#IndiaFightsCorona இந்தியாவில் பலி 1007 ஆகவும், பாதிப்பு 31,332 ஆகவும் உயர்வு: மாநிலம் வாரியாக பாதிப்பு விபரம்…

உலக நாடுகளை அச்சுறுத்தி வரும் கொரோனா வைரஸ் தொற்றை கட்டுப்படுத்த இந்தியாவில் இருகட்டங்களாக தொடர்ந்து 40 நாட்கள் ஊரடங்கு அமல்படுத்தப்பட்டு உள்ளது.

இந்த ஊரடங்கு முடிய இன்னும் 4 நாட்கள் உள்ளது. இந்தநிலையில் வைரசின் தாக்கம் தொடர்ந்து இருந்து வருகிறது. ஒவ்வொருநாளும் வைரசினால் பாதிக்கப்படுபவர்கள் எண்ணிக்கை உயர்ந்த வண்ணம் உள்ளது. இந்தியாவில் வைரஸ் தொற்றால் பாதிக்கப்பட்டவர்கள் எண்ணிக்கை 30 ஆயிரத்தை தாண்டிவிட்டது.

இந்தியாவில் கொரோனாவால் பாதிக்கப்பட்டவர்கள், உயிரிழந்தவர்கள் விவரத்தை இன்று காலை மத்திய சுகாதார அமைச்சகம் வெளியிட்டுள்ளது. அதில் இந்த வைரஸ் தொற்றால் கடந்த 24 மணி நேரங்களில் புதிதாக 1897 பேர் பாதிக்கப்பட்டுள்ளதாக கூறப்பட்டுள்ளது. இதன் மூலம் நாட்டில் கொரோனா பாதிப்புக்கு உள்ளானவர்களின் எண்ணிக்கை 31,332 ஆக அதிகரித்துள்ளது.

மேலும் 24 மணி நேரத்துக்குள் 73 பேர் உயிரிழந்துள்ளதாகவும் தெரிவிக்கப்பட்டுள்ளது. இதனால் பலியானவர்கள் எண்ணிக்கை 1,007 ஆக உயர்ந்துள்ளது. வைரசால் பாதிக்கப்பட்டு சிகிச்சை பெற்று வந்தவர்களில் இதுவரை 7,696 பேர் பூரண குணமடைந்து வீடு திரும்பி உள்ளதாகவும் சுகாதாரத்துறை அமைச்சகம் தெரிவித்து உள்ளது.

இந்தியாவில் அதிகம் பாதிக்கப்பட்ட மாநிலமான மராட்டியத்தில் 9,318 பேருக்கு கொரோனா தொற்று உறுதியாகி உள்ளது.

மாநிலம் வாரியாக பாதிக்கப்பட்டவர்கள் எண்ணிக்கை விபரம்:-

அந்தமான் மற்றும் நிக்கோபார் தீவுகள் – 33, ஆந்திரா – 1,259, அருணாச்சல பிரதேசம் – 1, அசாம் – 38, பீகார் – 366, சண்டிகார் – 56, சத்தீஷ்கார் – 38, டெல்லி – 3,314, குஜராத் – 3,744, அரியானா – 310, இமாச்சலப் பிரதேசம் – 40, ஜம்மு-காஷ்மீர் – 565, ஜார்க்கண்ட் -103, கர்நாடகா – 523, கேரளா – 485, லடாக் – 22, மத்தியப் பிரதேசம் – 2,387, மராட்டியம் – 9,318, மணிப்பூர் – 2, மேகாலயா – 12, மிசோரம் – 1, ஒடிசா – 118, புதுச்சேரி – 8, பஞ்சாப் – 322, ராஜஸ்தான் – 2,364, தமிழ்நாடு – 2,058, தெலுங்கானா – 1,004, திரிபுரா – 2, உத்தரகண்ட் – 54, உத்தரபிரதேசம் – 2,053, மேற்கு வங்காளம் – 725.

Next Post

#IndiaFightsCorona மனிதர்களிடம் சோதனை தொடங்கியது... செப்டம்பர் மாதத்தில் கொரோனாவுக்கு தடுப்பூசி - இந்திய மருந்து நிறுவனம் தகவல்

Wed Apr 29 , 2020
உலகையே அச்சுறுத்தி மக்களின் உயிரை குடித்துக் கொண்டிருக்கும் கொரோனா வைரஸ் நோய்க்கு இதுவரை தடுப்பூசியோ, தடுப்பு மருந்துகளோ கண்டுபிடிக்கப்படவில்லை. தற்போது இருக்கும் தடுப்பு மருந்துகளை கொண்டே சிகிச்சை மேற்கொள்ளப்படுகிறது. உலகம் முழுவதும் கொரோனா வைரசுக்கு தடுப்பு மருந்து கண்டுபிடிக்கும் பணியில் அறிவியல் தொழில்நுட்பத்தில் முன்னேறிய பல நாடுகள், பல்கலைக்கழகங்கள், தனியார் மருந்து நிறுவனங்கள் தீவிர ஆராய்ச்சியில் ஈடுபட்டு உள்ளன. இந்தியாவிலும், இதுபோன்ற ஆராய்ச்சி நடைபெற்று வருகிறது. மருந்து தயாரிக்கும் பணியில் […]

அதிகம் வாசிக்கப்பட்டவை