TMP Explained: கொரோனா வைரஸ் நுரையீரலுக்குள் நுழைவது எப்படி..? சுவாசத்தை தடுப்பது எப்படி..?

Read Time:9 Minute, 17 Second
Page Visited: 73
TMP Explained: கொரோனா வைரஸ் நுரையீரலுக்குள் நுழைவது எப்படி..? சுவாசத்தை தடுப்பது எப்படி..?

சீனாவின் காணப்பட்ட கொரோனா வைரஸ் இப்போது விஸ்வரூபம் எடுத்து ஏறத்தாழ உலகின் 185 நாடுகளுக்கு இந்த வைரஸ் தொற்று நோய் பரவி விட்டது. வைரஸ் தொற்றுநோய்க்கு இன்னும் மருந்தோ, தடுப்பூசியோ கண்டுபிடிக்கப்படாத நிலையில், உலக நாடுகள் கடும் நெருக்கடியில் சிக்கியுள்ளன. தற்போது வரையில் உலக நாடுகள் போராட்டத்தில் கொரோனா வைரசின் கைதான் ஓங்கி நிற்கிறது. உலகம் முழுவதும் பாதிப்பு 27 லட்சத்தை தாண்டியுள்ளது. உயிரிழப்பு 2 லட்சத்தை நோக்கி செல்கிறது. மனித உடலில் வைரஸ் முக்கியமாக நுரையீரலை தாக்குகிறது. எப்படி பாதிப்பு நேரிடுகிறது என்பதை தெரிந்துக் கொள்ளலாம்.

நுரையீரலின் பணி

மனிதன் உயிர் வாழ்வதற்கு காற்று எவ்வளவு அவசியமோ, அவ்வளவு அவசியமானது காற்றை பிரித்து உடல் இயக்க செயலுக்கு முக்கிய பங்கு வகிக்கும் நுரையீரல்.

மனிதன் சுவாசிக்கும் காற்றில் இருக்கும் ஆக்சிஜன், கார்பன் டை ஆக்சைடு சுவாசக் குழாயின் வழியே நுரையீரலுக்குள் செல்கிறது. அங்கு காற்றிலிருந்து ஆக்சிஜனை மட்டும் பிரித்து எடுத்து, ரத்த அணுக்களுடன் சேர்த்து ரத்தத்தை சுத்திகரிக்கும் பணியை நுரையீரல் செய்கிறது.

மனித இதயத்திலிருந்து தொடங்கி உடல் முழுவதுக்கும் பயணம் செய்துவிட்டு வரும் கெட்ட ரத்தத்தை ஆஜ்சிஜன் துணைகொண்டு சுத்திகரித்து நல்ல ரத்தமாக மாற்றுகிறது நுரையீரல். இதிலிருந்து நுரையீரல் எவ்வளவு முக்கியமானது என்பதை அறிந்துக்கொள்ளலாம். இந்த பகுதியைதான் கொரோனா வைரஸ் தாக்குதல் இலக்காக கொண்டிருக்கிறது.

வைரஸ் பாதிப்பு நிலைகள்

மனிதன் சுவாசிக்கும் போது அல்லது கொரோனாவினால் பாதிக்கப்பட்டவர் தொட்ட இடத்தில், அல்லது வைரஸ் இருக்கும் உயிரற்ற பொருட்களை தொட்டுவிட்டு கையை முகத்தில் வைக்கும் போது வைரஸ் மூக்கு, வாய் வழியாக மனித உடலுக்குள் செல்கிறது. சுவாச குழாய் பகுதியில் மனித செல்களுக்குள் நுழைகிறது. வைரசின் மேல் பகுதியில் காளான்கள் போல் இருக்கும் ஸ்பைக் புரதம் வழியாக வைரஸ் மனித செல்களுக்குள் நுழைந்துவிடுகிறது. அங்கிருந்து நுரையீரல் சென்று அங்கு அடைக்காத்து தன்னுடைய எண்ணிக்கையை அதிகரிக்கிறது.

வைரசினால் நுரையீரல் பாதிக்கப்படுவது தொடர்பாக இங்கிலாந்தின் தி கார்டியன் பத்திரிக்கைக்கு ஆஸ்திரேலியாவின் ராயல் ஆஸ்ட்ரலேசியன் மருத்துவ கல்லூரியின் தலைவரும், சுவாசப்பிரிவு மருத்துவருமான பேராசிரியர் ஜான் வில்சன் பேசுகையில், வைரசின் பாதிப்பின் கடுமையான விளைவுகளை நான்கு நிலைகளாக பிரிக்கிறார்.

முதல் கட்டம்

கொரோனா வைரஸ் பாதிப்பு இருக்கும், ஆனால் பாதிக்கப்புக்கு உள்ள்ளானவர்களுக்கு வைரஸ் பாதிப்புக்கான பெரியதாக எந்தஒரு அறிகுறியும் காணப்படாது.

