#IndiaFightsCorona சலூன் கடைக்கு முடிவெட்ட சென்ற 6 பேருக்கு கொரோனா வைரஸ் பாதிப்பு – அதிகாரிகள் அதிர்ச்சி…!

Read Time:3 Minute, 45 Second
Page Visited: 142
#IndiaFightsCorona சலூன் கடைக்கு முடிவெட்ட சென்ற 6 பேருக்கு கொரோனா வைரஸ் பாதிப்பு – அதிகாரிகள் அதிர்ச்சி…!

இந்தியா முழுவதும் கொரோனா வைரஸ் பரவலை கட்டுப்படுத்தும் விதமாக 40 நாட்கள் ஊரடங்கு அமலில் உள்ளது.

இந்தியாவில் ஊரடங்கு காலத்தில் சில கடைகளை திறக்க விலக்கு அளிக்கப்பட்டாலும் சலூன்களை திறக்க மத்திய அரசு அனுமதியை வழங்கவில்லை.

இதனால் ஊரடங்கு காலத்தில் சலூன்கள் மூடப்பட்டுள்ளது. கிராமபுறங்களில் ஆங்காங்கே சில கடைகள் அவ்வப்போது தெரியாமல் திறக்கப்படும் சம்பவங்கள் நிகழ்ந்து உள்ளது. இதுபோக, சலூன் கடைக்காரர்கள் வீட்டிற்கு சென்று முடிதிருத்தம் செய்யும் பணியையும் மேற்கொள்கிறார்கள்.

இந்நிலையில் தான் மத்திய பிரதேச மாநிலத்திலிருந்து அதிர்ச்சி தகவல் வெளியாகியுள்ளது.

மத்திய பிரதேச மாநிலம் கார்கோன் மாவட்டம் பார்கோன் கிராமத்தில் சலூன் ஒன்றுக்கு முடிவெட்ட சென்ற 6 பேருக்கு கொரோனா வைரஸ் பாதிப்பு ஏற்பட்டுள்ளது அம்மாவட்ட அதிகாரிகளை பெரும் அதிர்ச்சியடைய செய்து உள்ளது.

மத்திய பிரதேச மாநிலத்தில் கொரோனாவின் வேகம் அதிகரித்து வருகிறது. அங்கு 2083 பேர் கொரோனாவில் பாதிக்கப்பட்டு உள்ளனர். இந்தூர் நகரம் கொரோனாவின் மையப்பக்குதியாக உள்ளது. இந்தூரில் ஓட்டலில் வேலைபார்க்கும் ஒருவர் கிராமத்திற்கு திரும்பியுள்ளார். அவர் ஏப்ரல் 5-ம் தேதி தனது கிராமத்தில் உள்ள சலூனுக்கு சென்று முடிதிருத்தம் செய்து உள்ளார். அவருடைய உடலில் போடப்பட்டிருந்த துணியை மற்றவர்களுக்கும் சலூன் கடைக்காரர் பயன்படுத்தியுள்ளார்.

இந்தூரிலிருந்து திரும்பியவருக்கு கொரோனா அறிகுறிகள் தென்பட்டதும் மருத்துவமனையில் அனுமதிக்கப்பட்டு உள்ளார். அவருக்கு மேற்கொள்ளப்பட்ட சோதனையில் கொரோனா வைரஸ் பாதிப்பு உறுதி செய்யப்பட்டது. இதனையடுத்து அவர் சலூனுக்கு சென்ற நாளில் யாரெல்லாம் அங்கு சென்றார்கள் என்பது தொடர்பாக தகவல் சேகரிக்கப்பட்டு 12 பேருடைய மாதிரிகள் பரிசோதனைக்கு அனுப்பப்பட்டுள்ளது. அதில் 6 பேருக்கு கொரோனா வைரஸ் பாதிப்பு உறுதியாகியுள்ளது.

இதனையடுத்து கிராமத்தை தங்களுடைய கட்டுப்பாட்டுக்கள் போலீசாரும், மருத்துவ பணியாளர்களும் கொண்டு வந்து உள்ளனர். இச்சம்பவம் அம்மாவட்ட அதிகாரிகளை பெரும் அதிர்ச்சிக்கு உள்ளாக்கியுள்ளது. அவருடன் யாரெல்லாம் தொடர்பில் இருந்தார்கள் என்பது தொடர்பாக ஆய்வை மேற்கொண்டு வருகின்றனர் என செய்திகள் வெளியாகியுள்ளது.

இந்நிலையில் சலூன்கள் வாயிலாகவும் அமெரிக்காவில் கொரோனா வைரஸ் அதிகமாக பரவியுள்ளது குறிப்பிடத்தக்கது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %