#IndiaFightsCorona இந்தியாவில் அதிகபட்சமாக ஒரே நாளில் 1,990 பேருக்கு கொரோனா தொற்று, மொத்த பாதிப்பு 26,500-ஐ நெருங்கியது, பலி 824 ஆக அதிகரிப்பு

Read Time:5 Minute, 19 Second
Page Visited: 92
#IndiaFightsCorona இந்தியாவில் அதிகபட்சமாக ஒரே நாளில் 1,990 பேருக்கு கொரோனா தொற்று, மொத்த பாதிப்பு 26,500-ஐ நெருங்கியது, பலி 824 ஆக அதிகரிப்பு

இந்தியாவில் ஒரே நாளில் கொரோனாவுக்கு 49 பேர் பலியாகினர். கொரோனா வைரஸ் தொற்றால் பாதிக்கப்பட்டவர்கள் எண்ணிக்கை 26,500-ஐ ஆயிரத்தை நெருங்கியது.

உலக நாடுகள் அனைத்தையும் பதம்பார்த்து வரும் கொரோனா வைரஸ், இந்தியாவிலும் பரவும் வேகத்தை கூட்டி வருகிறது. அதன்படி வைரசால் பாதிக்கப்பட்டவர்கள் எண்ணிக்கை ஒவ்வொரு நாளும் அதிகரித்து வருகிறது. வல்லரசு நாடான அமெரிக்காவையே ஆட்டம் காண செய்துவிட்ட இந்த வைரசை கட்டுப்படுத்த இந்தியாவில் நாடு முழுவதும் மே 3-ம் தேதி வரையில் 40 நாட்கள் ஊரடங்கு அமல்படுத்தப்பட்டு உள்ளது.

மத்திய அரசின் ஊரடங்கு நடவடிக்கையால் அமெரிக்கா மற்றும் ஐரோப்பிய நாடுகளைப்போல இந்தியாவில் இந்த வைரசால் அதிக பாதிப்பை ஏற்படுத்த முடியவில்லை. ஆனாலும், கொரோனா வைரஸ் இந்தியாவிலும் பாதிப்பை ஏற்படுத்தி வருகிறது. நாடு தழுவிய ஊரடங்கு மட்டுமின்றி, மாநிலங்களும் 144 தடை உத்தரவு உள்பட பல்வேறு கட்டுப்பாடுகளை விதித்து வருகின்றன. இருப்பினும் கொரோனாவுக்கு முழுமையான கடிவாளம் போட முடியத நிலையே தொடர்கிறது.

மத்திய சுகாதாரத்துறை அமைச்சகம் இன்று காலை வெளியிட்ட புள்ளி விவரத்தில், கொரோனாவால் 26,496, பேர் பாதிக்கப்பட்டுள்ளதாக கூறப்பட்டு உள்ளது. வைரசின் கோரப்பிடியில் சிக்கி புதிதாக 49 பேர் உயிரிழந்ததால் பலியானவர்கள் எண்ணிக்கை 824 ஆக அதிகரித்து உள்ளதாகவும், 19,868 பேர் மருத்துவமனைகளில் சிகிச்சை பெற்று வருவதாகவும் தெரிவிக்கப்பட்டு உள்ளது.

மத்திய சுகாதாரத்துறை அமைச்சக வெளியிட்டுள்ள புள்ளி விவரத்தில், இந்தியாவில் இதுவரை இல்லாத அளவில் ஒரே நாளில் (கடந்த 24 மணி நேரங்களில்) 1,990 பேருக்கு கொரோனா நோய்த்தொற்று உறுதி செய்யப்பட்டுள்ளதாக குறிப்பிடப்பட்டு உள்ளது. இதற்கு முன்பு கடந்த 24-ந் தேதி 1,752 பேருக்கு நோய்த்தொற்று உறுதி செய்யப்பட்டதே ஒரே நாளில் ஏற்பட்ட அதிகபட்ச பாதிப்பாக இருந்தது.

மேலும் இதுவரை, நாட்டில் கொரோனாவால் பாதிக்கப்பட்டவர்களில் சுமார் 20.88 சதவீத மக்கள் மீண்டு வந்து உள்ளனர் என்று ஏற்கனவே அரசு தெரிவித்து இருந்தது. மருத்துவர்கள், நர்சுகளின் அர்ப்பணிப்பு மிகுந்த கவனிப்பு மற்றும் சிகிச்சை முறைகளால் இந்த வைரஸ் தொற்றில் இருந்து குணமடைந்தவர்களின் எண்ணிக்கை 5,803 ஆக அதிகரித்துள்ளது குறிப்பிடத்தக்கது.

இந்தியாவில் மிகவும் பாதிக்கப்பட்ட மாநிலமான மராட்டியத்தில் மொத்தம் 7628 பேருக்கு கொரோனா வைரஸ் பாதிப்பு உள்ளது. இதில் 323 பேர் உயிரிழந்துவிட்டனர். இதனையடுத்து டெல்லி (2625), தமிழ்நாடு (1821), ராஜஸ்தான் (2083), மத்தியப் பிரதேசம் (2096), குஜராத் (3071), உத்தரபிரதேசம் (1793), ஆந்திரா (1061) மற்றும் தெலுங்கானா (991) மாநிலங்களில் அதிகமான பாதிப்பு உள்ளது.

கொரோனாவால் ஏற்கனவே 7 மாநிலங்களில் ஆயிரத்துக்கும் மேற்பட்டவர்கள் பாதிக்கப்பட்டுள்ள நிலையில், இந்த பட்டியலில் 8-வது மாநிலமாக ஆந்திரா இணைந்து உள்ளது.

மாநிலம் வாரியாக கொரோனா வைரஸ் பாதிப்பு விபரம்:-

அந்தமான் மற்றும் நிக்கோபார் தீவுகள் – 33, ஆந்திரா – 1061, அருணாச்சல பிரதேசம் – 1, அசாம் – 36, பீகார் – 243, சண்டிகர் – 28, சத்தீஷ்கார் – 37, டெல்லி -2625, கோவா – 7, குஜராத் – 3071, அரியானா – 289, இமாச்சலப் பிரதேசம் – 40, ஜம்மு-காஷ்மீர் – 494, ஜார்க்கண்ட் – 67, கர்நாடகா – 500, கேரளா – 457, லடாக் – 20, மத்தியப் பிரதேசம் – 2096, மராட்டியம் – 7628, மணிப்பூர் – 2, மேகாலயா – 12, மிசோரம் – 1, ஒடிசா – 94, புதுச்சேரி – 7, பஞ்சாப் – 298, ராஜஸ்தான் – 2083, தமிழ்நாடு – 1821, தெலுங்கானா -991, திரிபுரா – 2, உத்தரகண்ட் – 48, உத்தரபிரதேசம் – 1793, மேற்கு வங்காளம் – 611.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %