#IndiaFightsCorona கொரோனா வைரசின் பிடியில் சென்னை…! முக்கிய புள்ளி விபரம்:-

Read Time:2 Minute, 18 Second

தமிழக சுகாதாரத்துறையின் இன்றைய (ஏப்ரல்-27) செய்திக் குறிப்பு சென்னையில் மெல்ல, மெல்ல கொரோனாவின் பிடியில் சிக்கி வருகிறது என்பதை காட்டுகிறது.

தமிழகத்தில் கொரோனா வைரஸ் பரவலை கட்டுப்படுத்த மாநில அரசு கடும் நடவடிக்கைகளை மேற்கொள்கிறது.

இருப்பினும் பொதுமக்களின் போதிய ஒத்துழைப்பு இல்லாத காரணத்தினால் கொரோனா ஆட்டம் காட்டிக்கொண்டிருக்கிறது. சென்னையில் கொரோனாவின் போக்கு வேகமாக செல்கிறது.

சென்னையில் கொரோனாவினால் பாதிக்கப்படுபவர்களின் எண்ணிக்கை அதிகரித்துச் செல்கிறது. இன்றைய தமிழக சுகாதாரத்துறையின் செய்தி குறிப்பில் இடம்பெற்ற முக்கிய தகவல்களின் 5 பாயிண்ட்ஸ்…


* தமிழகத்தில் மேலும் 52 பேருக்கு கொரோனா வைரசின் பாதிப்பு உறுதி செய்யப்பட்டு உள்ளது.


* சென்னையில் 47 பேருக்கும், மதுரையில் 4 பேருக்கும், விழுப்புரத்தில் ஒருவருக்கும் வைரஸ் பாதிப்பு உறுதி செய்யப்பட்டு உள்ளது.


* இதனால் தமிழகத்தில் இதுவரையில் கொரோனாவினால் பாதிக்கப்பட்டவர்களின் எண்ணிக்கை 1937 ஆக உயர்ந்து உள்ளது.


* தமிழகத்தில் இன்று மட்டும் 81 பேர் கொரோனா வைரஸ் தொற்றிலிருந்து குணமடைந்து டிஸ்சார்ஜ் செய்யப்பட்டு உள்ளனர். இதுவரையில் குணம் அடைந்தவர்கள் எண்ணிக்கை 1001 ஆக உயர்ந்து உள்ளது. இதுவரையில் 24 பேர் உயிரிழந்து உள்ளனர்.


* சென்னையில் மேலும் 47 பேருக்கு கொரோனா உறுதியானதால் மாவட்டத்தில் பாதிப்பு 570 ஆக உயர்ந்து உள்ளது என தெரிவிக்கப்பட்டு உள்ளது.


கொரோனா வைரஸ் தொற்றிலிருந்து தப்பிக்க தடுப்பு நடவடிக்கைகள் மட்டுமே கைவசம் உள்ளது. எனவே, நாம் அரசின் விழிப்புணர்வு தகவல்களை பின்பற்றி நம்மையும், நம் தேசத்தையும் பாதுகாப்போம்…