#IndiaFightsCorona மனிதர்களிடம் சோதனை தொடங்கியது… செப்டம்பர் மாதத்தில் கொரோனாவுக்கு தடுப்பூசி – இந்திய மருந்து நிறுவனம் தகவல்

உலகையே அச்சுறுத்தி மக்களின் உயிரை குடித்துக் கொண்டிருக்கும் கொரோனா வைரஸ் நோய்க்கு இதுவரை தடுப்பூசியோ, தடுப்பு மருந்துகளோ கண்டுபிடிக்கப்படவில்லை.

தற்போது இருக்கும் தடுப்பு மருந்துகளை கொண்டே சிகிச்சை மேற்கொள்ளப்படுகிறது.

உலகம் முழுவதும் கொரோனா வைரசுக்கு தடுப்பு மருந்து கண்டுபிடிக்கும் பணியில் அறிவியல் தொழில்நுட்பத்தில் முன்னேறிய பல நாடுகள், பல்கலைக்கழகங்கள், தனியார் மருந்து நிறுவனங்கள் தீவிர ஆராய்ச்சியில் ஈடுபட்டு உள்ளன. இந்தியாவிலும், இதுபோன்ற ஆராய்ச்சி நடைபெற்று வருகிறது.

மருந்து தயாரிக்கும் பணியில் ஈடுபட்டுள்ள சீரம் இன்ஸ்டிடியூட் ஆப் இந்தியா நிறுவன அதிபர் பூனாவாலா இதுதொடர்பாக அளித்து உள்ள பேட்டியில், கொரோனா வைரஸ் தொற்றுக்கு தடுப்பூசி கண்டுபிடிக்க 2 ஆண்டுகள் அல்லது குறைந்த பட்சம் 18 மாதங்களாவது ஆகும் என்று உலகின் பல விஞ்ஞானிகளும் தெரிவித்து வருகின்றன. நாங்களும் அப்படித்தான் கூறிவந்தோம். ஆனால், ஆக்ஸ்போர்டு பல்கலைக்கழக குழுவுடன் நாங்கள் செய்து கொண்ட ஒப்பந்தத்தின் அடிப்படையில் தற்போது நடைபெற்று வரும் ஆராய்ச்சி காரணமாக செப்டம்பர் அல்லது அக்டோபர் மாதத்தில் கொரோனா வைரஸ் தடுப்பூசியை கண்டுபிடித்து விட முடியும் என்ற நம்பிக்கை பிறந்திருக்கிறது.

ஏனெனில், இதற்கு முன்பாக உலகை அச்சுறுத்திய எபோலா நோய்க்கு தடுப்பு மருந்து கண்டுபிடித்தது இதே குழுதான். ஆக்ஸ்போர்டு பல்கலைக்கழக ஆராய்ச்சியில் நல்ல முன்னேற்றம் காணப்பட்டு உள்ளது. தற்போது, ஆராய்ச்சியில் கண்டுபிடிக்கப்பட்ட மருந்துகள் மனிதர்களுக்கு கொடுக்கப்பட்டு சோதனை நடத்தப்பட்டு வருகிறது. கடந்த 23-ம் தேதி முதல் இதுதொடர்பான சோதனைகள் நடந்து வருகிறது. எங்கள் சோதனை வெற்றிகரமான முடிந்தால் மருந்தை இந்தியாவுக்கும், உலக நாடுகளுக்கும் உடனடியாக கொடுத்து விடுவோம். மருத்துக்கான விலை குறைந்தப்பட்சம் ஆயிரம் ரூபாய் இருக்கும் எனக் கூறியுள்ளார்.

Next Post

எங்களுடைய கருவிகளை தரமற்றது என்காதீர்கள்... சீனா காட்டம் ...!

Wed Apr 29 , 2020
சீன நிறுவனங்கள் தயாரித்த கொரோனா நோய் தொற்றை கண்டறியும் ரேபிட் டெஸ்ட் கருவிகளை தரமற்றது என்று முத்திரை குத்துவது நியாயமல்ல என்று சீனா கூறியுள்ளது. கொரோனா பாதிப்பை கண்டறியும் கருவிகளை 2 சீன நிறுவனங்களிடம் இருந்து இந்தியா கொள்முதல் செய்தது. ஆனால், அந்த கருவிகள் தவறான முடிவுகளை காட்டியதால் பெரும் அச்சம் ஏற்பட்டது. உலகம்முழுவதும் சீன கருவிகள் இதுபோன்ற தரமற்றவை என்ற குற்றச்சாட்டை சந்தித்து வருகிறது. இந்நிலையில், அவற்றை பயன்படுத்தாமல் […]

அதிகம் வாசிக்கப்பட்டவை