#Coronavirus அமெரிக்காவில் வெறியாட்டம்: 48 ஆயிரம் பேர் சாவு… 2-வது அலை மிகவும் மோசமாக இருக்கும் என எச்சரிக்கை.!

Read Time:5 Minute, 35 Second
Page Visited: 38
#Coronavirus அமெரிக்காவில் வெறியாட்டம்: 48 ஆயிரம் பேர் சாவு… 2-வது அலை மிகவும் மோசமாக இருக்கும் என எச்சரிக்கை.!

உயிர்க்கொல்லியான கொரோனா வைரஸ் தொற்று நோயை குணப்படுத்த ஒரு மருந்து கண்டுபிடிக்கப்படவில்லை. அதே போன்று தடுப்பூசியும் கண்டுபிடிக்கப்படவில்லை. இது தொடர்பான ஆராய்ச்சிகள் வேகமாக நடந்து வருகின்றன. மறுபுறம் வைரசின் கோரத்தாண்டவம் உலகம் முழுவதும் விஸ்தரித்து வருகிறது. புதியதாக பாதிக்கப்படுபவர்கள் மற்றும் உயிரிழப்பவர்கள் எண்ணிக்கை அதிகரித்த வண்ணமே உள்ளது.

உலகையே ராணுவம் பலம் வைத்திருப்பதாக மிரட்டிவரும் அமெரிக்கா, இப்போது கண்ணுக்குத் தெரியாத கொரோனா வைரஸ் என்ற எதிரியால் படாதபாடு படுகிறது. உலக நாடுகளுக்கெல்லாம் சிம்மசொப்பனமாக விளங்குகிற ஒரு நாட்டால் இந்த வைரசை ஒன்றும் செய்ய முடியவில்லை. ஒவ்வொருநாளும் அங்கு கொத்துக்கொத்தாக மக்கள் உயிரிழக்கிறார்கள்.

இதுவரை அங்கு இந்த வைரஸ் தொற்றுநோய் 8.50 லட்சம் பேரை தாக்கி இருக்கிறது. 47,681 பேரை இந்த வைரஸ் நோய் உயிரிழக்கச்செய்து உள்ளது. அங்கு நியூயார்க் மாகாணம்தான் இந்த நோய்த் தொற்றின் மையம், மயானம் போல காட்சி அளிக்கிறது. அங்கு மட்டும் இந்த வைரஸ் நோய், 2.5 லட்சத்துத்துக்கும் மேற்பட்டோரை தாக்கி உள்ளது. 19 ஆயிரம் பேர் வரையில் பலியாகியும் இருக்கிறார்கள். இதன் அண்டை மாகாணமான நியூஜெர்சியும் கொரோனா வைரஸ் தொற்றுநோயால் கடும் பாதிப்புக்கு ஆளாகி இருக்கிறது.

அமெரிக்காவில் கொரோனா வைரஸ் தொற்றுநோயின் முதல் அலையே இன்னும் முடிவுக்கு வரவில்லை. அதற்குள் இந்த வைரஸ் தொற்றுநோயின் 2-வது அலையும் அமெரிக்க நாட்டில் தாக்குதல் நடத்தும் என்ற அதிர்ச்சி தகவல் வெளியாகி உள்ளது. இதுபற்றி அமெரிக்காவின் நோய் கட்டுப்பாடு மற்றும் நோய் தடுப்பு மைய இயக்குனர் ராபர்ட் ரெட்பீல்டு, வாஷிங்டன் போஸ்ட் நாளேட்டுக்கு பேட்டியளித்து பேசியுள்ளார்.

அவர் பேசுகையில், அமெரிக்காவில் ஒரே நேரத்தில் காய்ச்சல் தொற்று நோயும், கொரோனா வைரஸ் தொற்று நோயும் இருக்க வாய்ப்பு உள்ளது. இது அமெரிக்க சுகாதாரத்துக்கு ஏற்பட்டுள்ள மிகப்பெரிய நெருக்கடி ஆகும். அதிர்ஷ்டவசமாக அமெரிக்காவில் வழக்கமான காய்ச்சல் காலம் முடிகிற நிலையில் கொரோனா வைரஸ் தொற்றுநோய் பரவுகிறது. அமெரிக்காவில் வரும் குளிர்காலத்தில் கொரோனா தொற்றுநோயின் இரண்டாவது அலை தாக்கும்.

தற்போது பரவி வருகிற கொரோனா வைரஸ் தொற்றுநோய் தாக்கத்தை விட கடுமையானதாக இருக்கும். கொரோனா வைரஸ் தொற்றுநோய்க்கு மத்தியில் இரண்டு விதமான சுவாச கோளாறும் ஏற்பட வாய்ப்பு உள்ளது. இது கற்பனை செய்து பார்க்க முடியாத அளவுக்கு இருக்கும் என எச்சரித்து உள்ளார். இது அமெரிக்க மக்களிடையே பெரும் பீதியை கிளப்புவதாக அமைந்து உள்ளது.

வெள்ளை மாளிகையில் கொரோனா வைரஸ் நோய் தடுப்பு பணிக்குழுவின் உறுப்பினரான டாக்டர் டெபரோ பிரிக்ஸ் பேசுகையில், கொரோனா வைரஸ் தொற்றுநோய்க்கான தடுப்பு நடவடிக்கைகளை தீவிரப்படுத்துமாறு வெள்ளை மாளிகை வலியுறுத்துகிறது. கொரோனா வைரஸ் சோதனைகளை அதிகரிக்கவும் அறிவுறுத்தப்பட்டு உள்ளது. சமூக அளவில் கண்காணித்தும் வருகிறோம். கொரோனா வைரஸ் தொற்று சோதனைகளை தொடர்ந்து அதிகரித்து வருகிறோம்.

குளிர்காலத்தின்போது கொரோனா வைரஸ் தொற்றுநோயின் இரண்டாவது அலை கடுமையாக தாக்கினால் நிலைமை மிகவும் மோசமாகும். நியூயார்க் நகரம் ஏற்கனவே மோசமாக பாதிக்கப்பட்டு உள்ளது. எங்கள் கண்காணிப்பில் இருந்து எச்சரிக்கை சமிக்ஞைகள் எங்களிடம் இருக்கும் என்றே நம்புகிறேன். அந்த கண்காணிப்பை இப்போது வீழ்ச்சியில் இருந்து தொடர வேண்டும் எனக் கூறியுள்ளார். கொரோனாவினால் அமெரிக்க மக்கள் பெரும் பீதிக்குள் உள்ளனர்.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %