#IndiaFightsCorona சென்னையில் கொரோனாவினால் பாதிக்கப்பட்டவர்கள் எண்ணிக்கை 452 ஆக அதிகரிப்பு!

Read Time:3 Minute, 39 Second
Page Visited: 51
#IndiaFightsCorona  சென்னையில் கொரோனாவினால் பாதிக்கப்பட்டவர்கள் எண்ணிக்கை 452 ஆக அதிகரிப்பு!

தமிழகத்தில் கொரோனா வைரசால் நேற்று ஒரே நாளில் 72 பேர் பாதிக்கப்பட்டு உள்ளனர் என அரசு தரப்பில் தெரிவிக்கப்பட்டுள்ளது.

இதில் சென்னையில் மட்டும் 52 பேருக்கு கொரோனா நோய் தொற்று இருப்பது உறுதி செய்யப்பட்டு உள்ளது. இதனால் சென்னையில் 400 ஆக இருந்த வைரஸ் தொற்று எண்ணிக்கை 452 ஆக அதிகரித்து உள்ளது

தமிழகத்தை பொறுத்தவரையில் சென்னை, கோவை, மதுரை தவிர மற்ற மாவட்டங்களில் பாதிப்புகள் குறைந்து வருகிறது. தமிழகத்தில் நேற்று ஒரே நாளில் 72 பேர் கொரோனா நோய் தொற்றால் பாதிக்கப்பட்டு உள்ளனர். 114 பேர் மருத்துவமனைகளில் குணமடைந்து நேற்று ‘டிஸ்சார்ஜ்’ செய்யப்பட்டு ஊள்ளனர். தமிழகத்தில் நேற்று 2 பேர் சிகிச்சை பலனின்றி உயிரிழந்து உள்ளனர்.

இதுகுறித்து சுகாதாரத்துறை வெளியிட்டுள்ள செய்திக்குறிப்பில், தமிழகத்தில் நேற்று ஒரே நாளில் 5 ஆயிரத்து 882 பேரின் தொண்டை சளி மற்றும் ரத்த மாதிரிகள் கொரோனா வைரஸ் பரிசோதனைக்காக அனுப்பி வைக்கப்பட் உள்ளது. இதுவரை தமிழகத்தில் 65 ஆயிரத்து 834 பேரின் மாதிரிகள் பரிசோதனைக்காக அனுப்பப்பட்டு உள்ளன.

இதில் நேற்று ஒரே நாளில் 72 பேர் புதிதாக கொரோனா நோய் தொற்றால் பாதிக்கப்பட்டு உள்ளனர். இதனால் தமிழகத்தில் கொரோனா பாதிக்கப்பட்டவரின் எண்ணிக்கை 1,755 ஆக உயர்ந்து உள்ளது. மேலும் 62 ஆயிரத்து 596 பேருக்கு கொரோனா வைரஸ் பாதிப்பு இல்லை என தெரியவந்து உள்ளது. 1,483 பேரின் மாதிரிகளின் பரிசோதனை முடிவுகள் இன்னும் வரவில்லை.

தமிழகத்தில் 1 லட்சத்து 16 ஆயிரத்து 95 பேர் தற்போது வீட்டு கண்காணிப்பில் வைக்கப்பட்டு உள்ளனர். 1,846 பேர் மருத்துவ கண்காணிப்பிலும், 19 பேர் அரசு கண்காணிப்பிலும் வைக்கப்பட்டு உள்ளனர். தமிழக மருத்துவமனைகளில் தற்போது 864 பேர் கொரோனா வைரசால் பாதிக்கப்பட்டு சிகிச்சை பெற்று வருகின்றனர். தமிழகத்தில் நேற்று 2 பேர் கொரோனா நோய் தொற்றால் உயிரிழந்து உள்ளனர். இதனால் தமிழகத்தில் உயிரிழந்தவர்களின் எண்ணிக்கை 22 ஆக அதிகரித்து உள்ளது.

நேற்று பாதிக்கப்பட்ட 72 பேரில், சென்னையில் 6 சிறுவர், சிறுமியர் உட்பட 52 பேரும், கோவையில் 7 பேரும், மதுரையில் 4 பேரும், திருவள்ளூர், ராமநாதபுரம் ஆகிய மாவட்டங்களில் தலா 2 பேரும், காஞ்சீபுரம், சேலம், தென்காசி, திருவண்ணாமலை, விருதுநகர் ஆகிய மாவட்டங்களில் தலா ஒருவரும் நேற்று கொரோனா வைரசால் பாதிக்கப்பட்டு உள்ளனர் என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %