#IndiaFightsCorona இந்தியாவில் பாதிக்கப்பட்டவர்கள் எண்ணிக்கை 28 ஆயிரத்தை நெருங்கியது, 872 பேர் சாவு; மாநிலம் வாரியாக பாதிப்பு விபரம்:-

இந்தியாவில் ஒரே நாளில் (கடந்த 24 மணி நேரங்களில்) 1,396 பேருக்கு கொரோனா தொற்று உறுதியாகி உள்ளது. 48 உயிரிழப்புக்கள் பதிவாகி உள்ளது.

இந்தியாவில் கொரோனா வைரஸ் தொற்றால் பாதிக்கப்பட்டவர்கள் விபரங்களை மத்திய சுகாதார அமைச்சகம் தினந்தோறும் அறிவித்து வருகிறது. அதன்படி இன்று காலை வெளியிட்ட புள்ளி விபரத்தில் இந்த வைரசால் புதிதாக ஒரே நாளில் (கடந்த 24 மணி நேரங்களில்) 1,396 பேர் பாதிக்கப்பட்டுள்ளதாக காட்டுகிறது. இதனால் நாட்டில் இந்த வைரஸ் தொற்றுக்கு ஆளானோரின் எண்ணிக்கை 27892 ஆக அதிகரித்துள்ளதாக குறிப்பிடப்பட்டு உள்ளது.

இந்த வைரஸ் தொற்றால் புதிதாக 48 பேர் உயிரிழந்துள்ளதால், பலியானவர்களின் எண்ணிக்கையும் 872 ஆக உயர்ந்து இருக்கிறது. இந்த வைரஸ் பிடியில் சிக்கி இருந்தவர்களில் 6184 பேர் மீண்டு வந்துள்ளதாக குறிப்பிடப்பட்டுள்ளது.

இந்தியாவில் கொரோனா வைரசின் கோரப்பிடியில் ஆரம்பம் முதலே சிக்கி தவித்து வரும் மராட்டியத்தில் 8068-க்கும் அதிகமானோர் பாதிக்கப்பட்டு உள்ளனர். அங்கு 342 பேரின் உயிரை இந்த வைரஸ் காவு வாங்கிவிட்டது. குஜராத்தில் திடீரென வேகமாக பரவ தொடங்கிய கொரோனா வைரஸ் அங்கு 3 ஆயிரத்துக்கும் மேற்பட்டோரை பாதிப்புக்கு உள்ளாக்கி இருப்பது அதிர்ச்சியை ஏற்படுத்தி உள்ளது. அங்கு 133 பேரை உயிரிழக்கவும் செய்துவிட்டது.

தமிழகத்தில் கொரோனா நோய்த்தொற்று அதிகம் கண்டறியப்பட்ட 5 மாநகராட்சிகளில் நேற்று முதல் முழு ஊரடங்கு அமல் படுத்தப்பட்டு உள்ளது. இருப்பினும் புதிதாக 64 பேருக்கு கொரோனா தொற்று உறுதியாகி உள்ளது. இதனால் இந்த வைரசால் பாதிக்கப்பட்டவர்கள் எண்ணிக்கை 1,885 ஆக அதிகரித்து உள்ளது. புதுச்சேரில் 9 பேர் கொரோனா தொற்றால் பாதிக்கப்பட்டு உள்ளனர் என தெரிவிக்கப்பட்டு உள்ளது.

தமிழகத்தின் அண்டை மாநிலங்களிலும் கொரோனா பாதிப்புக்கு உள்ளாக்கி வருகிறது. ஆந்திரா, தெலுங்கானாவில் ஆயிரத்துக்கும் மேற்பட்டோரை தாக்கி உள்ள கொரோனா, கர்நாடகத்தில் 500-க்கும் அதிகமானோரை பாதித்துள்ளது. கேரளாவில் இந்த வைரஸ் தொற்றால் பாதிக்கப்பட்டவர்கள் எண்ணிக்கை 458 ஆக அதிகரித்து உள்ளது.

மாநிலம் வாரியாக கொரோனாவினால் பாதிக்கப்பட்டவர்கள் விபரம்:-

அந்தமான் மற்றும் நிக்கோபார் தீவுகள் – 33, ஆந்திரா – 1097, அருணாச்சல பிரதேசம் – 1, அசாம் – 36, பீகார் – 274, சண்டிகார் – 30, சத்தீஷ்கார் – 37, டெல்லி – 2918, கோவா – 7, குஜராத் – 3301, அரியானா – 289, இமாச்சலப் பிரதேசம் – 40, ஜம்மு-காஷ்மீர் – 523, ஜார்க்கண்ட் -82, கர்நாடகா – 503, கேரளா – 458, லடாக் – 20, மத்தியப் பிரதேசம் – 2096, மராட்டியம்- 8068, மணிப்பூர் – 2, மேகாலயா – 12, மிசோரம் – 1, ஒடிசா – 103, புதுச்சேரி – 7, பஞ்சாப் – 7, ராஜஸ்தான் – 2185, தமிழ்நாடு – 1885, தெலுங்கானா – 1002, திரிபுரா – 2, உத்தரகண்ட் – 50, உத்தரபிரதேசம் – 1868, மேற்கு வங்காளம் – 649.

Next Post

உயிர்க்கொல்லி கொரோனாவினால் ஏற்படும் நிமோனியா எவ்வளவு கொடூரமானது...? TMP Explained

Mon Apr 27 , 2020
மனித உடலுக்குள் செல்லும் கொரோனா வைரஸ் நுரையீரலை இலக்காக கொண்டு தாக்குகிறது. சுவாசக் குழாய் வழியாக நுரையீரலை சென்று அடைவதற்கு தடுப்பு மருந்துகளால் சிகிச்சை அளித்துவிட்டால் பாதிக்கப்பட்டவர்கள் குணம் அடைய வாய்ப்பு அதிகமாக உள்ளது. ஆனால், வைரஸ் நுரையீரலின் அடிப்பகுதிக்கு சென்று தன்னுடைய எண்ணிக்கையை பெருக்கி தொற்றினை ஏற்படுத்தி நிமோனியாவை ஏற்படுத்திவிட்டால் உயிர் பிழைப்பது கடினம், பெரும்பாலும் இந்நிலைக்கு சென்றவர்கள் உயிர் பிழைக்கவில்லை என்பது தான் மருத்துவர்களின் பொதுவான கருத்தாக […]

அதிகம் வாசிக்கப்பட்டவை