இரண்டாவது கட்டம்

மேல் சுவாசக் குழாயில் தொற்றுநோய் பாதிப்பு ஏற்படுத்துவது. பாதிக்கப்பட்ட ஒரு நபருக்கு காய்ச்சல், இருமல், தலைவலி இருப்பதாக லேசான அறிகுறிகள் இருக்கலாம். இதுபோன்ற சிறிய அறிகுறிகளை கொண்டவர்கள் வைரஸ் பிறருக்கு வேகமாக பரப்ப முடிகிறது. ஏனென்றால், அவர்கள் தங்களுக்கு வைரஸ் தொற்று இருப்பதை அறிந்திருக்க மாட்டார்கள்.

மூன்றாவது கட்டம்

வைரஸ் பாதிப்பு இருப்பவர்கள் மருத்துவமனைக்கு செல்லும் போது, இதேபோன்ற அறிகுறிகளை கொண்ட ‘ப்ளு ’ காய்ச்சலாக பார்க்கப்படுகிறது.

நான்காவது கட்டம்

நிமோனியாவை கொண்ட கடுமையான நோய் பாதிப்பு ஏற்படுகிறது. சீனாவின் உகான் நகரில் கொரோனா வைரஸ் பாதிப்பு உறுதி செய்யப்பட்டு மருத்துவ உதவியை நாடியவர்களில் சுமார் 6 சதவீதம் பேர் இதுபோன்ற கடுமையான நோயால் பாதிக்கப்பட்டு ஊள்ளனர் எனக் குறிப்பிடுகிறார்.

நுரையீரல் பாதிப்பு, சுவாசம் தடைப்படுவது எப்படி…?

ஜான் வில்சன் நுரையீரல் பாதிப்பு தொடர்பாக பேசுகையில், கொரோனா வைரசினால் பாதிக்கப்பட்டவர்களுக்கு இருமல் மற்றும் காய்ச்சல் உருவாவது முக்கியமான எச்சரிக்கையாகும். அதாவது, வைரஸ் பாதிப்பு சுவாச மரத்தை (மூக்கிலிருந்து காற்றை உள்ளே இழுக்கும் மூச்சு குழாய் நுரையீரல் வரையில் தலைகீழா கிளைகளுடன் ஒரு மரம் போன்ற அமைப்பை கொண்டிருக்கிறது. ) அடைந்துவிட்டது என்பதற்கான எச்சரிக்கையாகும்.

மனித உடலில் சுவாசப்பாதை நுரையீரலுக்கும் வெளிப்புறத்திற்கும் இடையில் காற்று பயணம் செய்யும் பணியாகும். அப்போது, சுவாசப்பாதையில் பாதிப்பு ஏற்பட்டு வீக்கம் ஏற்படுகிறது. இது காற்றுப்பாதையில் இருக்கும் நரம்புக்கு இடையூறு ஏற்படுத்துகிறது. அப்போது சிறு துகளால் கூட இருமல் ஏற்படும். வைரஸ் தும்மல் வழியாக வெளியே வருகிறது. வைரஸ் பாதிப்பு சுவாசப்பாதையிலிருந்து நுரையீரல் உள்ளேயும் செல்லும் போது, அங்கு வாயு பரிமாற்றம் மேற்கொள்ளப்படும் மையத்திற்கு சென்றுவிடுகிறது. அங்கு தன்னுடைய எண்ணிக்கையை விஸ்தரிக்கிறது.

இதனால், வாயு பரிமாற்றம் தடையை சந்திக்கிறது. பின்னர் நுரையீரலின் அடிப்பகுதியில் இருக்கும் காற்று சுத்திகரிப்பு உறுப்புகளுக்கும் சென்று பாதிப்பை ஏற்படுத்துகிறது. அங்கு தன்னுடைய வேலையை வைரஸ் மேலும் தீவிரமாக்குகிறது. காற்று சுத்திகரிப்பு பகுதியில் காளான்கள் போன்ற வீக்கம் ஏற்படுகிறது. பின்னர் நிமோனியா ஏற்படுகிறது. இதனால் வைரசினால் பாதிக்கப்பட்ட நுரையீரலின் ஆஜ்சிஜனை எடுத்து ரத்தத்தை சுத்தம் செய்யும் பணி குறைந்துவிடுகிறது. சுவாசம் தடைபடுகிறது. இதனையடுத்து கடுமையான நிமோனியாவுடன் மரணம் ஏற்படுகிறது, இதுவே வழக்கமான நிகழ்வாக இருக்கிறது என்கிறார்.

உலக சுகாதார அமைப்பு விடுத்துள்ள எச்சரிக்கையில், கொரோனா வைரஸ் வயதானவர்கள், உயர் இரத்த அழுத்தம், இதயம் நுரையீரல் பிரச்சினைகள் கொண்டவர்கள் அல்லது நீரிழிவு போன்ற அடிப்படை பிரச்சினைகள் உள்ளவர்களுக்கு கடுமையான பாதிப்பை ஏற்படுத்த வாய்ப்புகள் அதிகம் உள்ளது என தெரிவித்துள்ளது. வைரஸ் பாதிப்பு நுரையீரல் வரையில் செல்லும் போது பாதிப்பு கொடூரமாக இருக்கிறது. காப்பாற்ற எந்தஒரு முயற்சியும் பலனளிக்காத நிலையை எட்டுகிறது. இவ்வளவு கொடூரமான வைரசிடம் இருந்து தப்பிக்க அரசின் விழிப்புணர்வு தகவல்களை சரியாக பின்பற்றுவோம்…

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %