#IndiaFightsCorona இந்தியாவில் 718 பேர் உயிரிழப்பு பாதிப்பு 23 ஆயிரத்தை தாண்டியது; மாநிலம் வாரியாக பாதிப்பு விபரம்:-

Read Time:3 Minute, 44 Second
Page Visited: 51
#IndiaFightsCorona இந்தியாவில் 718 பேர் உயிரிழப்பு பாதிப்பு 23 ஆயிரத்தை தாண்டியது; மாநிலம் வாரியாக பாதிப்பு விபரம்:-

உலக நாடுகள் அனைத்தையும் கொரோனா வைரஸ் ஆட்டம் காண வைத்துவிட்டது.

இன்றளவும் இந்த வைரஸ் தொற்று நோயை குணப்படுத்த தடுப்பு மருந்துகள் எதுவும் கண்டுபிடிக்கப்படவில்லை. வைரஸ் பிடியில் இருந்து தற்காத்துக்கொள்ள சமூக விலகல் மட்டுமே கை கொடுக்கும் என்பதால் இந்தியா உள்பட அனைத்து நாடுகளும் ஊரடங்கை அமல்படுத்தி நடவடிக்கைகளை மேற்கொண்டு உள்ளன.

ஆனால், கொரோனா வைரஸ் வழி மேல் விழி வைத்து காத்துக்கொண்டிருந்து, வீட்டில் இருந்து வெளியேறுபவர்களை குறிவைத்து தொற்றிக்கொள்கிறது. இதனால், வைரஸ் தொற்றால் பாதிக்கப்படுபவர்கள் எண்ணிக்கை தினந்தோறும் அதிகரித்துக் கொண்டே செல்கிறது. மத்திய சுகாதாரத்துறை அமைச்சகம் இன்று காலை வெளியிட்ட புள்ளி விவரம், இந்தியாவில் இந்த வைரஸ் தொற்றால் 23,077, பேர் பாதிக்கப்பட்டுள்ளதாக காட்டுகிறது.

கொரோனாவால் 718 பேர் உயிரிழந்துவிட்டதாக கூறப்பட்டுள்ளது. நாட்டில் கடந்த 4 நாட்களாக வைரஸ் பாதிப்பில் இருந்து குணமடைந்து வருபவர்களின் எண்ணிக்கை அதிகரித்து வருவதாகவும் குறிப்பிடப்பட்டு உள்ளது. அதன்படி இதுவரை 4,748 பேர் வைரஸ் தொற்றில் இருந்து குணமடைந்துள்ளதாகவும் கூறப்பட்டுள்ளது.

கொரோனாவால் அதிகம் பாதிக்கப்பட்ட மாநிலமான மராட்டியத்தில் இந்த வைரசால் பாதிக்கப்பட்டவர்களின் எண்ணிக்கை 6,430 ஆக உயர்ந்து உள்ளது. அங்கு 283 பேரை கொரோனா உயிரிழக்கச் செய்துவிட்டது. 2624 பேர் பாதிப்புக்கு உள்ளாகி இருக்கும் குஜராத் 2-வது இடத்தில் உள்ளது. டெல்லியில் இந்த வைரசால் 2376 பேர் பாதிக்கப்பட்டு உள்ளனர். ராஜஸ்தானில் இந்த எண்ணிக்கை 1964 ஆகவும், மத்திய பிரதேசத்தில் 1699 ஆகவும்.

தமிழகத்தில் மேலும் 54 பேருக்கு கொரோனா பாதிப்பு உறுதியாகி உள்ளது. இதன் மூலம், கொரோனா தொற்று உறுதி செய்யப்பட்டவர்களின் எண்ணிக்கை 1,629-ல் இருந்து 1,683 ஆக உயர்ந்துள்ளது.

மாநிலம் வாரியாக பாதிப்பு விபரம்:-

அந்தமான் மற்றும் நிக்கோபார் தீவுகள் – 22, ஆந்திரா – 895, அருணாச்சல பிரதேசம் – 1, அசாம் – 36, பீகார் – 153, சண்டிகார் – 27, சத்தீஷ்கார் – 36, டெல்லி – 2376, கோவா – 7, குஜராத் – 2624, அரியானா – 272, இமாச்சலப் பிரதேசம் – 40, ஜம்மு-காஷ்மீர் – 427, ஜார்க்கண்ட் – 53, கர்நாடகா – 445, கேரளா -447, லடாக் – 18, மத்தியப் பிரதேசம் – 1699, மகாராஷ்டிரா – 6430, மணிப்பூர் – 2, மேகாலயா – 12, மிசோரம் – 1, ஒடிசா – 90, புதுச்சேரி – 7, பஞ்சாப் – 277, ராஜஸ்தான் -1964, தமிழ்நாடு – 1683, தெலுங்கானா – 960, திரிபுரா – 2, உத்தரகண்ட் – 47, உத்தரபிரதேசம் – 1510, மேற்கு வங்காளம் – 514.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %