்குமதி செய்யப்பட்டவையாகும். கொரோனா நோயாளிகளுக்கு பரிசோதனை செய்தால்கூட நெகடிவ் என்று இந்த கருவிகள் காண்பிக்கிறது. இந்த பரிசோதனை கருவியின் துல்லியத்தன்மை என்பது 5.4 சதவீதமாக உள்ளது.

இந்த கருவியின் துல்லியத்தன்மை, தரமின்மை குறித்து நாங்கள் ஐசிஎம்ஆருக்கு அறிக்கை அனுப்பியுள்ளோம். எங்கள் மாநில மருத்துவக்குழுவின் பரிந்துரையின்படி கருவியால் பரிசோதனைகளை மேற்கொள்வதை நிறுத்திவிட்டோம். செயலற்ற அந்த கருவிகள் அனைத்தையும் திருப்பி அனுப்புகிறோம். இதுவரையில் அந்த கருவியால் 168 பரிசோதனைகள் செய்தோம். அதில் பிசிஆர் டெஸ்ட்டில் கொரோனா ‘பாசிட்டிவ்’ என்று தெரிந்தவந்தவர்களுக்கு சீனாவிலிருந்து வந்த ரேபிட் கிட்டில் பரிசோதித்தால் ‘நெகடிவ்’ என்று வருவது வியப்பாக இருக்கிறது” என்றார்.

மத்திய அரசு கூறியது என்ன?

இந்தநிலையில், டெல்லியில் நேற்று பேட்டி அளித்த இந்திய மருத்துவ ஆராய்ச்சி கவுன்சில் தலைவர் டாக்டர் ராமன் கங்காகேத்கர் இவ்விவகாரம் தொடர்பாக விளக்கமாக பதில் அளித்தார். அவர் பேசுகையில், கருவி தரமற்றது என்பதுது தொடர்பாக ஒரு மாநிலத்திடம் எங்களுக்கு புகார் வந்து இருக்கிறது.

இதுபற்றி 3 மாநில அரசுகளுடன் இதுவரை நாங்கள் ஆலோசனை நடத்தி உள்ளோம். கொரோனா தொற்றை கண்டறிய துரித பரிசோதனை கருவி மூலம் நடத்திய சோதனைக்கும் ஆர்.டி.-பி.சி.ஆர். சோதனைக்கும் அதிக வேறுபாடுகள் இருப்பதாக தகவல்கள் கிடைத்து உள்ளன. எனவே துரித பரிசோதனை கருவிகளை சோதனைக்கு பயன்படுத்த வேண்டாம், அடுத்த 2 நாட்களுக்கு அதன்மூலம் பரிசோதனை நடத்துவதை நிறுத்தி வைக்குமாறும் மாநிலங்களை நாங்கள் கேட்டுக் கொண்டுள்ளோம்.

இந்த கருவிகள் மூலம் எங்கள் மருத்துவ குழுவினர் சோதனை நடத்தி, கருவிகள் உபயோகிக்கும் நிலையில் உள்ளதா…? என்பதை உறுதி செய்வார்கள். அதன்பின்னர் தெளிவான ஆலோசனையை நாங்கள் 2 நாட்களில் வழங்குவோம். நம் நாட்டுக்கு அனுப்பி வைக்கப்பட்ட கருவிகளில் ஏதாவது கோளாறு இருப்பது கண்டறியப்பட்டால், அவற்றை திரும்ப பெற்றுக்கொண்டு அவற்றுக்கு பதிலாக வேறு கருவிகளை அனுப்பி வைக்குமாறு சம்பந்தப்பட்ட நிறுவனங்களை கேட்போம் என்றார்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %