#TikTok-ல் காதல்: ஊரடங்கில் காதலனை காண தஞ்சையிருந்து மதுரைக்கு நடந்து வந்த பெண்…!

‘டிக்-டாக்’ செயலியில் அறிமுகமான நபரை ஒரு தலையாக காதலித்த பெண், அந்த வாலிபரை காண ஊரடங்கில் தஞ்சையில் இருந்து மதுரை வரையில் நடந்து வந்த சம்பவம் பெரும் பரபரப்பை ஏற்படுத்தி உள்ளது.

தஞ்சையை சேர்ந்த பி.எஸ்சி. பட்டதாரி இளம்பெண், டிக்-டாக் மூலம் மதுரை ஆரப்பாளையம் பகுதியை சேர்ந்த ஒரு வாலிபருடன் அறிமாகியுள்ளார். பின்னர் அந்த பெண் ஒரு தலையாக அந்த வாலிபரை காதலித்து வந்ததாகவும், இதையறிந்த அந்த இளைஞர் அந்த பெண்ணுடன் டிக்-டாக் பழக்கத்தை கைவிட முயன்றதாகவும் கூறப்படுகிறது.

இருந்தாலும் அந்த பெண், தனது ஒரு தலை காதலில் தீவிரமாக இருந்து உள்ளார்.

தற்போது கொரோனா பரவலை தடுக்கும் வகையில் ஊரடங்கு அமலில் உள்ளது. கடந்த வாரம் அந்த பெண், மதுரை வாலிபரை பார்ப்பதற்காக தஞ்சையில் இருந்து பைபாஸ் ரோடு வழியாக மதுரைக்கு நடந்து வருவதாக கூறி, டிக்-டாக் மூலம் வீடியோ ஒன்றை வெளியிட்டுள்ளார். தஞ்சையில் இருந்து மதுரைக்கு சுமார் 200 கிலோ மீட்டர் தூரமாகும்.

தனியாக மதுரையை நோக்கி நடந்துவருவதாகவும், சாலையில் நடந்து வரும் வீடியோ காட்சிகளையும், காதல் பாடல்களை பாடி, தற்போது எந்த இடத்தில் வருகிறேன் என்பதையும் வீடியோ பதிவாக செல்போனில் படம் பிடித்து அவ்வப்போது அதனையும் சமூக வலைத்தளங்களில் பதிவிட்டு பரபரப்பை ஏற்படுத்தியுள்ளார்.

அவர் நேற்று மதியம் மதுரை மாவட்டம் மேலூர் அருகில் நடந்து வந்து விட்டதாகவும், அந்த வாலிபரின் பெயரை குறிப்பிட்டு தன்னை மோட்டார் சைக்கிளில் வந்து அழைத்து செல்லும்படி கூறி ஒரு வீடியோவை டிக்-டாக் மூலம் பதிவு செய்தார் என செய்தி வெளியாகியுள்ளது. இவரது வீடியோவை வலைத்தளங்களில் பார்க்கும் பலரும் அவருக்கு அறிவுரை வழங்கியும், இன்னும் சிலர் அவரை திட்டியும், இன்னும் சிலர் போலீசார் இதை கவனிக்க வேண்டும் என்றும் பதிவு செய்து வருகின்றனர்.

Next Post

கொரோனா ஊரடங்கு: திசையன்விளை - தூத்துக்குடி இணைப்புச்சாலைகள் மூடல்...! மக்கள் அவதி!

Tue Apr 28 , 2020
கொரோனா வைரஸ் பரவாமல் தடுக்கும் வகையிலும் இந்தியா முழுவதும் ஊரடங்கு உத்தரவு அமல்படுத்தப்பட்டு உள்ளது. மாநிலங்கள் இடையேயும், மாவட்டங்கள் இடையேயும் எல்லையில் கண்காணிப்பு தீவிரமாக மேற்கொள்ளப்பட்டு உள்ளது. தமிழகத்தில் கொரோனா வைரஸ் பரவலை தடுக்கும் வகையில் ஒவ்வொரு மாவட்டத்திலும் எல்லையில் சோதனை சாவடிகள் மும்மரமாக செயல்பட்டு வருகிறது. மாவட்டங்களுக்கு இடையே செல்லும் வாகனங்களும் தீவிரமாக கண்காணிக்கப்பட்டு, கிருமி நாசினிகள் தெளிக்கப்பட்டு முன்னெச்சரிக்கை நடவடிக்கை எடுக்கப்பட்டு வருகிறது. இந்நிலையில் திருநெல்வேலி மாவட்டம் […]

அதிகம் வாசிக்கப்பட்டவை