#IndiaFightsCorona தமிழகத்தில் இன்று 121 பேருக்கு கொரோனா… சென்னையில் மட்டும்103 பேருக்கு தொற்று; பாதிப்பு எண்ணிக்கை 2,058 ஆக அதிகரிப்பு.!

Read Time:3 Minute, 3 Second
9 Views
#IndiaFightsCorona தமிழகத்தில் இன்று 121 பேருக்கு கொரோனா… சென்னையில் மட்டும்103 பேருக்கு தொற்று; பாதிப்பு எண்ணிக்கை 2,058 ஆக அதிகரிப்பு.!

தமிழகத்தில் நேற்று ஒரே நாளில் 121 பேர் கொரோனா நோய் தொற்றால் புதிதாக பாதிக்கப்பட்டு உள்ளனர். தமிழகத்தில் இன்று மொத்தமாக 5 மாவட்டங்களில் மட்டுமே புதிதாக கொரோனா தொற்று உறுதி செய்யப்பட்டுள்ளது. அதிகபட்சமாக சென்னையில் மட்டும் 103 பேருக்கு கொரோனா வைரஸ் பாதிப்பு உறுதி செய்யப்பட்டுள்ளது.

இதுகுறித்து சுகாதாரத்துறை வெளியிட்டுள்ள செய்திக்குறிப்பில் கூறப்பட்டிருப்பதாவது:-

தமிழகத்தில் இன்று ஒரே நாளில் 121 பேர் கொரோனா நோய் தொற்றால் பாதிக்கப்பட்டு உள்ளனர். இதனால் தமிழகத்தில் பாதிக்கப்பட்டவர்களின் எண்ணிக்கை 2,058 ஆக அதிகரித்து உள்ளது. இதுதவிர, கொரோனாவால் இன்று ஒருவர் உயிரிழந்து உள்ளார். இதனால் உயிரிழந்தவர்களின் எண்ணிக்கை 25 ஆக அதிகரித்து உள்ளது.

தமிழகத்தில் இன்று மொத்தமாக 5 மாவட்டங்களில் மட்டுமே புதிதாக கொரோனா தொற்று உறுதி செய்யப்பட்டு உள்ளது. இதில், அதிகபட்சமாக சென்னையில் 103 பேருக்கும், செங்கல்பட்டு மாவட்டத்தில் 12 பேருக்கும், கள்ளக்குறிச்சி மாவட்டத்தில் 3 பேருக்கும், நாமக்கல் மாவட்டத்தில் 2 பேருக்கும், காஞ்சிபுரத்தில் ஒருவருக்கும் தொற்று ஏற்பட்டு உள்ளது.

தமிழகத்திலேயே தொற்று எண்ணிக்கையில் முதலிடத்தில் இருக்கும் சென்னையில், 673 பேருக்கு கொரோனா தொற்றால் பாதிக்கப்பட்டு உள்ளனர் என்பது குறிப்பிடத்தக்கது.

இன்று மட்டும் 27 பேர் தொற்றிலிருந்து குணமடைந்து வீடு திரும்பி உள்ளனர். மொத்தமாக, 1,128 பேர் வீடு திரும்பி உள்ளனர். 902 பேர் மருத்துவமனைகளில் சிகிச்சை பெற்று வருகின்றனர். இதுவரை 1 லட்சத்து 1,874 மாதிரிகள் பரிசோதிக்கப்பட்டு உள்ளன. 93 ஆயிரத்து 189 தனிப்பட்ட நபர்கள் இதுவரை பரிசோதிக்கப்பட்டு உள்ளனர். 30 ஆயிரத்து 692 பேர் வீட்டுக் கண்காணிப்பில் உள்ளனர். 47 பேர் அரசு தனிமை முகாம்களில் கண்காணிக்கப்பட்டு வருகின்றனர். கொரோனா தொற்று சந்தேகத்தின் பேரில், 1,856 பேர் தனிமைப்படுத்தப்பட்ட வார்டுகளில் உள்ளனர் என தெரிவிக்கப்பட்டுள்ளது.

0 0
Happy
Happy
0 %
Sad
Sad
0 %
Excited
Excited
0 %
Sleppy
Sleppy
0 %
Angry
Angry
0 %
Surprise
Surprise
0 %