#IndiaFightsCorona குஜராத்தில் கொரோனா வைரஸ் தொற்று திடீர் வேகம்…

Read Time:2 Minute, 39 Second
Page Visited: 60
#IndiaFightsCorona குஜராத்தில் கொரோனா வைரஸ் தொற்று திடீர் வேகம்…

உலக நாடுகள் அனைத்தையும் அச்சுறுத்தி வரும் கொரோனா இந்தியாவில் தினந்தோறும் ஆயிரத்துக்கும் மேற்பட்டோரை பாதிப்புக்கு உள்ளாக்கியும், உயிரை குடித்தும் வருகிறது.

வைரஸ் பரவுவதை கட்டுப்படுத்த எவ்வளவோ தடுப்பு நடவடிக்கை எடுக்கப்பட்டு வரும் போதிலும், அவற்றையெல்லாம் முறியடித்து கொரோனாவின் தாக்கம் தொடருகிறது. இந்தியாவில் ஆரம்பத்தில் மெதுவாக பரவிய நோய்த்தொற்று தற்போது வேகமெடுத்து உள்ளது என்பதை புள்ளி விபரங்கள் காட்டுகின்றன.

இந்தியாவில் கொரோனாவால் பாதிக்கப்பட்டவர்கள் எண்ணிக்கை 20 ஆயிரத்தை தாண்டிவிட்டது.

ஆரம்பத்தில் இருந்தே இந்த வைரஸ் பிடியில் இந்தியாவில் மராட்டிய மாநிலம் சிக்கி தவித்து வருகிறது. அங்கு கொரோனா தொற்றால் பாதிக்கப்பட்டவர்கள் எண்ணிக்கை 5652 ஆக உயர்ந்து உள்ளது. வைரஸ் அங்கு 269 பேரின் உயிரையும் காவு வாங்கிவிட்டது. குஜராத்தில் திடீரென வேகமெடுத்த இந்த வைரஸ் குறுகிய நாட்களிலேயே 103 பேரின் உயிரை பறித்துவிட்டது.

இதனால் அதிக உயிரிழப்பை சந்தித்த 2-வது மாநிலமாக குஜராத் மாறி இருக்கிறது. நோய்த்தொற்றுக்கு ஆளானோரின் எண்ணிக்கை 2,400-ஐ கடந்துவிட்டதால், வைரசால் அதிகம் பாதிக்கப்பட்ட மாநிலங்கள் பட்டியலிலும் குஜராத் 2-வது இடத்தில் உள்ளது. குஜராத்தில் கொரோனா வைரசினால் 2407 பேர் பாதிக்கப்பட்டு உள்ளனர். 179 குணம் அடைந்து உள்ளனர். 2125 பேர் மருத்துவமனைகளில் சிகிச்சை பெற்று வருகிறார்கள்.

மாநிலத்தில் அதிகப்பட்சமாக அகமதாபாத்தில் 1501 பேருக்கு கொரோனா வைரஸ் தொற்று உறுதி செய்யப்பட்டு உள்ளது. சூரத்தில் 415 பேருக்கு தொற்று உறுதி செய்யப்பட்டு உள்ளது. வைரஸ் பரவலை தடுக்கும் நடவடிக்கையில் மாநில அரசு தீவிரமாக செயல்பட்டு வருகிறது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %